睡來尚可,煲劇,游水800m,三人大乜樂,不用買餸,晚飯4人食.

昨晚煲劇越煲越吸引,又成1點鐘至瞓,還好瞓著,一覺今晨6點半鐘醒,笠隻耳筒迷糊到8點鐘,睡來還可以,鼻無事,起來早餐兼上網,早餐無麵包,三隻馬拉盞一杯奶麥皮食,辦埋大事才9點半鐘.

 又煲劇四十九日祭,煲至10點半鐘,超眼瞓,關機走去床瞓,一瞓12點鐘,出廳揾嘢食,新抱剛番工,問我無乜事嗎?哈!還以為我唔舒服.

 新抱返工後,原來個仔放假,還攤響床度瞓,1點多鐘新聞後過源禾路游水,過到池1點35分,換妥泳褲上池,稍熱身1點47分下水,一游500m,稍唞再游多300m夠數,2點31分上水走人.

 更衣沖完個涼,見退休巴士佬到,好奇問吓佢?現時搭巴士還須不須付錢?原來係要的,之後好長氣講佢啲巴士往事,3點鐘電話響,老婆放工,屋企還有餸,邊度都唔去,返歸樓下食大乜樂.

 返回商場大乜樂,老婆在等,個仔還未到,同老婆每人食個餐,老婆22我24,個仔才到,叫咗個33蚊餐,三人吃後坐咗輪返歸.

回家才4點多啲鐘,繼續煲劇,到7點鐘煮飯,有昨日買的芥蘭8蚊,蕃茄4.8蚊,雪柜甘菇一扎3.3蚊,鹹冰雞一舊6蚊.

 鹹雞焗飯.

 蕃茄煮甘菇

 豉油灼芥蘭

 隔夜餸一碟,4個人食一夜返留飯餸.

飯後果,安琪梨

噴嚏鼻水不停,煲劇,賭馬輸20,大乜樂下午茶,晚翻熱飯兩人食,睇英超,買瀘水器.

昨晚12點幾至瞓,瞓至今早8點鐘醒,笠耳筒聽收音機賴到9點才起來,鼻敏感發作,噴嚏打不停,鼻水流不盡,洗個面早餐邊上網,辦埋大事又10半鐘,無所事事又煲劇,從未試過兩日內煲佢11集,是實太好好睇,大陸劇睇得多,未試過有套睇完畢.

 一煲又12點鐘,噴嚏鼻水未停過,新抱放假見我噴嚏未停過,介紹我食隻藥維他命C喎?我話等我開咗啲窗同度大門,試試睇過先?哈!咪理,過咗陣,嗰然湊效,鼻水收歛,噴嚏少咗.
又12點鐘,看電視城市論壇,睇咗陣12點50分,馬以經跑咗第一場,睇跑馬,跑到第五場,買10蚊位Q,李麗微吖煙都無陣,又3點鐘老婆放工,個新抱出街街,相信佢哋今晚有節目,唔會食飯?同老婆講邊度唔駛去,回來樓下大乜樂啦.
回來大乜樂,兩公婆每人食個下午餐22,24.46蚊,坐陣街市買3隻蕃茄4.8蚊,買斤芥蘭8蚊返歸.

夜啲友無個回來食,咁就早點煮飯,摷摷雪柜,嘩!好多冷飯同餸,無偈,清清雪柜,就來個鐵兜翻熱飯,同老婆倆份食.

飯後沖個涼,剛好8點鐘,網上英超熱刺對車仔.

10點鐘打完,互無紀錄,夜點三隻嘢返到,原來買咗個瀘水器回來,1598蚊喎,係乜田大減價喎.

 

金寶湯又一年

唔覺唔覺又一年 

                      

                  一年來總算有驚無險

   

                                            平安渡過

                                                        希望年年如是

  

                                                                      有伴有本有健康

日日如是生日都係,3點鐘老婆放工,一同食點嘢就買餸,行得累累哋,又同老婆麥記食雪糕,吃後買埋餸返歸.

回家又5點40分,買來有包點兩包13.9蚊,孖蒸一支14蚊,西洋菜三扎15蚊,冰鮮雞一隻31.9蚊,燒味一盒63蚊,合共137.8蚊

回家老婆嗱淋煲湯,料有西洋菜,陳腎,羅漢果,陳皮,南北杏.

 老婆煮無色雞

 外賣燒豬骨

 

灼淥生菜

  

陳腎,南北杏,羅漢果煲西洋菜

 人齊五個人食.

 

夜切蛋糕食壽包,許過願,生日快樂.

早就不信生命像什麼詩 浪漫得萬無一失

以為還沒長大的同時 遺憾已經開始

每次都覺得是最後一次 習慣站告別位置

迷途中唯一的導航 是對自己誠實

有時太任性 有時太著急

寧可傻傻看不清

有時刻意把腳步放輕 在喧嘩中淡定

換了風景也換了身邊伴侶

更珍惜短暫相遇

忘不了昨日的美麗 也得一路走下去

用一份倔強安撫了悔恨 儘管這樣太單純

其實算不上什麼好人 也做不了壞人

慶倖總有幾個同路的人 讓孤獨並不殘忍

時間會為我開一扇門 愛在門外點燈

有時太任性 有時太著急

寧可傻傻看不清

有時刻意把腳步放輕 在喧嘩中淡定

換了風景也換了身邊伴侶

更珍惜短暫相遇

忘不了昨日的美麗 也得一路走下去

原來人生總是不只這樣 免不了跌跌撞撞

要面對的和要承擔的 永遠超乎想像

練習適應每天的不一樣 怎可能毫髮無傷

學著在失望中找希望 抬頭是一片星光

總貪圖安靜 又忙個不停

怕一不小心濫情

有時刻意把腳步放輕 在喧嘩中淡定

換了風景也換了身邊伴侶

錯過了轉身繼續

忘不了昨日的美麗 也要一路走下去

換了風景也換了身邊伴侶

錯過了轉身繼續

忘不了昨日的美麗 也要一路走下去

我不在乎回不回得去

勇敢一路走下去 

是日農曆生日,睡來可以,上午煲劇,下午同兄弟踩轉馬鞍山,下午茶,回程大圍買餸,晚飯4人食.

昨晚又12點幾至瞓,好彩都瞓著,一覺今晨6點鐘,老婆醒返工,連帶我都醒,去過所後笠個耳筒,半瞓下賴到8點鐘,起來洗面早餐邊上網,搞掂一切又11點,無所事事又係煲劇.

今日約咗兄弟踩單車,一點多鐘老友來電,說以經到九龍塘,係時過大圍等佢,過到大圍兄弟以經到咗.

於是一同開始,沿城河單車徑,向馬鞍山方向踩去,一路踩一路吹水,無目的下,不覺踩到來孖橋.

 風實在勁,稍為坐陣就要離開,一直踩去烏溪沙,以經2點幾鐘,要揾地方下午茶,由於兄弟部靚單車,又要揾啱地鋪,睇見部靚單車,足知兜咗好耐,才找到間地鋪茶餐室.

 

同兄弟各叫個30蚊下午茶餐.

 傾咗好耐才回程,返回大圍差不多6點鐘,兄弟就火車返回屯門,我就大圍買餸.

 買完餸以經6點多鐘,天亦黑齊燈火通明..

回家6點40分,買來有爛蕉5蚊,菠菜兩扎10蚊,牛丸7.4蚊,奇異果5蚊.

 跟手煮飯料有菠菜,肥牛,粉絲,南瓜,雞蛋兩隻,牛丸,金菇同麵根.

 南瓜金菇粉絲肥牛煲.

 菠菜卷

 甜酸麵根.

 牛丸滾菠菜

 4個人食一夜返,留飯餸.

成晚嘈嘈閉,鼻感又發作,煲大陸劇,游水700m,大乜樂下午茶,晚邊爐後遺症,5個人食.

昨晚好唔想寫埋編卜,結果出埋又成1點鐘至瞓,瞓至半夜,似乎唔多夠暖,咁啱個女埋嚟,問夠唔夠暖呀,意識上搖搖頭,佢就摩摩我隻腳,就呱呱嘈,好凍啵,嗱淋嘈醒個老母,揾被過我冚,唉!臨急臨屁冚?老婆瞓得好好哋,梗係又呱呱嘈,結果個女摷咗件羽絨出來.

又瞓到夜啲,鼻敏感發作,鼻塞得好唔舒服,為有趌起身,枕頭墊住條腰,挨住坐來瞓,瞓瞓吓,重心落在屁股,輪到屁股痛,為有又服原狀,便瞓到今早8點幾鐘醒.
起來邊早餐邊上網,開埋個大事又差不多11點鐘,上輪網煲劇,早前留言區介紹套劇,叫四十九祭,昨日睇咗集,真係唔錯,印象好似亞視播過,唉!亞視播有鬼人睇咩?
睇完第二集又一個上午,1點多鐘還是去游水,執齊游水嘢,去到攞單車處,好彩再check吓個袋,原來無帶泳褲,又返回屋企攞,唉!揾極都唔見有,為有拿條後備褲,出咗門有點不甘心,望吓自己個曬晾間,掉..鬼喑眼,又返回去攞過.
搞兩搞去到池兩點鐘有多,嗱淋換衫上池,稍熱身兩點20分下水,3點鐘老婆放工,時間無多,於是一口氣游佢700m,兩點50分起水走人.
更衣室搞掂一切,以經3點有多,老婆來過電,覆佢不用大圍買餸,樓下食大家樂算,又永森來過電,叫明天踩單車喎,好,橫掂明天洗池無水游.
返回商場大家樂,老婆以經在等,跟住個女亦到,每人食個下午茶餐,餐聊兩句,個女吓吓窒住個老母,我講笑人老咗bb一樣,乜都唔識,同個女研究吓apps,老婆可能太累,托住個鰓恰眼瞓,我同個女又整鬼佢,拍下佢個烏眉恰睡樣.
茶後街市買兩條茄子4.8蚊,一磚豆腐4.5蚊返歸,回家繼續煲劇,夜點煮飯,半數昨晚火鍋後遺料,有豆腐,南瓜,生菜,茄子同魷魚.

 煎釀茄子.

煎釀豆腐

 魷魚蒸南瓜

生菜包

 5個人食1夜返留飯餸.

飯後果安琪梨

睡來還可,鼻敏感到,做番啲嘢,游水600m,瀝源拮嘢,夜打邊爐.

昨晚12點鐘瞓,瞓到7點鐘以經醒,天氣轉涼,鼻敏感發作,鼻水嚏噴打不停,笠隻耳筒賴到8點鐘,起來早餐邊上網,辦埋個大事又10點鐘.

百無聊賴揾啲嘢做吓,上格床條防撞頭墊爛咗多時,諗來諗去,黐又唔係,羅絲收又唔係,足之用條草繩,加條木條壓住,綁實搞掂,搞掂又一個上午.

無游水多天,係時候要郁吓,1點多鐘出門,過到池剛好兩點鐘,時間無多,嗱淋換衫上池,稍熱身就下水,200m,200m的游,湊夠600m起水走人.

更衣室同呀王吹水,個仔來電叫打邊爐,雪藏嘢佢買喎,其他就我搞掂,3點多啲鐘,老婆放工來電,咁就瀝源買餸兼食嘢.

同呀王吹水到3點半鐘,過瀝源會老婆,過到瀝源拮野,老婆以經到咗,每人食個飯餐40蚊,吃後買餸,買有啤酒一打45.9蚊,火箭魷魚23.2蚊,金菇3包10蚊,麥方包9.9蚊,蜆同蝦35蚊,魚胶10蚊,生菜兩個9蚊,韮菜兩蚊返歸.

夜開火打邊爐,4個人食一夜返食住等.