昨晚睇埋場英超11點多鐘,上陣網又成12點半鐘至瞓,一覺今早8點半醒,手機賴陣床9點起來,旅行回來天天如是好瞓,未甩拖過?認真唔錯,老婆放假7天,都近尾聲,除旅行兩天外,天天瞓到黃朝八晏,今日看來都要揾啲節目.
洗面搞早餐上住網食,老婆自動瞓醒食早餐,餐後10點15分量血壓128/75-62,食過今早藥辦大事.
事後11點多啲鐘,決定過香港遊電車河,11點多鐘落到巴士站,睇吓個袋,大鑊?眼鏡盒吉的?無眼鏡等於盲,為有齊齊返歸攞.
到攞好回來,到有巴士到,以經係11點43分,順頭順路出到尖沙咀,喜來登酒店站下車,步行踱去天星碼頭,12點43分嘟機入閘,長者免費,順利坐船過中環.
碼頭見有香港海事博物館,於是前去望吓,掉....成人30,長者15蚊,怪不得咁冷清?
繼續向電車路進發,行兩行又見超大摩天輪,停下拍拍照,
繼續長長有蓋行人天橋,一直去到電車路德輔道中.
咁啱堅尼地城電車到,咁就開始我倆電車之旅,N年無搭過電車,N年無來過堅尼地城,
電車經過上環,海味街,2點03分來到終站下車.一遍陌生,全無印象,記得小時候跟人來游水,那時游的是海邊泳棚,有鐘聲同金銀泳棚,唔識游水我,被稍大朋友仔,在棚深水處掉下,極力掙扎下才抛下水泡,嗰種情景,永遠記得,又1967年10月15日牛房興建中做學徒,做過一個月,就被炒魷魚,都係刻骨銘心事.
來到行行,腳不好的我,都沒行多遠,就在這間粉麵鋪醫醫肚,老婆兩拼孖根拼雲吞河粉29蚊,我就雲吞麵加可樂24蚊,見又幾經濟,又來多個魚蛋粉加可樂24蚊,合共77元搞掂,吃後唞夠又行過,以前去過的地方,都不知東西南北?來到公園坐坐.
坐夠咁啱有部筲箕灣車,喱勻重唔總督由頭到尾,電車天花靚靚,下層都有卡通公仔,都係樓上好啲,同樣經過咸魚欄,上環中環,來到匯豐銀行.
經過金鐘來到大佛口,我童年地方灣仔,要說故事大把,和昌大押,修頓球場,喜貼街,以前叫利東街,春園街同太原街,食同玩故事都一蘿蘿.
在密麻麻車同人,目到架車,在電車同貨車夾縫中駛過,兩車倒後緊貼,竟然絲毫無損,果然好嘢?
離開驚險一刹那,就灣仔道,童年時常孖住媽子買餸地方,最記得威利文麵包,毫半子兩個,又到天樂里,電車出廠晨早轟轟響,鵝頸橋打小人不用話,波斯富街口是國貨公司,日常用物都係佢,再過就希慎大廈,睇住佢遲遲興建,早早拆卸,再到今日.
無意間發現張相片,波斯富街係我1962年從灣仔搬來,相片所見的窗全部拆晒,看來拆卸在即?搬來這裡,亦是我人生一個轉類點,就係出來社會做事,當時地盤學師工資係五蚊一日.
跟住就京華戲院,記得睇過最舊有1955年既百戰榮歸,最近有72年既海神號遇險記.
豪華戲院樂聲戲前大回環天橋,戲院就睇戲唔少,跟住圖書館,皇仁書院.
再來就北角,喱幅石墻都好心刻,每次經過都砲聲連天,風砲鑽不停,嘩?相信鑽咗好幾年?條石梯都算古老,跟住就北角終站,新都城大廈67年暴動,佢都算勁揪,差不多到麗池,新舊兩間大酒,收的不同類形客,永無搶客,模範邨屋邨算佢最老?則魚涌LU,海山樓最沒忘記一次,當時小巴14座我坐車尾,車正在上客,車頂突然砰砰幾聲,個客上到來坐我隔鄰,我望住佢個頭流著血,我大聲說,你流血呀?他才發覺,小巴突然煞停,司機叫快點落車,但車頂絲毫無破損,可想沙石下墜速度幾驚人?偒者下車後,在銅鑼灣見到佢,包著頭坐的士,相信鄧肇堅醫院去也.
話咁快來到西灣河,差館依舊,太安樓依舊,又到柴灣口,70年在太古船塢,工作好幾年,所見一切,除幾間舊有外,其他都面目全非.
5點07電車來大迴旋處,筲箕灣終站,車由頭到尾,只差3分鐘,便足兩小時.
東大街了,老婆叫繼續喎,都理解?老婆在這裡長大,當然有佢情意結?東大街都係一樣,一點兒面熟都無?以前的亞公岩,望吓路牌?唔係吖嘛?這裡亞公岩?連幾間廟都分不清楚,一直行到篤,海邊船廠矇查查?
夜喇,要回程,返回筲箕灣終站,原來這裡都有間廟,麥記在望,又進內食杯軟雪糕,偈偈腳.
坐夠離開以經燈火通明,原來係街市,10蚊兩份最後衝刺.
同老婆102巴士過海,油麻地下車,廟街喱度食個飯,老婆沙嗲牛河45蚊,我就窩蛋牛肉飯30蚊,吃過坐夠走得.
廟街都無來好幾拾年,日間經過就有,飯後行吓,都係遊客居多,睇相占卜都好熱閙,唱歌就?似乎冷清啲,可能還早卦?
行過來這邊,擺擺賣賣係嗰啲嘢,同老婆一個屈尾拾,寧波街搭車走LU.
洗面搞早餐上住網食,老婆自動瞓醒食早餐,餐後10點15分量血壓128/75-62,食過今早藥辦大事.
事後11點多啲鐘,決定過香港遊電車河,11點多鐘落到巴士站,睇吓個袋,大鑊?眼鏡盒吉的?無眼鏡等於盲,為有齊齊返歸攞.
到攞好回來,到有巴士到,以經係11點43分,順頭順路出到尖沙咀,喜來登酒店站下車,步行踱去天星碼頭,12點43分嘟機入閘,長者免費,順利坐船過中環.
碼頭見有香港海事博物館,於是前去望吓,掉....成人30,長者15蚊,怪不得咁冷清?
繼續向電車路進發,行兩行又見超大摩天輪,停下拍拍照,
繼續長長有蓋行人天橋,一直去到電車路德輔道中.
咁啱堅尼地城電車到,咁就開始我倆電車之旅,N年無搭過電車,N年無來過堅尼地城,
電車經過上環,海味街,2點03分來到終站下車.一遍陌生,全無印象,記得小時候跟人來游水,那時游的是海邊泳棚,有鐘聲同金銀泳棚,唔識游水我,被稍大朋友仔,在棚深水處掉下,極力掙扎下才抛下水泡,嗰種情景,永遠記得,又1967年10月15日牛房興建中做學徒,做過一個月,就被炒魷魚,都係刻骨銘心事.
來到行行,腳不好的我,都沒行多遠,就在這間粉麵鋪醫醫肚,老婆兩拼孖根拼雲吞河粉29蚊,我就雲吞麵加可樂24蚊,見又幾經濟,又來多個魚蛋粉加可樂24蚊,合共77元搞掂,吃後唞夠又行過,以前去過的地方,都不知東西南北?來到公園坐坐.
坐夠咁啱有部筲箕灣車,喱勻重唔總督由頭到尾,電車天花靚靚,下層都有卡通公仔,都係樓上好啲,同樣經過咸魚欄,上環中環,來到匯豐銀行.
經過金鐘來到大佛口,我童年地方灣仔,要說故事大把,和昌大押,修頓球場,喜貼街,以前叫利東街,春園街同太原街,食同玩故事都一蘿蘿.
在密麻麻車同人,目到架車,在電車同貨車夾縫中駛過,兩車倒後緊貼,竟然絲毫無損,果然好嘢?
離開驚險一刹那,就灣仔道,童年時常孖住媽子買餸地方,最記得威利文麵包,毫半子兩個,又到天樂里,電車出廠晨早轟轟響,鵝頸橋打小人不用話,波斯富街口是國貨公司,日常用物都係佢,再過就希慎大廈,睇住佢遲遲興建,早早拆卸,再到今日.
無意間發現張相片,波斯富街係我1962年從灣仔搬來,相片所見的窗全部拆晒,看來拆卸在即?搬來這裡,亦是我人生一個轉類點,就係出來社會做事,當時地盤學師工資係五蚊一日.
跟住就京華戲院,記得睇過最舊有1955年既百戰榮歸,最近有72年既海神號遇險記.
豪華戲院樂聲戲前大回環天橋,戲院就睇戲唔少,跟住圖書館,皇仁書院.
再來就北角,喱幅石墻都好心刻,每次經過都砲聲連天,風砲鑽不停,嘩?相信鑽咗好幾年?條石梯都算古老,跟住就北角終站,新都城大廈67年暴動,佢都算勁揪,差不多到麗池,新舊兩間大酒,收的不同類形客,永無搶客,模範邨屋邨算佢最老?則魚涌LU,海山樓最沒忘記一次,當時小巴14座我坐車尾,車正在上客,車頂突然砰砰幾聲,個客上到來坐我隔鄰,我望住佢個頭流著血,我大聲說,你流血呀?他才發覺,小巴突然煞停,司機叫快點落車,但車頂絲毫無破損,可想沙石下墜速度幾驚人?偒者下車後,在銅鑼灣見到佢,包著頭坐的士,相信鄧肇堅醫院去也.
話咁快來到西灣河,差館依舊,太安樓依舊,又到柴灣口,70年在太古船塢,工作好幾年,所見一切,除幾間舊有外,其他都面目全非.
5點07電車來大迴旋處,筲箕灣終站,車由頭到尾,只差3分鐘,便足兩小時.
東大街了,老婆叫繼續喎,都理解?老婆在這裡長大,當然有佢情意結?東大街都係一樣,一點兒面熟都無?以前的亞公岩,望吓路牌?唔係吖嘛?這裡亞公岩?連幾間廟都分不清楚,一直行到篤,海邊船廠矇查查?
夜喇,要回程,返回筲箕灣終站,原來這裡都有間廟,麥記在望,又進內食杯軟雪糕,偈偈腳.
坐夠離開以經燈火通明,原來係街市,10蚊兩份最後衝刺.
同老婆102巴士過海,油麻地下車,廟街喱度食個飯,老婆沙嗲牛河45蚊,我就窩蛋牛肉飯30蚊,吃過坐夠走得.
廟街都無來好幾拾年,日間經過就有,飯後行吓,都係遊客居多,睇相占卜都好熱閙,唱歌就?似乎冷清啲,可能還早卦?
行過來這邊,擺擺賣賣係嗰啲嘢,同老婆一個屈尾拾,寧波街搭車走LU.
返歸都9點鐘,就結束我倆今日電車之旅.
以下是我今日的行程時間同車費.
