睡來唔錯,鼻敏感似?上午上網,深水埗食粥,鴨寮街銀包,慳電胆,晚飯人齊食.

昨晚11點幾都瞓,一覺4點幾又醒,好彩續後瞓返,咁就瞓到今早近8點鐘,賴床8點多起來,睡來相當唔錯,但有鼻水同噴嚏,似乎鼻敏感又來?又無冷襯吖?天氣涼咗?莫明其妙?
洗面搞早餐,上住網食,9點未夠個新抱返工,返早喎?餐後量血壓144/77-54又高?食今早藥,跟住辦大事,出乎意料?又幾好啵?辦完大事又近10點鐘,量多次血壓129/68-64,都好啲.
日日如是上網,上輪網11點多個女瞓醒,我就轉看電視,1點多老婆返,回來又係上網佢遊戲,見廁所慳電胆燒了多時,不如出鴨寮街睇吓,看能否買番隻?
坐言起行,同老婆搭程車出深水埗,同老婆相量下不如又食粥囉?於是乎搭多個站,營盤街下車,又走進這間粥鋪,老婆魚片艇仔粥20蚊,我就純艇仔粥14蚊,整碟炸兩14蚊兩份食,合共48蚊.

 餐後行10多分鐘,便來到鴨寮街,星期六特別多人,行餐懵下才買了3隻銀包50蚊,慳電胆1隻30蚊.

買完以經6點鐘,嗱淋南昌街搭車返歸,
返回屋企樓下以經6點半鐘,還未買餸,為有上惠乜,行轉惠乜,買了磅方包9.6蚊,豆腐5.8蚊,免冶豬肉14蚊.

返歸立即煮飯,料有昨日蝦膠,蘿蔔,豆腐同免冶豬肉同露筍1扎.

免冶豬肉食半,蝦膠食半,

 肉碎蝦膠煮蘿蔔,

 蒸釀豆腐

炒露筍
 
 人齊5個人食.

夜新抱買有芝士蛋糕,齊齊食.
 

睡來麻麻,胡思亂想,上陣網看電視,黐番對涼鞋,數字車仔麵,晚飯4人食.

昨晚12點前都瞓,一覺5點鐘又,去個所又係瞓不返,自從出了篇父親,就想起個老母,無理由吖?寫得個老豆,個老母點寫?唉!胡思亂想大輪?就瞓不返,為有又出動笠耳筒聽歌瞓,老婆5點多又起床返工,還好矇矓瞓到7點幾鐘,賴床到8點鐘起來.

難得太陽曬入屋,嗱淋張衫晾窗邊,搞掂一切才洗面,弄早餐食,餐後量血壓,李麗微又高,149/79-52,上陣辦大事,昨日鋪好些,今鋪又麻麻,辦妥一切才9點38分,量多次血壓123/64-58.
日日如是上網,無嘢好上便看電視,恰陣眼瞓,諗起對涼鞋甩底,於是乎萬能膠黐番佢,看來都夠日子,最後一次黐.
又1點多鐘老婆返,老婆巡例上網佢遊戲.兩點鐘問聲老婆你出街嗎?佢才懂關機出街,兩公婆坐程巴士過市廣場,過到市中心食乜好呢?
行行覓覓來到間數字車仔麵鋪,看過門口水牌,又即管試吓,點過3個餸油麵底,老婆就買票,我就入內揾位,找到個對號位,但又無人執枱?
無人執嘢,又見隔鄰枱有人執嘢,於是乎問句是否無人?他說有呀,我就好順口說句,還以為係職員添?佢話似咩?我好自然話,黑衫黑褲咁既鞋,重唔係職員?哈!條友無出聲,跟住有兩人來,同一樣制服,原來附近開工一班人.
同老婆食過坐夠,今餐兩位盛惠68元.

離開數字車仔麵鋪,先行卜佳,見冰鮮雞又特價,買隻29蚊,買份免冶豬肉10蚊走人,同老婆上街市諗住買魚胶,但見到瞓覺蝦平,不如蝦代替魚胶,執兩份15蚊,菜就買夠,都唔願多行,見3點多鐘還早,決定同老婆踱公園行回家.

行吓坐吓,聽吓人唱歌,回家才5點15分.
買來有芝麻雞隻29蚊,免冶豬肉10蚊,蝦仔兩份15蚊.

回家老婆處理隻雞同蝦剝殼,我就上網寫我blog.
 
 夜我來煮飯,料有免冶豬肉10蚊,蝦膠15蚊,蝦米,蘿蔔,南瓜,辣椒同公魚干.
 

 
煎蝦膠蘿蔔餅.
 
 煎釀青椒,
 
 公魚干肉餅蒸南瓜,

 4個人食1夜返留飯餸.
 
 飯後果啤梨.
 

睡來麻麻,老婆休息,出旺角,花園街,落大雨,食麥記,街市買餸,晚飯3個人食兩留湯.

昨晚11點鐘已經上床瞓,但係遲遲都未能瞓著,耐心下一覺今晨6點零醒,瞓不返為有手機看youtube,一看8點多啲鐘起來,老婆放假亦瞓醒,手碗痛兩日4粒消炎藥,終於好番9成,剩下來稍為大力些才有點痛.

起來洗面搞早餐,同老婆兩人食,餐後量血壓150/73-52,又會咁高?食過今早藥,辦埋個大事,幾天來大事不妙,終於今鋪吐氣揚眉,全靠昨晚個紅蘿蔔湯,辦完美好大事9點24分,再量次血壓130/66-54,咁都好啲.
日日如是兩公婆各自上網,一上又11點鐘,老婆休息當然要揾街去,見郵輪碼頭未去過?於是乎上網摷摷料,掉?原來週六日才車去,嘥氣,諗吓不如出旺角,行花墟,花園街同旺角街市都好?
座言起行,樓下坐287X.好快便出到山東街下車,一直向花墟行去,去到花園街,咁就先行花園街,花園街當然睇衫,睇睇吓個天黑晒,檔檔排檔整裝待發,膠板太陽傘係樣樣蓋頂,

老婆就不停哋鋪與鋪穿梳,跟著佢係咁行,老婆斬獲兩鞋兩衫,我都唔執輸執咗三件T恤,買完之後行不得,係好大雨呀?為有騎樓底下等,等到細點雨時才移動吓,
 


 一直向彌敦道方向去,還好無雨便來到麥記,揾食兼偈腳,他媽的要上二樓,樓底又高,爬餐C,哈!又正啵,找到張靠窗位,重係大班椅孖人位,椅夠大,空間濶,超正,同老婆同樣兩個包,胃食咭買杯咖啡配杯新地樂,加包薯條合共39.2元,

 咁靚位置當然坐到唔願走,在嘆其間聞到好大陣榴槤味,哈!竟然有人在麥記食榴槤?結果被麥記叫住,這裡不許食榴槤.

離開麥記便行去旺角街市,街市先行最平最多生果賣的廣東道,

探過行情便轉右,轉去街市嗰市邊,



看準目標便開始買嘢,行轉又行轉,足知兩公婆每人孭袋,諗住搭車走.
橫過亞皆老街,過到去正式旺角街市嗰邊,老婆話買舊豬展今晚煲湯?乜話?昨晚才合桃粟米湯?今晚又煲?老婆話今晚煲五指毛桃?煲得咁密,有無搞錯呀?唉!老婆係都要買,重買舊大大舊豬展,成45蚊多?買後行海鮮街,
 
行過劏大龍躉檔口,超大個龍躉頭,犀利,

有睇無買下,便右轉去巴士站搭車走人.

在車途中收到whatsapp佢話唔食,又佢話唔食.
回到家才4點半鐘,買來有木瓜三隻10蚊,薑10蚊,辣椒5蚊,青豆5蚊,蒜頭一串5蚊,豬展一個45蚊,劑魚一份10蚊,合共90蚊.

花園買來的,有我三件T恤45蚊.
 
 老婆的兩件衫78蚊,鞋兩對一對85蚊,另對49蚊,合共212元.
 
安置好買來菜料,老婆煲落湯就各自上網,佢搞邊科?我唔知?我就寫今日blog.
夜我來煮飯,煮兩個餸,料有茜芹,魷魚翼一塊同劑魚.

茜芹炒魷魚.

鹽焗劑魚,

 五指毛桃煲豬展,



又成9點鐘三催四請,才來食飯,三個人食兩留湯.



飯後果木瓜.

失眠,手碗痛又消炎藥,所燈壞,整朝執blog,下午茶大圍兼買餸,晚飯5人食.

昨晚12點前都瞓,一覺5點鐘醒,去個所回來就瞓不返,手碗痛兼夾胡思亂想,唉!無辦法為有笠隻耳筒,5點多望住老婆起床出門,個女挑燈夜戰亦上床瞓,我還是默默未瞓著,一直捱到7點多鐘,為有起來,唉!昨早晚粒消炎藥似乎無料到,手碗依然好痛,紐不得拿不得,連擦牙都用頭來搖,究竟游水後定鍵盤打得多發炎?
早餐後量血壓119/61-55,又會咁低?食今早藥,手痛為有食多粒消炎藥,再係無進展,唔鬼食你,跟住辦大事,唉!燈泡燒埋?辦完個不俏大事又9點35分.

例行每日事上網,上陣網,由於無準備公開的回憶錄,要慎重點執執佢,憑著依稀記憶,加加減減,一搞又11點多鐘,失眠眼睏難頂,為有看電視,恰陣眼睏,個女瞓醒,無耐又1點多鐘老婆返.
2點鐘諗住同老婆過大圍下午茶兼買餸,誰知個女又話來,咁就齊齊搭程車過大圍.
過到大圍還是間明星下午茶,酒樓細枱要等,唉!是但啦,做其大枱客,唉!好衰唔衰同枱遇著個呀婆三個人,超多嘢講,少少事長篇大論,別人一句,佢東拉西扯可以答好多句,叫樣點心,又話貴又話邊度平?連我們來的點心,佢都有嘢講,真係好想轉去細枱,但又怕人家尷尬,一坐3點多諗住個女找數,誰知碌咭要二佰蚊以上,無現金,又係個老母比147.5元.
 
離開酒樓三人行街市,行轉街市買有蘿蔔同南瓜9蚊,豆腐4蚊,瘦肉20蚊,粗糼各一包4蚊,胡椒粉兩支6蚊,粟米三支10蚊,露筍兩扎13蚊,合共66蚊

回程老婆買洗衣液41蚊,才搭程車返歸.
回家4點50分,廁所燈壞了,好彩還有粒普通燈泡,老婆就處理菜料煲落湯,料有瘦肉,南北杏,合桃,腰果,栗子,粟米同紅蘿蔔.

5點多個女出街,話返學喎?6點鐘個仔放工返,我就開工寫今日blog.
夜點我來點煮飯,菜料有荷豆2.5蚊,豆腐4蚊,潤腸一條,昨日瘦肉蝦膠.



蒸釀豆腐,

 蒸蝦肉丸,

 潤腸炒荷豆,

紅蘿蔔粟米栗子腰果南北否煲瘦肉,


 
 5個人食兩夜返留湯飯餸.

飯後果啤梨