相當好瞓,整朝切短片,沙田公園有蛇,游水600m,中心食老麥,買餸遇星仔,晚飯5人食,賭馬輸20.

昨晚飯後刨個蘋果食,結果咳到呀媽唔認得,好在咳番得咁上下才無咁犀利,兼夾游完水有點累,好快便瞓著,一覺今晨7點鐘醒,睡來唔錯,無耐個女閙鐘響,響不停,唉!話之你,笠隻耳筒聽收音機,就係咁一賴9點鐘起來,陽光曬入屋,起來調整所晾的衫,番熱木耳漿,洗過面上著網空肚食,寫下今早事,突然諗起生日相,又搞吓意思,將自有數碼相時生日照歸一,做條片玩吓都好喎?於是一摷成10點多鐘,才來弄早餐食,吃過早餐以經10點39分,量血壓142/80-60.
大事辦完又11點06分,繼續制作條片,個app硬係唔多理想,一整又12點多,關機看電視,1點鐘還是執嘢去游水.
車行到城河沙田公園,突然墻邊有嘢蠢蠢郁動,於是下車看看,嘩!原來係條蛇,正在典典吓,

 望真啲嘩?受了傷,似被單車欄腰輾過?看來奄奄一息,

 後來見個大媽唱跳個主持人過來,掃把將牠撥走.
 
 掃把一掃瓜正,都好不用再痛苦.

繼續向泳池進發,1點24分到達泳池,更衣似乎靜英英,稍熱身上池,陽光普照,唉?都唔知水温如何?是否好Q凍呢?1點40分尾埋眼,一耀而下,咦?又幾暖吓啵,埋頭慢游,一游600m收工,2點15分起水走得,更衣室沖個大熱水涼,至電個老婆,協議下沙田中心食老麥,坐陣望吓手機走人.
見有時間於是走上街市探探行情,咦?三文骨腩6蚊包,等陣來買至得,離開街市電話以經到,老婆來催促,去到麥記3點鐘,老婆已經在等,以往一樣,一包一餐33蚊,

 吃過坐夠手機玩過走人.
平常一樣,先行卜佳探探行程,跟住759,又係正6超7,唔多唔少又執啲嘢,買有殼物棒11.3蚊,鮮奶兩盒19.4蚊,海膽餅15.3蚊,合共又46元.

跟住雞寶,買份下價生果煲湯喎?碍山梨拼蘋果,鹹蛋平又執一盒,由於游完水膝頭特別痛,要坐響門口等老婆,同老婆坐陣正當離開,哈!遇見佢,司徒瑞祈,三條友玩手機,低拍好啲咩?



看完個儍仔便返回沙田街市,由於先前探過,三文魚骨腩平,叫老婆上去買,我就坐響門口等,老婆買有三包回來,由於剛才探過卜佳,見三角嘜沙甸特價,又叫老婆行轉買,我就先行踩車回家.
返歸5點32分,無耐老婆返,原來卜佳買咗4罐沙甸魚,又買瘦肉,樓下街市就買有菜芯返.

三文魚骨腩三包18蚊,梨同蘋果10蚊,菜心8蚊,鹹蛋7.9蚊,瘦肉23.1蚊,沙甸魚4罐42蚊,南北杏5蚊,合共114元.

老婆回來立即煲落個湯,料有瘦肉,蘋果,碍山梨,雪耳,無花果同南北杏.

上網寫輪blog又7點半鐘,要煮飯LU,料有菜心,豆腐,榨菜,鮑汁,沙甸魚同木耳.

灼淥菜心

榨菜木耳絲蒸豆腐,

罐頭沙甸魚,

瘦肉生果湯,



8點50分開飯5個人食兩夜返留湯飯餸.

飯後賭馬,輸咗20蚊LU.

睡來麻麻,整朝上網,游水500m,游水遇團友,禾輋食粥,晚飯兩人食,食個蘋果咳餐C.

昨晚講吓說吓,足之又成1點多鐘才瞓,瞓至5點多鐘,不由自主便醒,老婆在起床返工,瞓不返手機賴陣床,不知何時就瞓到7點多鐘醒,手機又賴床,賴至9點鐘才起來.

睡來麻麻,處理一吓曬晾衫,洗面燉熱木耳漿,上住網寫下今早事,差不多成10點才搞我早餐,鮮奶麥皮兩片麵包食,餐前量血壓,145/76-52,餐後10點10分再量130/79-56咁都好啲,辦大事還可以,事後又10點39分,今早事上網.
上網11點多關機看電視.12點多鐘新抱蒲頭,放假喎,1點鐘去游水,數吓手指成33天無來游水,冷冷哋摷番大毛巾,落到街撞見隔鄰唐生,拐杖依然,嘩!汽車出事都好耐啦,依然要棟拐杖?寒暄幾句,繼續車場攞單,自從三百山後都無踩過,單車過到池1點22分,更衣室靜英英,更衣熱身上池35分下水,水有點涼，游佢50m以經適應,一直慢游,游夠500m算數,2點05分起水走人.
更衣室久遺呀王,傾幾句,問吓佢韓國之行點呀?哈!例牌話唔過癮,要沖埋個涼才同你傾,沖大熱水涼換妥衫,至電個老婆你想點?要禾輋食意樂喎?咁就禾輋等.
搞掂老婆同王繼續吹水,原來韓國之旅,驚險百出,話臨上機無身份証,嚇到標冷汗喎,還好特區護照通行,話旅行前去銀行,出示身份証後,一直放在褲袋喎,足知人有人去,身份証就留響香港喎.又話回程老婆手機放喼記倉,又嚇餐C,手機爆炸嚴禁寄倉喎,又話啲嘢唔啱食,成日行化妝品街喎,哈,我問佢跟那間旅行社,竟然矇查查?哈!你都係番工同食豬頭肉最好不過?又話有專人隨團拍照喎,嘩?今時今日重係一樣?40蚊張喎，個女買咗15張喎,個女話人家無人工架,靠賣相為生,買些幫補吓佢囉,40蚊張就600元,有多幾個咁客,真係賺到笑.
吹水其間見有個泳客好面善?邊次旅行遇過呢?即時摷吓部手機相,嗰然找到,係惜日四大名菜,立即拿手機過佢看,係咪你來呀?他說可解有我張相,原來我部手機鏡頭都唔錯,放到大大都無矇矓,即時回復原圖過佢看,係我們一圍枱宵緊夜呀,聊了兩句我都要走,免得老婆等.
過到禾輋老婆以經在等,相量後決定食粥,就喱間今時下午茶,老婆魚片粥,我就皮蛋瘦肉粥,大家都配炸麵,兩位56蚊.

吃過坐夠老婆嗌眼睏喎,今晚得我兩個食飯,屋企又有餸,都係無謂行,決定返歸,老婆搭車我踩車.
回家才5點鐘,老婆反而遲遲才返到?話勁塞車喎,回來佢又唔嗌眼睏?諗住寫陣blog,打兩打頂唔順,挨住瞓著,太累索性唔鬼寫看電視.
7點18分煮飯,除幾棵菜外,全都隔夜餸.



8點鐘開飯兩人食.

蘋果咁食,

吃後咳到呀媽唔認得?生冷嘢下次咪搞?.

生日,佛都有火,大圍按換鎖買餸,老婆睇清潔,晚飯4人食,夜切蛋糕生日快樂.

昨晚11點多已經瞓,一覺今晨7點多,無咳嗽一覺天光,相當唔錯,手機賴床,個女閙鐘響不停,唉!時時都忍你,橫掂醒咗話之你,到個衰女落床,唉!床窄棉被大,個衰女企落張被度,棉被厚連人跣落床,,呱呱嘈來閙我,有無搞錯呀,喱個係你既問題,瞓響度係個白痴老人,可以幫到你什麼?谷鬼氣一早就摌鬼佢,閙鐘響我忍你,你落床我已經閃埋一邊,幾次被你踩中腳,我都由你,湊到你咁大重想我點湊你?個衰女唔份衰,蠻不講理係咁駁咀.

8點多個衰女出門,我才起來,處理好曬晾啲衫,煲點水洗面擦牙,冷水牙軟面赤?搞掂刮刮啲鬍鬚,靚仔迎接生日,搞早餐食,生日好事成雙,一於煎雙蛋,麵包加鮮奶麥皮,餐前量血壓,生日都要媽义,又會咁高152/80-54,少理食早餐,

餐後再量多次血壓155/80-54無偈?上網寫下今早事,還未寫完,呀偉電話到,在樓下喎?其實約好11點鐘電話到就大圍等,是但啦,上來坐陣,我就辦埋大事,事畢攞幾件架生同佢過大圍.
搭程車過到去11點鐘,同佢睇過張床放房位置,度過尺無問題吖?啱啱好放得下,必要時可以墻腳線切咁舊走,睇完床位置,就開始換房門鎖,搞掂就大門同佢換鎖芯,好彩帶有鋸仔,鎖芯過長要cut短,搞掂度木門,輪到鉄閘,換上木門舊鎖芯.
搞掂完成都1點鐘,坐陣望吓間屋又1點半鐘老婆到,本來約好個清潔姐1點半鐘清潔,誰知等到1點50分還未到?至電個衰女話佢知,回覆話個呀姐誤會咗,去咗荃灣喎?咁即係點呀?而呀偉要體檢走先,後來電話溝通幾次後,才說3點半鐘呀姐才到喎?唉!嘥氣,咁Q煩自己都搞掂咗啦.
唉!現在才2點多啲鐘,要等成粒多鐘,不如同老婆去買餸先.
落到街老婆又話要返歸換鞋,順便同我買埋個蛋糕喎,好啦,各有各行,我就去買餸,街市行個圈買有茄汁焗豆兩罐13.9蚊,燒鴨半隻65蚊,生菜5蚊,旺菜5蚊,荷豆5蚊,芽菇5蚊,東坡肉18蚊,鹹蛋4 隻7.9蚊合共124.8元

孭住個架生袋,抽住兩抽菜,搭程車返歸.
抽得我CC行到樓下,遇著老婆前去大圍,離遠大聲同我講,今晚可能唔食飯喎?嘩!火起三千丈,今日我生日,買咗咁多餸斬埋料?有無搞錯呀?唉?全部都唔好喇.
返歸3點17分,上網寫下今日谷氣事.
寫輪blog上陣網5點多鐘,至電過放工華仔吹吓水,吹輪水處理今晚餐餸,炆下芽菇腩肉,6點鐘個仔返,7點鐘老婆返,其他便交老婆來搞,又寫陣blog,8點鐘煮埋個臘腸荷豆,淥埋幾棵生菜8點24分開飯.
有臘腸炒荷豆,螺片唐生菜,南乳腩肉炆芽菇,外賣燒鴨.

4固人食1夜返留飯餸.
 
 生日整番隻燒鴨鶻

飲杯有健有康,飲杯有老有伴,飲杯有本有利,飲杯有好有友 .

我的出生地

夜人齊切蛋糕,生日快樂.





歡樂時刻.

失眠咳餐C,老婆放假家務,整日在跑馬,大乜樂肉醬意粉,馬仔輸50,話之你開飯1人照食.

昨晚早早出埋篇blog,早早11點未夠以經上床瞓,一覺2點多醒,去所回來瞓不返,而且開始咳,越咳越犀利,簡直不能趟下瞓,無偈,為有起來蘿蔔蜜糖水,飲後都係唔掂,無得瞓為有坐著看手機,老婆見我坐著露背脊,同我加件褸褸著,看至6點多鐘才試瞓吓,才瞓至8點多鐘,賴床9點鐘起來,屋人番的已番工,老婆放假在瞓.
處理一吓曬晾衣服,便煲點水擦牙洗面,番熱木耳漿空肚食,上網寫下今早事,辦埋件大事又10點12分.
今日依然無麵包,早餐無落,問聲賴床老婆,早餐無麵包點呀?老婆話要清潔唔出去喎,好,咁就淥個麵過佢,我就煎餃兩份食算,話咁快搞掂食得,餐前量血壓,掉...上壓成152,話之你餐後再量過,
 
餐後11點11分再量141/80-52,吃過今早藥上網,老婆就開始佢家居清潔.
1點鐘馬開跑,我全神踱我馬仔,老婆又祙雪柜又拖地,去到3點鐘老婆搞掂,我亦投下條二串三位置Q,同時每場補條正Q,還未出門頭關以經斷纜,50蚊覽,水瓜打狗,無咗一橛,得中隻大熱另隻極品無影.
 9872

	27-11-2016 15:02	沙田 星期日	連贏	6 場    4 首飾大帝 + 8 極品 $10	$10.00
9873	27-11-2016 15:02	沙田 星期日	連贏	11 場  7 劍斷浪 + 11 神威敖翔 $10	$10.00
9874	27-11-2016 15:02	沙田 星期日	過關 位置Ｑ 2X3	6 場    4 首飾大帝 + 8 極品 11 場  7 劍斷浪 + 11 神威敖翔 $10	$30.00

同老婆落到大乜樂,晏來幾好,大把位,同老婆兩人食個肉醬焗意粉36,坐夠玩夠手機,例行上超市,買有生抽優惠裝16.8蚊,迷你猴頭菰兩包8蚊,麥方包9.6蚊,
 
今晚老婆唔食飯,無須買餸,便打道回府.
回家5點鐘,繼續睇跑馬,睇吓恰吓眼睏,到第11場,還有希望,開跑由於所買兩隻都在前列,到最後二百,眼見正Q無望,但位置Q好大機會,冷的進佔二位,而隻次熱緊隨,可惜臨門一腳影相輸了,唉!吹漲.
風吹雞蛋殼,財散人安樂,早點來煮飯,料有椰菜,鴛鴦腸,鹹蛋,自制鹹魚,一於煲仔飯.

6點49分開火,

7點15分開飯,竟然無人埋位,話之你開飯我一人食.

晨早便瞓,老婆放假,早餐熱香餅,執什家居好過冬,好運車仔麵,晚飯5人食.

昨晚晨早出埋篇blog無所事事,10點零都上床瞓,一覺今晨6點零醒,去所笠對耳筒,矇糊瞓到8點多鐘,稍賴床9點鐘起來,外便下著雨,原本會旅遊兩日,還好無去到.

起來煲點熱水擦牙,個女在返工,想起救命藥木耳,嗱淋燉熱,今早無麵包,問聲賴床老婆,哈!竟然話不外出食,咁就熱香餅啦.
 

搞掂量個血壓,他媽的高到152/75-57,話之你食早餐,餐後10點03分再量133/73-58都好啲,上網寫下今早事辦大事.
事後又11點鐘,上陣網就開始我今日預定工作,就係清理個仔柜桶內衣物,大量N年不要衣服,清理好就騰空出來我用,執棄一堆後,輪到抽氣糟,換上新衣.

搞掂輪到冷氣機,清潔好封好等過冬,搞掂又3點鐘,係時候外出.
落雨天老婆拎把大遮,老婆愛吃車仔麵,咁就搭程車過好運,星期六超多人,係老婆肯等位,若係我就逃之夭夭,結果有個對號位,同老婆都係三餸麵,合共54.4元.
 
吃過坐夠走得,日日如是行超市,扑佳超多人,望吓比錢條龍,麵包都唔想買,結果空手出來,出來就行街市,無嘢啱買走頭,759依然正六超七,結果運吉一番離開,最後一站雞寶,買有雞蛋一排25蚊,豆腐兩盒12.9蚊同咖哩醬15.9蚊,合共53.7元,搭程返歸,樓下街市買斤芥蘭8蚊返歸.
 
回家6點鐘,封好個冷氣鬼面罩,老婆處理今晚餐餸,我就上網寫今日blog.
夜老婆主老婆煮,料有豆腐,雞鎚,芥蘭,榨菜木耳同薯仔.

8點15分開飯,5個人食1夜返留飯餸.

飯後果,蘋果.老婆成個咬,我為有咁.
 

睡來尚可,牙又無咁痛?個blog病咗,大圍食麵,洋鬼子呃錢,加注澳元,晚飯3人食.

昨晚寫好編blog,誰知上載相片有問題,載極上不得,一次又一次,見日日如是,不post也罷,這晚11點零上床,瞓不著youtube睇陣片才瞓過.
一覺4點多鐘去個所就瞓不返,5點多望著老婆返工,為有笠耳塞聽歌瞓,還好迷迷糊糊瞓著,一瞓8點多啲鐘醒,千禧年代,大腸鏡檢查,要68歲以上喎.
聽陣8點半鐘起來,個女又call的士番工?唉!啲錢就係咁去?處理一吓曬晾啲衫,煲點熱水擦牙,洗埋個面搞早餐食,餐前9點鐘量血壓,139/76-52,唉?喱輪都係有點高,上住網食早餐,唉!電腦都快打柴,要開幾勻才著定,寫下今早事,食藥後辦大事.
完事上網,見一年將完結,又回顧吓過去一年,看有乜大事要記下,一摷又12點鐘,個blog上載相片依然未掂?都係關機唞唞看電視.
 1點多啲鐘新抱放假亦出門,說今晚唔食喎,1點半老婆返,老婆例上網玩佢遊戲,兩點多係時候要外出,今日責任重大,要買廁紙,洗衣液同藍威寶,咁就必然過大圍,大圍藥房平,見買咁多嘢,老婆帶埋車仔,搭程車過大圍.
大圍選擇食雲吞麵,又窄又細間鋪真係唔聚財,極窄之下老婆魚餅麵23,我雲吞河23.吃後迅速離開,實在太細太迫.
離開街上見有個鬼同鬼妹,在派特區旗仔,究竟搞邊科?近排政冶爭拗交關?唔通有關?見條鬼妹仔係人都派支旅,大多都唔接,偶爾有人接過,跟住就討錢,見個師九比10蚊,鬼妹擰頭灑手,嘩?大貪得喎?師九照比,唉!真係C蠢.咁嘅橋N年尖咀碼頭常見,啲扑佳搏自己係鬼,你會唔好意思,十足60年代洋人高人一等.
同老婆行轉街市,樣樣貴真不懂買,行轉買有腐乳7.5蚊,雞鎚盒15蚊,臘腸三孖32蚊,潤腸兩孖18蚊,蝦米半斤75蚊,最後藥房買藍威寶22蚊,洗衣液42蚊同廁紙兩條48蚊,合共259.5元.
 

買後城河沿學校邊踱回家,膝痛行得我CC,太辛苦觀景台坐陣休息,才繼續踱返歸.

 回家4點42分,望吓財經,澳元見續上,又加1小注,上網寫今日blog.
 夜7點半鐘來煮飯,料有椰菜半個,南瓜同雞腿.
 

 
 南瓜雞腿,

蝦醬炒椰菜,

自醃鹹魚,幾好,下次再整.

 8點半開飯4個人食夜返留飯餸.