睡來唔錯,大市回穏,無嘢好睇,游水800m,大圍拮嘢,麥記唞唞,晚飯三人食.

昨晚12點前都瞓,一覺今晨6點鐘醒一醒,老婆返工,去個所後又瞓返,瞓到8點多啲鐘醒,睡來相當唔錯,一切良好,洗個面上網稍後早餐,辦妥一切事務,上陣網又9點半鐘,神的晚餐.

看完集劇後,望吓個市,大市見回穏,看來都乜好睇,看吓電視上吓網又一個上午.

都好多日無游水,看埋午間新聞就前去游水,過到泳池搞掂一切,上池陽光勁猛,稍熱身2兩點鐘下水,泳客唔多好鬆容,一口氣游佢500m,池邊稍唞,再來300m夠數起錨,更衣室掂一切,剛好3點鐘,老婆放工來電,又話大圍食拮嘢喎.

過到大圍拮野,老婆已經在等,每人食個飯餐,佢20我19蚊,餐後行街市,買吓行吓見麥記有位,兩公婆又入去唞唞,每人食杯軟雪糕7蚊,歇陣又起程返歸.

天氣實在太熱,同老婆又靠學校邊行,城河邊樹蔭櫈又坐吓,偈夠唞夠繼續回家,返回自己街市,又貢上惠康,實在太熱,我要買汽水,20.9蚊買三支1.25升玉泉,溝鮮奶呀,街市老婆買薏米同冬瓜返歸.

今日買料有玉泉3支20.9蚊,方包9蚊,薏米5蚊,冬瓜7蚊,鹹蛋5隻10蚊,司華力腸12蚊,三文魚腩12蚊,烏冬11蚊.

 

回家老婆搞煲湯,今晚料有食不完白豆,司華力腸一條2.4蚊,三文魚腩食半6蚊,

 

香煎三文魚腩

 司華力腸炒白豆

牛榜薏米赤小豆煲冬瓜

 三個人食.

瞓得好,一切良好,大市跌,入不到市,下午茶,大圍拮嘢,晚飯兩人食.

昨晚出埋編blog,成12點鐘幾至瞓,一覺6點多鐘醒,去個所又瞓返,瞓近9點鐘醒,睡來唔錯,鼻水小咗,一切良好,洗個面上網,食埋個早餐已經9點半鐘,又神的晚餐.

看完望吓個市,還以為會反彈,誰知跌成4幾點,咁就邊度不用去,坐坐定定響屋企.

1點多鐘個市跌7百多點,諗住入市買些少,誰知個網頁遲緩,無辦法入市,1點半鐘後睇住個市回,看來大勢已去,好快又3點鐘,老婆放工來電,咁就大圍食嘢兼買餸.

拮嘢每人食個飯餐,就行街市,行轉街市買有夾心餅兩包32蚊,豆腐一舊3.5蚊,瞓覺蝦15蚊.

 今晚料有豆腐3.5蚊,南瓜約2蚊,甘菇3.3蚊,蝦15蚊.

 蝦膠蒸釀豆腐.

 蝦仔甘菇南瓜湯.

 兩個人食,今餐大約23.8蚊.

 

飯後果食埋些少茘枝.

睡來唔錯,有噴嚏有鼻水,深水埗食麥記,鴨撩街睇電視架,北河街市買餸,晚飯三人食.

昨晚諗住睇埋套阿凡達之瞓,可惜周公唔肯,11點多鐘以經頂不住,為有上床瞓,一覺今早7點半鐘,睡來唔錯,賴至8點鐘起來,有噴嚏有鼻水,情況似開始差?

星期日麥道舞,整日在家不是上網便看電視,兩點多鐘個仔來電,說今日早收工,想出鴨撩街,睇電視卦墻架,好,就同你行吓.

3點鐘老婆放工,又話齊齊出鴨撩街,3點多啲鐘樓下截獲老婆,一齊巴士出深水埗,在站等咗好一陣,老婆才說有隻糉在袋,怕天氣熱變壞,又要回家放雪柜喎.

結果回來走了班車,出到深水埗以經4點多啲鐘,同個仔會合後,諗住食啲嘢,於是桂林街揾嘢食,嘩!處處食市排晒隊,諗住以前食過間燒鵝大乜,望吓水牌一碗燒鵝飯要40皮,但個仔唔想食飯,又繼續行,行咗好一會都唔知食乜好,?不如又麥記食包啦.

去到麥記又係超多人,好難才找到張兩人枱三人坐,個仔同個老母買嘢,三人盛惠79蚊.

 餐後行高登,迫餐懵揾得兩檔有賣,離開高登行去鴨撩街,記憶有兩間有賣.

同個仔睇完輪了解輪,都係唔買住,番歸再研究過,以經6點10分,嗱淋就北可街市買餸,

買有雞蛋一排25蚊,糯米滋兩磅20蚊,瘦肉10蚊,薑10蚊.

回家以經7點半鐘,嗱淋煮飯,料有瘦肉剁碎,白豆,青椒,鹹蛋同雞蛋.

鹹蛋水蛋蒸肉餅

飯焗白豆.

煎青椒.

三個人食.

飯後果茘枝.

晨早就醒,瞓得差,九唔搭八清潔工,有睇無賭馬,大乜樂下午茶,晚飯兩人食.

昨日家居改革,做到隻野咁,出埋編blog成12點鐘至瞓,一覺今晨5點半鐘醒,去個所回來就瞓不返,捱到6點鐘,老婆閙鐘響,看來都係瞓不返,為有孖住老婆起來,老婆返工我上網.

上陣網食埋個早餐,辦埋大事,還是8點鐘,百無聊賴不如落街行吓,攞埋門口個棄柜爛板,一次拿不清,剩下幾塊膠板留下次,廢板掉去垃圾站,然後圍住屋邨行個圈,太陽初出,天氣好熱,兼夾唔夠瞓,行得好辛苦,行個圈返回商場坐.

又熱又辛苦,坐咗好耐才返歸,回到自己層聶堂,見我啲膠板走咗出聶堂,邊過咁多手拿出來,陷我不義,於是續塊用腳屈碎,諗住拿回屋企放垃圾筒,誰知個清潔工拖住個垃圾蘿到,佢話以經杪低,等陣用車仔推走.
原來係你拿出來,我話我做人好公道,會自己拿去垃圾站,不會好似別人靜雞雞,大大座傢俬推出聶堂,四個大字,以為同情吓佢哋做事辛苦,誰知佢話我對水鞋好貴,驚篤爛喎,大概見我用腳屈碎,佢諗不到卦?唉!我都費事講,張碎膠板掉落佢垃圾蘿走人.

回家實在太累,今日都係唔搞嘢住,笠個耳筒在梳化瞓陣,一瞓11點多鐘,上陣網又12點半鐘,番熱昨晚隔夜湯渣食,星期六跑馬,索性留響企賭馬.

睇了好幾場,硬係唔識賭,睇吓睇吓又3點鐘,老婆放工,話樓下大家樂喎,好.

大家樂每人食個餐,坐咗好耐才離開,返歸前買舊豆腐4.5蚊返歸.

回家黑豆浸醋食光多時,係時候炒番啲浸米醋.

 搞掂黑豆浸落醋,又來今晚餐飯,有鹹雞髀一隻,洋葱小許,豆腐一件4.5蚊,大佬的青椒數隻.

 一於剁碎做兩樣.

 

煎釀青椒.

 煎釀豆腐

 開飯兩個人食,唉!誰知老婆無撳煲制,搞到越夜更夜食.

瞓覺好,家居改革,大跌市買番啲,大乜樂下午茶,晚飯4人食.

昨晚11點半鐘都瞓,一覺6點鐘醒,去個所老婆返工,返床聽著收音機,又比我瞓返,一瞓8點鐘起來,少有瞓得返,睡來相當滿意,起來才發覺昨晚鼻樑無貼杞子,打幾個噴嚏,有點鼻塞同鼻水,似傷風都似?洗個面早餐,上陣網又9點半鐘,神的晚餐.

睇吓望吓個市,嘩!打大風,神的晚餐未看完以經昅個市,去到11點鐘,都忍不住手,執番塊葉都好,於是買番些少,大市越跌有,12點收市以經跌成404點.

家居改格,個仔還未到,為有做些可做的,1點鐘個仔終於到,齊齊動手,地方淺窄又多嘢,幾艱辛苦才拆下個柜同塊層板,個柜84年自家做,30年都霉霉爛爛,柜就拆散掉得,塊板就按過隔離.

做吓望吓個市,大鑊越跌越金,無偈?兩點多鐘又追入多注.

3點鐘老婆放工,齊齊大家樂食個下午茶餐,

 茶後老婆街市料煲湯,返歸老婆煲湯,我同個仔繼續.

 

一做成8點鐘,才來煮飯,有鹹雞,白豆角,鹹蛋隻,雞蛋兩隻,茄瓜一條.

共冶一爐,一煲搞掂.

 

 

豆角茄瓜鹹雞焗飯.

鹹蛋雞蛋蒸水蛋

老婆煲紅蘿蔔佛手瓜粟米煲豬展.

4個人食.

 

飯後果西瓜.

晨早醒,8天黑蒜,游水800m,食拮嘢,剪個髮,晚飯兩人食.

昨晚12點前都瞓,瞓至今早6點以經醒,老婆返工,瞓不返賴床聽耳筒,賴至8點鐘起來,一切良好,無噴嚏無鼻水,耳鳴依舊輕微,腳消腫中,洗面上網食早餐,辦事麻麻,量個血壓149/70-53差極?
8天黑蒜夠期,緊張時刻到,一開OK啵.

又9點半鐘,神的晚餐,看完梳化恰陣眼瞓,看吓電視又一個上午,1點鐘落場大雨,諗住都不用去游水,竟然大雨過後放晴,都係唔好嘥,夾塊麵包食,一於去游水.
過到池搞掂一切,2點鐘下水,一游500m,落起雨來,稍唞游多300m,夠數走人.
更衣搞掂一切3點鐘未夠,同呀王吹陣水,3點多啲鐘,老婆放工來電,相量下係都話要過大圍,咁就大圍吉野家等.
過到吉野老婆以經在等,每人食個飯餐,餐後見隔鄰理髮店,少有無人排隊,頭髮長長,不如剪個髮,老婆熬熬聲.
相金先惠,百達通付款50元,先進理髮,工具多多,後生仔快手快腳,好快剪完,望吓發覺唔多夠短?師父又換過件配件,又來刨過,話咁快剪完,剪來唔錯,新一派理髮,技術次要,工具緊要.

離開新派理髮行街市,大佬比落大把菜,不用買,係看吓有無下價魚啱買,可惜魚檔幾家都無開,可想而知?無嘢啱買便行惠康,特價16蚊買邊西瓜,之後櫻桃9蚊買磅方包,行經麥記見有位,又入去坐吓,同老婆每人食杯雪糕,攤唞輪wifi夠走人.

離開老麥,見個天落出幾粒雨,落襯唔嘢少?穩陣起見,叫老婆搭程火車,我就踩車回家.
返回自己街市,老婆買5蚊菜蒲,4.3蚊生菜返歸.

 回家由於家居改革在即,一摷柜籠底,驚人發現,失踪N年衫褲重現天日,N年Lee牌牛仔褲兩條,大話話10年以上.

寫陣blog唔覺成8點幾鐘,嗱淋煮飯,有生菜,洋葱,茄瓜,白豆角,菜蒲同雞.

 炒粒粒

腐乳茄子

生菜包

兩個人食.

飯後果西瓜.