打開窗,鼻無事,整朝執電腦,游水800m,大圍拮嘢買餸,晚飯4人食,

昨晚如常清新機,廁紙,箍臣,耳筒,12點鐘瞓,夜所一劑瞓到6點鐘又醒,老婆在返工,個鼻一點事都無,老婆話兩隻窗都開晒,怪不得咁大風,空氣流通鼻無事?老婆返工後,笠隻耳筒半昏下賴到8點半鐘,睡來還可以.

起來鼻一點事都無,煲水洗面弄早餐,邊上網邊食,搞掂一切,辦埋個大事又10點鐘.
一年又過去,係時候要執執部電腦,要留則留,不要就掉,堆積如山啲相,都係賴之過,搞餐C還未完又一個上午.
1點多一於去郁吓,2015最後一次游水,遲咗出門,趕到去以經1點50分,更衣室嗱淋換衫,稍為熱身便上池,2點03分下水,一條氣游佢800m,狀態唔多好,諗住600m算,橫掂時間尚有,一於捱埋佢,上水以經2點44分,更衣室沖個大熱水涼,搞掂一切剛好老婆來電,就大圍買餸兼食嘢.
同呀王聊兩句就飛車過大圍,老婆以在拮嘢等,老婆今日轉口味食烏冬22.5蚊,我就雞飯20蚊,吃後就買餸,行轉街市買有菜芯一斤6蚊,魚仔10蚊,蠔是一斤138蚊.

買後推住部單車,同老婆沿城河踱回家,游水太累對膝好唔掂,趌跛跛的捱回家.
回家5點多鐘,老婆煲落湯,料有前日燒豬骨,粟米,紅蘿蔔,蜜棗同南北杏,我就累得要C,要攤響梳恰番陣.



夜點我來煮飯,料有燒肉炒荷豆,辣味煎魚仔,蠔油淥菜芯.

辣味魚干.

 蠔油淥菜心
 
 內碎炒荷豆
 
 辣味魚干
 
蘋果粟米紅蘿蔔煲燒豬骨
 

 
 4個人食1夜返留飯餸.
 
飯後果好多生果.

2015還有兩粒鐘便過去,祝各位網友新年快樂,身體健康,

想嗰樣有嗰樣.

 

鼻感依然,瞓到10點,整日在家,大圍拮嘢買餸,晚餐淥麵煎魚兩人食.

昨日行得我要C,回來成6點幾鐘,以經累得要C,昨日長長的一天,真係好想唔寫,寫開為係捱埋佢,唉!老婆煮咗個節瓜抆燒肉,走咗去油指甲,又唔繼續煮埋餐飯,激C,為有停下編卜去煮飯,飯後嗱淋去沖涼,免得太夜才有得瞓,之後草草寫完,出埋卜又12點幾鐘至去瞓.

安排好一切,清新機同三寶,廁紙,箍臣同耳筒,一覺6點鐘又醒,鼻水噴嚏又來,老婆在返工,我就不停地呻,係呻鼻涕,由瞓響度呻,挨響度呻,到要坐起來呻,鼻水影響,不停打噴嚏,我都不知呻到何時?終於可瞓返著,一瞓今早望吓個鐘,嘩!乜成10點鐘?
才起來搞早餐,諗住煲水洗面,見個女昨晚呻個煲,煲水有雜質,黑色點點嘢?大概係個煲咀,燒得耐啲膠老化,於是乎同刀仔去,諗住鋸甩佢,唉!明知係會賴嘢,結果一隊傷咗隻手指公,嗱淋膠布扎好,咪攪,遲些再來砲制你.

洗完個面搞早餐,昨晚飲咗杯西梅汁,早餐未完以經急不及待,廁所內無所事事又玩手機,又制作昨日長長的短片,辦埋個大事,搞掂一切又11點半鐘.

        

水煲害得我損手,於是搞搞佢,須然唔係咁妥當,但還可用得,照樣BB響.

 

又1點多鐘,諗住去游水,醒起1月1號星期五,清潔池日,會提早兩日,即係今日清潔暫停開放,無偈,為有繼續留守響企.
新抱放假瞓醒,聊兩句又3點鐘,老婆放工來電,要買廁紙要過大圍食嘢兼買餸.
過到大圍拮嘢,老婆以經在等,每人食個飯餐共40蚊,吃後坐陣買餸,行轉街市買咗好多嘢,兩大袋孭到隻嘢咁,最後差點忘記今日重點廁紙,48蚊買兩條,撞啱宣傳送兩盒面紙.

買完廁紙,單車滿載,同老婆沿城河推回家,途中whatsapp響,原來個仔同新抱今晚唔食飯.

返歸都5點15分,買來的有水果係列,有惠乜特價嘢,蕉兩包4.5蚊同4.3蚊,奇異果4.5蚊,蘋果6蚊,街市柑10蚊.

菜料有紅蘿蔔4.5蚊,粟米10蚊,蝦米池10蚊.全部合共101.8元

佢唔食佢又唔食,結果我兩老食,兩老食索性飯都唔煮,淥麵食,料有蝦子麵三個4.1蚊,蝦米池10蚊,荷豆一揸.
 
辣煎蝦米池
 


 兩個人食,今餐唔計荷豆,盛惠14.1蚊

睡來唔錯,鼻水少許,老婆放假,行轉深水埗,南昌公園,西九食個飯,鴨撩街麥記雪糕,晚飯4人食.

昨晚如常開著部清新機12點鐘瞓,一覺還是6點醒醒,去個所又瞓返,咁就瞓到8點鐘醒,少許鼻水同鼻塞,整體還可以,老婆放假亦瞓醒,齊齊玩手機賴床近9點鐘起來,煲水洗面搞早餐,搞掂一齊又10點鐘.

老婆放假去邊好呢?諗來諗去?不如出深水埗行吓,老婆掃埋撻地,出到巴士站11點半即有車.大埔道下車,見還早便沿欽州街而下,見到間舖賣啲奇特嘢,原來間係賣越南農產品,紅色的薑,佛手瓜,長長冬瓜同人參果.

 再前行見到似曾相識,

係早前電視報道過,專門賣布地方,又走入去行吓,嘩!布匹如山,窄窄的布巷,火警起來都幾難走火?係咁易行過便走回出來.

再行便出到南昌公園,今年三月才來過,當時係睇風木鈴開花,當時真係好靚,今日來到至在行吓,公圍細細,人少少,空氣好好,兩公婆坐吓行吓,玩吓手機,個清潔女工坐過來休息,見我哋玩手機,就話我真係唔識,我話你唔用更加唔識,唔識問吓啲後生囉,吹輪水行吓影吓相,好快行完個公園.





離開公園兩點鐘,原路返回,諗住西九龍中心醫肚.
行經這條天橋,3月來時住滿晒露宿者,今日見竟然無晒?又會搞掂啲橋霸?

 行過啲原來搬晒落街市則邊.
 


街市內吉既
 
西九中心在望

終於來到西九中心,行得我CC,對腳真的頂唔蒲.

上到8樓行個圈,真係唔知食乜好,樣樣都貴晒,食個飯最低消費要32蚊以上,我就食個咖喱豬扒飯32蚊,老婆就28蚊又係豬扒重慶酸辣粉喎.

吃後揾廁所,落到不知那一層,見有差佬圍著,又八吓?原來有金毛女文雀衰咗,一地都係賊贓,又實在太過份,偷咁多嘢?

離開西九,行去深水埗街市,對腳真係唔掂,差不多唔識行,都係早啲返歸,行到鴨撩街見有麥記,嗱淋上去歇歇腳,每人食杯雪糕.
坐夠就上一層,有間平間超市,買咗兩筒餅同罐午餐肉,老婆唔夠眼還以為10蚊筒,比錢才知18.9蚊筒.
 
離開超市,拖著累到C腳步,行去南昌街搭巴士,經過幾間燒臘舖,排晒大隊買燒味,老婆又話買,我話嘥氣,咁排法好好食都係假,叫老婆繼續行,行到巴士站,哈!又有人排隊買燒臘,老婆又走去排,叫我探吓路有乜著數,埋去一探,原來星期二燒肉特價,一問?原來售罄,見一份份啲燒肉頭尾廿蚊盒,都幾大盒?比錢就可拿,於是買盒叫老婆不用排走人.
 
等咗陣巴士到走人.
返歸都6點半鐘,買來有毛巾60蚊,餅兩筒37.8蚊,午餐肉9.9蚊.

燒肉下欄20蚊,節瓜9.5蚊

回家老婆半盒燒肉抆節瓜,

夜點我來煮飯,炒個荷蘭豆,4個人食1夜返留餸.

睡來唔錯,一切無事,整朝上網,游水800m,沙田食麥記,瀝源買餸,晚飯4人食.

昨晚開著部空氣清機,12點幾才瞓,一覺6點鐘又醒,老婆返工我就去個所,回來稍後才能瞓返,一瞓今早9點醒,稍賴起來,鼻一點事都無,看來部機似有點效.

起來寒冷得多,煲水洗個面搞早餐,餐後量個血130/75-54,食今早藥,辦埋個大事以經11點鐘.
上網望望新聞就無所事事,無聊又自制短片,搞輪手機又1點多鐘,一於去游水,凍凍哋過到泳池,1點50分.
更衣室熱身,上池2點03分下水,嘩!啲水有點凍,一條氣游佢800m夠皮,2點41分上水,嗱淋走落更衣室,沖個大熱水涼,搞掂一切還未及3點鐘,同呀王吹吹水,無耐老婆放工來電,約好就沙田中心食記.
水吹不停,過到沙田麥記,老婆等到餀餀聲,老婆主買來一餐一包42蚊.

餐後買餸,行轉街市買有方包6.9蚊,白飯魚兩包20蚊,金菇三包10蚊,蜆肉16.2蚊,臘鯇魚干12蚊,罐頭沙甸魚19.9蚊.合共85蚊

又同老婆分道揚鑣,老婆搭車,我踩車回家.
返歸5點50分,夜點煮飯有臘鯇魚,燈椒,荷豆,蜆肉,蝦干,罐頭沙甸魚,魷魚同雞蛋,

今晚餐料.

蜆肉蒸水蛋.

辣椒蝦干魷魚炒荷豆

沙甸魚

蒸臘鯇魚

4個人食兩夜返留飯留餸.

飯後果梨同蕉