今日陪老婆出石硤尾檢查眼睛,吃過早餐我要辦點事,時間緊迫,老婆先行一步,9點10分來到香港盲人輔導會,
上到一樓,老婆已經做了初部檢測在等,老婆話早知當日一同登記,便可以一起檢查,諗吓都好,一於現在出去登記埋,登記好排期到6月20日.
登記好回來坐陣,老婆第二次叫名,於是陪同入去,原來只係見護士,問吓有無其他病同藥物敏感,跟住滴瞳孔放大藥水,護士話會三小時矇矓喎,之後外便等叫名,又坐咗陣,今次真的見醫生,我又跟入去,醫生問有乜唔妥,老婆唔識講,跟住醫生帶上頭燈叫老婆對眼碌左碌右,又上又下,觀察咗輪話無事,不用覆診,拿眼藥走得,見老婆無嘢講,我就話佢睇嘢好差啵,重差過我,佢話去登記乜乜視光,我一頭霧水?離開醫生房,老婆一輪咀話這樣那樣,我話這只不過係你講,要醫生說才正確.吹漲,記然離開醫生房,你話乜就乜.
離開後老婆登記處付錢,跟住登記埋剛才乜視光乜,登記好排期,又要先付50元按金,驚C你登記咗甩底唔來.
同老婆攞埋眼藥水走得.
離開盲人輔導會10點10分,咁早都唔知去邊好,同老婆一直向深水埗方向行,一直行到西九中心,腳都跛埋,見到有麥記,嗱淋入去坐歇吓對腳,叫咗個麥樂雞食吓,未食過,但又唔覺得點好食,期間望吓啲麥記客百態.
大中青老嫩都有,最為百態係媽咪帶仔放幼雅園學,開定個平板電腦個仔happy.
歇夠後去邊好呢?鴨記又未咁早,街市又係,不如同老婆去李鄭屋古墓參觀,老婆未去過,咁就一直向李屋邨方向行,又係行到我隻嘢咁,來到李鄭屋邨公圍又要歇腳,問吓途人原來就隔離,唞夠就入內參觀.
墓穴外表
參觀完就墓穴隔鄰公園又休息,
坐夠唞夠揾嘢食,來到這間傳統粥店食粥,價錢真平,油器賣5蚊.
叫了花生豬骨粥+炸兩16蚊,老婆就魚片粥+油條18蚊.不過麻麻,豬骨真係骨無肉,師父好重.
吃後搭車出旺角,等車時見有隻灰矇矇黑白貓守門口,好醒目守埋一邊,
之人後去咗旺角街市,無嘢好買,買以下生果,番歸都5點鐘.
有西洋菜一斤6.4蚊,甘菇三包8蚊,芒果8隻10蚊,牛奶蕉一梳10蚊,枇杷果兩磅24蚊.
夜無煮飯炒個西洋菜,同個外賣齍鹵味兩人食.
餐後果,枇杷果同牛奶蕉.
