睡來還可,耳鳴又來,李家誠抽血,整日在家上網,回憶錄,淥麵食,晚飯4人食.

今日要空肚抽血,喱輪瞓到皇朝八晏,昨晚為有較定閙鐘7點50響,12點鐘以上床,入睡有點難度,最終還是一覺今晨6點鐘醒,去個所回來,還可續瞓返,一瞓就閙鐘響.

起來耳鳴又嚴重番,吱到盟,昨日還好地地?都唔知乜根,唉!要來之則安之,冷水洗個面,執齊一切所須,8點多啲鐘便出門.
晨早踩車,還是小心些,慢踩下8點半便到李家誠抽血部,假期之後人特別多,攞過籌等了20分鐘便輪到,姑娘好熟手,三兩吓便抽了我三少筒血.

返歸才9點15分,嗱淋搞早餐食,還是鮮奶麥皮加粟米片,食兩件花餅,量血壓129/69-65,食今早藥便辦大事,昨晚蕃薯不點作用都無,煲輪手機出來又10點半鐘.

耳鳴煩都C,笠隻耳筒,電腦上youtube聽歌,半昏迷下到12點鐘,百無聊賴下又寫我回憶錄,一寫又兩點幾鐘,寫後重頭看吓,唉!水蛇卵咁長?

又3點鐘老婆放工,屋企還有餸無須買,不如回來再算,老婆回來淥麵食,

 

吃後老婆就染頭髮.我就看電視,看兩看又恰眼睏,恰醒看陣晚間新聞,早點煮飯,雪柜料有豆腐一件6.5蚊,旺菜一棵4蚊,雞扒一件5蚊,木耳榨菜絲一包4蚊,三粒鮑連汁,燈籠椒,

 

鮑魚浸旺菜,

辣椒豬扒

木耳榨菜蒸豆腐,

4個人食1夜返留飯餸,今餐唔三隻鮑仔連汁,盛惠廿蚊雞.

睡來可以,耳鳴好得多,腳痛又好啲,整日在家上網,大圍拮嘢兼買餸,晚飯4人食.

昨晚平時一樣12點鐘便去瞓,一覺今晨近8點醒,手機收音賴床到9點鐘起來,耳鳴似乎好得多,以無隆隆聲,獨係吱吱聲,似回復早前一樣,唔刻意去耳鳴,係唔多覺.

起來陽光普照,新抱以返工,天氣回暖,還是煲點水洗面擦牙,食埋最後些少木耳漿,搞早餐食,量血壓138/77-54,食今早藥,辦埋大事10點05分.
上輪網略看吓新聞,百無聊賴,但又唔想youtube追動漫,於是乎做番些少嘢,就係我條簾布,歪歪斜斜好耐,摷兩盒架生,三兩吓搞掂,靚仔晒.
 
星期日無馬跑,做乜好呢?又不想追動漫,不如做番啲有意義嘢,就係寫我回憶錄,讀書少墨水限,竇來竇去,不知如何埋手,修修補補加加減減,一寫又3點鐘,老婆放工,係時候關機.
單車日曬雨淋,銹蝕到差不多不動,於是帶埋機油落去,順便加點潤滑吓,搞掂過大圍拮嘢同老婆會合,每人食個飯餐,好耐無來,有新嘢出,老婆唔食我來食23蚊,老婆就牛肉飯餐22蚊.

吃後坐輪便買餸,街市行個圈,又走入麥記食雪糕7蚊,歇夠繼續買餸,買有
粟三支16蚊,雞扒兩件10蚊,煙燻鴨胸兩件12蚊走人.

老婆話要行路,咁就推著單車,穿大圍站過,站內見有餅店,同老婆講橫掂有餅咭,不如攞打食囉,拿餅後續踱回家.
 
 回家都6點鐘,個仔已放工在家,老婆處理煲落湯,湯料有粟米紅蘿蔔各1 ,紅菜頭兩個,茜芹兩條.
 
 我就上網寫blog,誰知寫不到兩吓,眼瞓到C,要梳化瞓陣.
恰醒7點多鐘才煮飯,得煮個餸,雞扒一件5蚊,兩隻燈籠椒2蚊.

豉椒雞扒.

紅蘿蔔茜芹粟米煲紅菜頭.



剛好新抱放工返,連煲隔夜蘿蔔魚鬆,開飯4個人食.

耳鳴重現,整日在家網,3點樓下大乜樂,無買雪柜料,晚飯5人食.

前晚睇香港對卡塔爾夜咗瞓?昨日游完500m水?之後就耳鳴重現,究竟場波夜咗?定係游完500m水呢?定係有其他呢?真係不得而知?

昨晚唔知耳鳴吱得滯吖?定係乜?好難入睡,到瞓著,晨早6點以經醒,瞓不返,為有耳筒聽歌瞓,瞓到8點多啲鐘,手機賴床到10點鐘起來.
耳鳴比昨日更鳴得厲害,程度隆隆聲,非常唔自然,無偈,還是每朝一樣洗面,木耳漿,量血壓,食藥,辦大事,腳明顯好轉無咁痛.
辦妥一切以經12點鐘,上網望陣新聞,又開始我youtube,續睇我動漫靈主,煲陣靈主又1點鐘,係時候唞唞看電視.
看夠又上網,好快又3點鐘,老婆放工,邊度都唔想去,回來大乜樂,同老婆每人食個茶餐,老婆23我23,餐後行惠乜,空手而回,街市諗住買豆腐,誰知豆腐鋪也復活節,為有折返揾惠乜買,豆腐兩盒12.9蚊,買埋磅麥方包9.6蚊返歸.
返歸才4點半鐘,老婆修腳皮,我就摷雪柜,垃圾盡出處理今晚餐,料有旺菜,蝦米,豆腐,炸菜木耳食半,西蘭花,魷魚鬚,腸仔,豆卜,火腿,蟲草花同椰菜.

夜我來煮飯,蝦米豆卜火腿浸旺菜.

腸仔炒雜菜,

炸菜木耳絲蒸豆腐加隻蛋,

炸魷魚鬚,

5個人食1夜返留飯餸.

睡來還可,腳痛好些,耳鳴又來過?游水500m,大乜樂霸,遇華仔,買餸61.3,孭餐C,晚飯4人食.

昨晚12點鐘諗住去瞓,誰知電視直播香港對卡塔爾,咁就一睇深夜兩點鐘才瞓,夜瞓難眠,展轉反則下不知何時才入眼?夜所一劑就8點多啲鐘,手機賴床到9點多.

起來腳痛似乎好些,但耳鳴又來,明確左耳吱得嚴重,唉!真大鑊?煲水洗面,木耳漿,早餐,量血壓,食藥,辦完大事又11點16分.
又開始我每日事上網,略看今日新聞又上youtube,看過不良人動畫,又摷套靈主動畫看,
 https://www.youtube.com/watch?v=HuXxtzOlleo
一看又一個上午,今日對腳好得多?不如去郁吓,自從連州三天回來,16號游過一次外,都有9天無游,游水架生都唔知去咗邊?好彩時間還早,執妥才1點鐘,看埋午間新聞便出發.
過到泳池1點32分,更衣室一個人都無,員工話都上晒泳池LU,稍熱身上池,天氣寒冷嗱嗱淋下水,嘩!池水幾凍吓?游兩游都要挨池邊游,腳痛目標500m,慢慢的游,腳伸展來有點痛,慢游夠500m起水走人.
更衣室呀王話咁凍都來?哈!就係凍才來,沖完個勁熱水涼,又同呀王吹水,呀王話佢手機約滿喎,我為有將我心得講佢知,轉儲值咭啦,計埋條數過佢聽,我話你明白啦?嘛同個仔相量吓囉?佢話啲仔女忙喎,我話咁就自己搞囉.
唉!連自己用緊那個電訊商都唔知?幾時幾日約滿又唔知?咁就難搞,又好似我用緊個pan咁,大家同價錢,我youtube睇片無問題,而你個係咁轉,轉不出嘢,就係咁你都要轉台啦,佢話個仔忙喎,唉!咁我就幫你唔到.
傾多兩句又3點鐘,老婆放工來電,話大乜樂積分喎,唉!咁就大圍見啦.過到大圍大乜樂,老婆未到,假期特別人多,揾位期間老婆到,老婆見有張4人枱,得一個女人坐,見佢碗粉都食到7788,但坐得衰過人,一袋嘢擺面對號位,自己坐正枱中間,一睇就知生人霸死地格?
係老婆至開聲問有無人?哈!她真的話有人,我好不客氣話係唔係架?佢死口話來緊.
好,我就坐開幾張枱睥住你,睇吓你係咪真的有人來,又睇吓你坐得咁舒服?坐咗好耐,老婆都買完餐來,我26老婆24,用餐其間,同樣久久睥吓住佢,哈!有就有係個單客問有無人?佢才讓人家坐,咁啱華仔同老婆來到,又襯機指指點點條八婆,條八婆又攤報紙又玩手機,無耐才走,所以話香港人又嘛係咁衰.
 
同華仔兩公婆吹水,華仔病咗喎?睇緊醫生,本來瞓緊覺,老婆夾硬摷佢出來下午茶喎,又話本來有工開,但又無上安全堂,我話乜唔係有建造業安全咭就得咩?哈!原來每間公司有佢安全証,每間都要上佢安全堂,哈!真係唔識.
C華仔又借意,話佢老婆唔肯同佢旅行喎?佢老婆話你幾時得閒過吖?得閒你又病,我為有話,揾多啲儲埋先啦,到無工開去邊都得啦.
吹輪水各有各撐,我同老婆就街市買餸,行轉街市買咗好多嘢,孭得我CC,買有特價腰芒8.3蚊,火龍果5蚊,街市魚胶14蚊,蒜頭7蚊,蕃薯7蚊,白蘿蔔,旺菜,紅菜頭三樣10蚊,橙籠椒兩包西蘭花一個10蚊,全部61.3蚊.

同老婆兵分兩路,老婆火車,我單車滿載,返歸5點半鐘,回家同老婆各自上網,佢遊戲我寫blog.
夜我來煮飯,有白蘿蔔1條3.4蚊,燈籠椒3.3蚊,白飯魚5蚊,魚胶14蚊,雞蛋3隻蚊同蕃薯.

蘿蔔煮魚鬆.

煎釀青椒.

白飯魚煎蛋,

4個人食1夜返留飯餸.

相當好瞓,整日在家,樓下大乜樂,晚飯5人食.

昨晚12點鐘都瞓,夜所一劑便瞓到今朝9點鐘,日日皇朝八晏,稍賴都係起來,老婆又貼下紙條,叫晾衫,無偈為有邊晾邊煲水洗面,灰喑天落著雨,搞掂就例行每朝事,一切正就辦大事,辦埋大事又11點鐘.
政冶嘢真係唔想睇,連雅虎新聞都無去睇,便上youtube睇片,一睇又1點半鐘,本來想去游水,但都遲咗,唉!懶都係唔去.
繼續上網到3點鐘,老婆又放工,落雨天邊度都唔想去,就樓食大乜樂,老婆回來,大乜樂每人食個下午茶餐,老婆24我21,吃後買餸,行轉惠乜買份到期鱈魚柳15蚊走人,街市買舊豆腐4.5蚊,旺菜一棵9.5蚊返歸.

返歸4點半鐘,老婆立即擺開架步,上網佢遊戲,為有我來處理今晚餐餸.
料有豆腐,鱈魚柳,旺菜,粟米蓉,雞湯,蝦米同雞蛋.

寫輪blog夜點我來煮飯,有昨晚老婆手撕雞半隻.

 蝦米雞湯浸旺菜,

 粟米豆腐鱈魚柳,

 5個人食兩夜返留飯餸.

金寶湯回憶錄(1)爺爺

 40年代末就在這裡誕生,出世時好肥,像一團粉糰好大冧,人就稱我花名叫冧孩,家鄉四邑話,冧孩即係好大冧蘇蝦咁解,但本地話叫成爛蟹,自始街坊朋友仔叫我做爛蟹.
 屋企住地下,我們是包租的,家裡有個爺爺,父親,母親,家姐同哥哥,一個妹細我五歲, 

 爺爺是個船塢技工,在Dockyard船塢工作,從事補爐工人,即係船鍋爐鐵工匠,船塢是維修英國艦維主,即現時(添馬艦),爺爺獨自住一張床位,食飯時分開食,到開飯老媽子便裝開過佢食,一張枱仔,坐響床食,爺爺好鍚我們,好多時放工,帶有芝士同蛋糕過我們食,大概船上拿回來卦?又常買好多生果,大多都是下價生果,以前生活水準低,有生果食已經算富裕,每當家姐教做功課,勞氣打到七彩,他一定撐著維護我們.

我家有個大天井,爺爺退休後飬咗好多家擒,雞,鵝,鴨不在話,連兔仔都有,最心刻係隻白色大閹雞,好大隻,大隻到我擒上去都能支撐一陣,這係我最難忘一回事.
爺爺70歲就爆血管走LU,當年醫院好黑暗,聽講去到好惡劣,要瞓走廊喎?老豆一怒之下,從醫院搬回屋企,請西醫回來看,說係時候要走喎?咁就安排好一切,穿好壽衣躺在廳處,做好一切準備儀式,我們一家就跪在爺爺面前,日已繼夜的等,在等其間,見佢右手不停的慢慢提起,提到有90度高,便慢慢放下,如是者都忘記多少天?
終於走了,就在廳入棺正寢,出殯時場面浩大,因為以前做落好多乜會同鄉會卦?有好幾支隊樂隊,擔晒大燈籠,老豆就買水,沿著門口右轉出石水渠街,跟住皇后大道東,跑馬地方向,兜個大圈,我們跟住哭哭啼啼,樂隊就D喱嗒喇回來,之後安葬在和合石.

一生兒女債,老婆續放假,整日在家齊上網,富乜下午茶,晚飯4人食.

好人難做,一生兒女債,昨晚又嘈嘈閉,昨日老婆放假,本來諗住同佢邊呢?結果不用我諗,晨早就叫我同佢托部衣車落來,同個女衣柜車塊簾喎?咁我就一於好少理,佢有佢車我有我上網,咁就足足車咗成日,我就烚吓烚一整日.

結果換來一肚氣,個女回來大發脾氣,話唔係咁喎?唉!做足一日,好心做壞事,吃力不討好,所以話不理預不參與係啱的,老婆就唂住泡氣去瞓,連我都囉囉攣,差點瞓唔著,.

好彩難瞓都瞓著,一覺今早8點鐘,老婆以瞓醒,今日老婆還是放假,以經手機賴床玩遊戲,我就笠個耳筒聽收音機,賴床到9點多起來,老婆還是差不多.

齊齊洗面食早餐,餐後老婆擺開陣勢上網玩佢遊戲,我依然每朝例事,量血壓,食藥辦大事,搞掂一切又11點鐘.
望吓出便落好大雨,哈!邊度都唔駛去,同老婆繼續上網,一上又2點鐘,似乎無乜雨,不如去街囉,出到巴士站,老婆問去邊?唉!有車來至算,車行到娛樂城,不如飲茶囉.
於是乎上酒樓,只不過2點多啲鐘,酒樓又會咁冷清,一半客都唔知有無?坐下叫茶洗杯碟,哈!個女侍應鬼咁貼身,響後便等住我洗完倒水,又奇怪唔通趕住個水兜用?但咁冷清?又唔似?真係一洗完以經急不待拿走,怪?
老婆剔點心,先來兩碗燒味特價瀨粉,跟住來碟义燒腸粉,老婆諗起?叫的是炸腸,於是乎叫落單人一check,果然錯咗,個落單人叫個高一級去換,哈!個高一級唔肯,你換啦,同枱個茶客就話,啱就食咗算啦,唉!怪不得咁冷清,本來唔換我都無所謂,但咁服務,一於睬你都儍,結果經理來拎去換.
今日酒樓唔似酒樓,怪不得摺咗咁多?坐到3點多鐘,老婆找數89蚊.

離開酒樓行759,同樣冷清清,鬼咩正價得9折,係咁易行個圈都走,腳痛都唔想多行,連街市都無上,便行去市廣場搭車走.返回樓下街市5蚊買條青瓜,5.5蚊買個椰菜返歸.
回家5點鐘未夠,腳痛特別易攰,在梳化恰陣,夜才來煮飯,料有昨日蒸熟隻雞,老婆拆落副雞骨,椰菜5.5蚊,老婆手撕雞,雞蛋3隻3蚊,蝦米,蒸落碗雞汁同白飯魚10蚊.

手撕雞半隻,17蚊

蝦米炒椰菜

雞湯白飯魚蒸水蛋



雞湯飯4個人食1夜返留飯餸.

老婆放假,整日老婆衣車我上網,下午茶大乜樂,老婆蒸雞我炒飯,兩人食.

今日老婆放假,兩公婆一覺今早7點多,同樣手機賴床,老婆遊戲我聽歌,矇矓半昏下9點點多,日日瞓到王朝八晏,都係無謂,還是早點起來.

起來一切如常,同老婆共早餐,餐後食藥量血壓,辦埋大事又11點多鐘,老婆要開工車嘢喎,我就例行公事我上網,胡亂上輪,就續睇我套画江湖之不良人,睇完5集原來大結局?新抱話韓劇太陽後裔好睇喎?又試睇吓?韓語唔識字幕快,對我來講麻麻,又看能否支撐多少集?

http://www.viu.com/ott/hk/zh-hk/vod/9834/%E5%A4%AA%E9%99%BD%E7%9A%84%E5%BE%8C%E8%A3%94

 

 一看又3點鐘,老婆叫肚餓,齊落大乜樂,每人食個下午茶,老婆26我23,今晚個個有節目,得我同老婆食,無須買餸下,都要買個椰菜5蚊返歸.

回家5點鐘,老婆處理昨日隻冰鮮雞,

 攤凍明日手撕喎.

  

我就處理今晚餐飯,清雪柜下有蕃薯,芋頭,椰菜食半個,冷飯,雞蛋同蝦米.

 蕃薯,芋頭,椰菜,蝦米蛋,蝦醬炒飯.

 

早點食飯,同老婆兩份食.