出埋編卜,游水900m,大圍拮嘢,晚飯煲粥炒腸粉,兩個人食.

晨早又醒,瞓不返5點鐘為有起來上網,6點鐘老婆返工,洗個面續寫我兩天遊記,寫至8點多鐘,才弄早餐食,吃後梳化看電視,看吓恰吓眼又12點多步步驚心,1點鐘看埋個午間新聞,就執整行裝去游水.

過到泳池1點33分,換妥泳褲上池面,行去舞雷公遠副池,太陽勁猛超曬,太陽傘下稍熱身便下水,先游300m唞陣又300m,再多300m湊夠900m起錨走人,返回更衣室2點45分.

搞掂一切換妥衫,見有個大約30歲男人,帶著個約6.7歲妹妹來,嘩!有無搞錯?個妹妹都細?何解還入男更衣室,個妹妹脫去條裙以經係泳衣,黑色好省鏡吓,條麻甩佬當佢面前照換露埋械,看條麻甩佬打扮極新潮,看似教練又或者父女卦?若果老人家同孫女來,我都唔怪得?但佢咁後生咁新潮,大概應該懂卦?其實泳池有家庭式儲物柜同更衣房,我都層勸解過啲老人家,去家庭更衣房,唉!都無謂多事?以經3點鐘,至電放工老婆,大圍食嘢兼買餸喎.

過到大圍剛好同老婆同步,同樣拮野食個飯餐,星期六人多,唉!無偈,同老婆孖住,坐正兩個滿枱文件面前,一買一賣解釋多多保險,真係擇駛,搞到我要捧著碗飯來食. 

飯後行街市,見麥記少有有吉位,同老婆又每人食杯軟雪糕,攤唞陣wifi吓繼續買餸.

 

買餸回程,經過海味鋪,見個哥仔伙記在卦鹹魚,一望有無寫錯呀?1000蚊斤曹白?於是多口問句1000蚊斤?哥仔話係呀,佢都話未見過咁貴,話喱條以經7佰幾喎,嘩!犀利.

推著部單車行到大圍站,見有咖啡派,得幾丁友在排,兩公婆又試飲,嘩!好嘢凍咖啡,做宣傳都算大杯,飲咗半杯,咖啡非我至愛,還是比老婆飲埋.

推著部單沿城河邊,一路踱回家,.

回家已經5點半鐘,買來的有蒜頭兩串5蚊,腸粉5蚊,芽菜2蚊.

 

今晚餐料有芽菜兩蚊,白果,腸粉5蚊,陳皮,鹹蛋,兩片魷魚翼同兩舊鹹鴨.

 

魷魚芽菜XO醬炒豬腸粉

 陳皮白果鹹鴨粥..
 
烚隻鹹蛋,兩個人食.

 餐後果續網民瓜.

佛山兩天遊(2)回程

2015年5月28日  星期四    佛山兩天團  第二天  回程

昨晚8點多食完個所謂海鮮自助餐,返回房間9點鐘,洗完白白武則天出場不久,9點多以經隨隨瞓著.

去到12點幾鐘,個肚突然痛醒,大劑搞肚,嗱淋廁所去爆,好衰唔衰爆吓停吓,心諗若明天回程在車就大鑊,希望佢一劑爆清,免得明天再來過?甩甩漏漏的辦完個大,真係無乜信心?

返床再瞓,肚以經無事,但係撻極都唔著,笠個耳機半夢半醒下天光,6點多鐘起來,睡來麻麻,梳洗好7點多啲同老婆二樓餐廳早餐.

 

早餐7點鐘開始,可能太早無乜客,

 

坐陣朋友亦到,4人一枱開始食早餐,早餐還是麻麻,無乜好食,都係食份西式,同份中式,朋友又淆淆聲,話無啖好食,都係嗰句,一分錢一分貨,佢還是嗰句,零願比多幾舊,我話團種潮流興咁,都無偈,所以以前興買嘢,我都絕跡多年啦,都係嗰句,下次揾過啲貴嘢啦?

 

吃過早餐回房攤唞輪,9點50分執齊行理離開酒店.

10點多啲又出發.

10多分鐘便來到今早第一個景點葉問紀念館,以前都來過,不過今次入口唔同.

 

入口一個好污濁一個塘,嘩!啲魚好大條,剩係露水面條魚鰭露嚇襯你,手掌般大,看來無人拿去食都似?

途經一江氏祠堂

經過市集,真係開心.

不遠便來到葉問紀念館.

人多進館,門口擾攘咗好一會,才啪了幾張合照,入到館內以經無乜人,可能太多人來過,行吓便算了,朋友好有興趣,但老婆有點急,時間卦?朋友有點唔耐煩,我話還有時間,哈,我才諗起,外便就是街市,買嘢呀?

 

館好細細,好容易便行個圈便離開,朋友嗰然,買雞呀,白切雞一隻42蚊人仔喎.

 

行過兩間鋪,我就買份500g黑芝麻+乜?打粉28人仔,朋友見又感興趣.

 

  

28人仔500g

 

買完黑芝麻便回車,大把團友未到,大概還在購物卦?

 
離開葉問館11點40分來到食中午地方.

 

 

今餐叫滋補蟲草花紅棗三雞宴,名符其實三碟整隻雞.清遠雞喎.

先來個炒飯,兩碟加餸,稍後雞鋪上荷葉面,即蒸10多分鐘食得,食完雞荷葉底,是鑊上湯,跟住淥瓜淥菜同菰類打邊爐,,大概蒸雞後精華流落個湯卦?菜免費可添加,只不過加了一碟咁多.

 

問過老闆娘,咁樣一隻荷葉清遠雞外賣,要68蚊喎,不過團友無興趣.

 

吃過餐三雞宴,諗住上車出發,誰知發生大件事,

司機話食飯其間,被人偷油,連油蓋被人撬花晒,朋友太驚訝,光天化日咁都得?唉!多點睇下威龍個旅遊卜啦.

結果要報公安,

連廚房工都出來看熱閙,聽員工講從未發生過,第一次喎.

 事發地點,瀝西村.

大約搞咗粒多鐘離開,成15點鐘來到最後景點,就係國際傢俱博覽中心.

 

犀利,大到無倫,入到去揾個廁所,要行到舞雷公咁遠,去完個所行回場中心,行到隻嘢咁,同老婆搭聶上頂樓,正正是好大羅浮宫傢俱,好靚正舉機拍照,職員即叫傢具不能拍,不拍就行出走廊,去居高臨下,鳥瞰一番,然後扶手電梯續層而下,扶手梯好先進,無人踏上,佢就像蝸牛式的緩慢動,有人踏上去,佢就正常移動.

落到二樓,見團友在試按摩器,試得熱閙紛紛,大概同靚女售貨員傾得開心卦?

 

我又埋去湊熱閙,立即有靚女叫我試試,陂上肩博上,真係鎚鎚到肉,鎚得幾重吓,陂前開價200人仔喎,陂後叫買個啦150喎,百零蚊真唔係貴,不過多個香爐多舊嘢啫?

 

團友好準時,15點45分離開,就繼續回程返深圳,途中見不知什麼,?大陸發展真快.

導遊話,係咪沒看見虎門大穚呢?佢話我們走的是舊路喎,嗰然暢順無阻.
幾年旅行來講,我算好運,天氣好又暢順,團餐客又OK.

17點來到麻涌服務區鬆鬆.

日落西山,

回程差不多尾聲,靚女導遊要收服務費lu.

18點23分先深圳口岸,朋友下車,18點55分輪到福田口岸,兩天行程就這樣結束.

 回程路線圖

團費299+服務費120來講,不過不失啦.

回家20點15分,又要揾呀大食晚飯LU.

買來黑芝麻+乜500g打粉,人仔28蚊.