金寶湯6913: 4月 2017

2017年4月30日星期日

睡來可以,早餐大家樂,瀟灑走一轉將軍澳,下午茶大家樂,晚飯4人食.

昨晚想話睇直英超，可惜窒到飛起，兼夾滑鼠唔郁，早早關機上床瞓，一覺今晨6點鐘醒，手機歌仔賴陣床瞓，半睡下8點鐘醒，收音機舊日足蹟，惠英紅，稍稍聽吓都轉去睇手機，9點鐘起床。
梳洗好拍醒老婆，0933量個壓124/78-53，到老婆搞掂，齊齊大家樂早餐，老婆25我24，

吃後要拜山買祭品，還是隔鄰齋鋪買盒齋20蚊，跟住香燭鋪執衣紙，以往一樣男女各一份，一執盛惠180元正，連同昨日買的酒，生果，紙杯蛋糕20蚊。合共200元正
1105便乘巴士，向將軍澳華人永遠墳場進發。1135來到觀塘總站下車，轉搭14B,司機好人，見我們大包細包，便知我們去搭41S，猛說啱啦上車啦，一年一次都忘記下車，司機提點下車，才醒起舊年都係這裡轉搭14S？下車行前大約百米便是14s特別車站，來到不用等，立即有車。

好快10分鐘車程,便上到來墳場頂迴旋處,

來得晏,而拜完離開的相當多人,條隊排到長一長.
從迴旋處步行大約10分鐘,便來到凌宵閣.來到不停聽到講播,響應環保,少用化寶.

來到識途老馬,好快便找到家姐姐夫個靈位,拜祭人仕相當多,整區擠滿來拜山者,還好我們位置,還有些位容納吓,放下祭品,隔鄰左右都拜完,好快亦消失晒,當堂整區通爽晒,若然再早些來,就相當麻煩,鬆容吓放妥祭品,斯斯然的裝妥香燭,奠酒拜祭,化過寶燭,大約逗留40分鐘都離開.

年年如是向調景嶺方向走,

太陽相當猛,老婆担著遮,就這個休息站休息,

吃過祭品,老婆連剩餘些酒都隊埋,休息坐夠便繼續回程.

担著遮沿海邊而下,風景唔錯,大約一粒鐘時間,1425來到調景嶺站,

碰啱星期日,又唔太肚餓,都無謂停留,就即時行去巴士站,798返沙田,

約40分鐘車程,便返回沙田,沙角邨下車,

再搭程火車返歸,返回樓下商場,又來吃大家樂,每人食個下午餐,老婆23我25蚊.

吃過各自手機樂,老婆遊戲我睇馬仔,坐夠便行街市,見香芋南瓜好吸引,5.6蚊斤秤隻13蚊返歸.

回家1639,個仔已放工在,我就著電腦刨馬仔,馬唔識賭,轉寫我今日blog.唉!電腦唔生性,滑鼠硬係唔識郁,幾艱難下才把今日相片放入電腦,滑鼠郁不得,為有寫吓等吓,草草寫完又1900.
1950又我來煮飯,昨日菜料今日煮.

香煎劑魚,腸仔木耳炒西芹.蠔油茜蘭花.

4個人食1夜返留飯餸.

2017年4月29日星期六

睡來可以,滑鼠唔掂玩平板,大圍食魚米,行轉買祭品,晚飯兩人食.

昨晚早早關電腦,10點零已機上床,手機煲陣劇,11點零都瞓,湯水多,夜所兩劑,瞓到6點鐘醒,手機賴床,賴吓瞓到8點半鐘醒,見陽光入屋,嗱淋起來張棉被卦上窗前晾曬,搞掂梳洗番熱木耳漿食.新抱番早返工,上網寫下今早事,搞早餐食,餐後0949量血壓113/70-54，食過今早藥辦大事，事後1040電腦滑鼠無法運作，為有關機看電視.
電視無嘢好睇，諗起個女部平板電腦，不如試用吓寫吓，起初係好難搞，但登入咗試寫吓又 ok 啵？但 post相就搞極都無,可能我嘟卦？
平板電腦好墜手,揍完隻手都幾係嘢,1點半鐘老婆返,老婆開行風扇,我要走夾唔唞,佢熱我就怕冷襯,老婆攤夠兩點幾鐘,老婆話明天去拜你家姐山,要過大圍買嘢,咁就兩人踱去大圍.
大圍食漁米,咁啱有位,不過卡位超窄,坐得超唔舒服,坐下差不多兩點半鐘,點得餐來啱啱好下午茶,老婆要個魚米線餐飲柑桔水38蚊,我就泰式魚餅米線餐32蚊,

吃過飲埋杯嘢都走.
大圍街市買餸,走進魚檔10蚊買份劑魚,然後對面街買其他,買支細孖蒸6蚊,諗住買橙,喱輪橙好貴,睇唔啱行去惠康睇重貴,都係去櫻桃買蛋糕先,7蚊買兩個紙杯蛋糕,行至麥記,見有吉位,兩公婆又入去食兩雪糕唞吓,咁啱個侄來電,一傾成43分鐘才收線.
離開麥記還有橙未買,就前雁姐檔生果度20蚊揀7隻橙走人,行到金禧商場去方便吓,又貢入759行,啲貨品都賣7,8,無嘢啱走人,醒起老婆要買洗鑊擦,於是行去二蚊店買,買咗隻擦同刀片柄11蚊,然後搭程火車返歸,回家樓下老婆又話要去剪髮,我就自行返歸.
回家1706,買有橙7隻20蚊,紙杯蛋糕兩個7蚊,擦同刀片柄11蚊,

著電腦寫今日blog,老婆稍後返,個仔1805返.
煲陣劇四十九日祭,7點多啲鐘大鑊放個屁放出茄,迫住又去大兼沖個涼,由頭洗到腳,搞掂1945煮飯,雪柜揍晒料,蛋呀西蘭花呀,去廚房處理,

突然聽見老婆同人通電話?原來係新抱,聽見同新抱講電話?肯定有啲嘢?於是問聲老婆係咪兩隻嘢唔食飯呀?他媽的,原來真係唔食?老婆話還以為我知道?嘩!火都起埋,有無搞錯,見我拎咁多菜入廚房,你都唔阻止我,你係咪儍架?嬲得我呀,又會有個咁老婆?唉!谷鬼氣切好洗好放回雪柜唔鬼煮,其實我都有點預料,新抱番早會有此著,只不過遲遲還未報上.
上陣網2118條氣順番啲，才來搞我今晚餐食,料有三條魚仔,蛋兩隻,西蘭花幾舊,隔夜飯碗同即食麵個.

2140兩個人食,飯後果蕉.

2017年4月28日星期五

睡來可以,京九完結篇,樓下下午茶,四十九日祭,晚飯4人食.

昨晚出埋長長篇blog,12點鐘便瞓,4點多去個所便瞓到今晨7點醒,瞓不返手機賴床,諗起回憶錄京九還有最尾篇,於是乎手機拼圖,一拼8點半鐘才起床.

起來搞搞曬晾便梳洗,番熱木耳漿先食,上網寫下今早事,又搞回憶錄,最後編京九,0950才來早餐,

餐後1010量血壓135/79-57,食過今早藥,辦埋理想大事,1040繼續我編京九,又載又寫1237,京九回憶篇終於完.
關機看陣電視,到1點半鐘老婆返,老婆實在太累,坐響梳化度矇豬咁眼,後來還是走去床瞓,3點鐘新抱蒲頭,聊兩句後說大鑊?話忘記要去對銀行換yen喎?老婆亦瞓醒,咁就你有你趕去對兌,我同老婆都出街下午茶.
下午茶都唔行遠,就商場食大家樂,老婆就鐵板麵餐28蚊,我就米粉餐23蚊,

餐後講起兩隻嘢,兌得yan梗係準備日本旅行啦?即時就諗起套劇,四十九日祭,套劇當年在亞視播無人睇,到我發現時,才在youtube睇,真係好好睇,唉!日本仔下真係好淒涼,今時今日啲後生仔女,吓吓都日本,你話我老土又好,仇恨也好,日本我係唔會去.

大家樂冷氣真係勁,坐兩坐同老婆都要走,今晚兩隻嘢食飯喎?咁就煲啖湯啦,就街市買兩粟米,兩條青蘿蔔16.4蚊返歸.
回家1644老婆嗱淋煲落個湯,我就挑起條根,重看這套四十九日祭,一看1945煮飯,

2025開飯有鹹豬手,西芹紅蘿蔔炒木耳,紅青蘿蔔粟米煲鹹豬手.

4個人食,飯後果香蕉同鳯梨.

回憶錄之內蒙山西北京九~(第8,9天)完

內蒙山西北京九~8 王府井,天安門,北京西站.

2011年6月28日上午6:31公開累計瀏覽次數 808 4

2011年6月28日星期二王府井~天安門~北京西站

晨早4:10又醒,碌極瞓唔返,為有起來辦大事,辦完就攤響床等morning call,6:00電話到,又幾好重可以辦多次大事,旅行來講什少咁暢順,搞掂後等老婆梳洗好,執妥行理放門外,就一樓下餐廳食早餐,早餐都相當豐富.

8:20離開酒店,

10分鐘車程來到北京同仁堂,導遊又咁講?你哋有邊個唔去架?哈!又會咁自由?旅行以來未聽過?同仁堂乜料大家都知道,當然唔去啦,但都有少部份人去.

之後我們班哇鬼就揾地方去,我倆老都係旨意佢哋做盲公竹,大孖大揸旗,看著地圖帶隊出發,

首先去咗王府井,嘩!的嘢超貴,都不用點睇?拍輪照遇上團友,說天安門回來,咁我們就去天安門啦.

王府井站搭一個站,就係天安門西,站內買票都玩一餐.

9:43來到天安門,大孖大揾個洋女遊客來,幫拍張全體照,拍都要多做作,齊齊拍個敬禮照,照後散隊,就各有各蒲,約定10:20就在這裡等.

腳痛關係都唔行遠,遠遠拍張照算,

其間見有公安,大概電台人仕卦?有警車有站崗.有兩轆騎警巡邏.

10:20人齊,經過相量後,我們趕不及王府井集合上旅遊巴,還好大孖細電聯到領隊,決定搭4個站軍士博物站下車.然後行去火車西站會合.
博物站下車,眼見火車西站在前,嘩!但行極都行唔到?結果行到我CC吓.

去到集合點11:10,我們以經遲到,原來王府井部旅遊巴還未到?大塞車喎?
行到我CC吓,見未到便走入間超市,見有櫈C人都坐吓.旅遊巴終於到,我都懶行叫老婆去取行理,原來他們已在車上收了小費,於是我們現在才付,同老婆兩位共1100元.

12:00終於入閘過關,我同老婆老馬安排第5卡,其如就第3卡,而大孖加錢軟卧就第8卡,上了車我就中層老婆就頂層,而老馬就下層,安頓好行理.

13:08才開車,但未開車無冷氣,實在太熱,同老婆要走出車外唞唞氣,又影吓相.

13:08終於開車,大約15:15大孖過來,叫我們一起過第3卡,齊齊開餐喎?朋友還是古肅不去,我同老婆便帶埋杯麵,麵包同幾隻糉仔過去.

地方實在淺窄,參觀完佢個軟卧卡,就嬉嬉哈哈開餐,餐後玩啤牌鋤大D,又橋牌,還教我玩,喱啲玩意我又邊會懂吖?

之後又玩花臣照,

之後幾個姐仔更有主意,續個團友拍照留念,

16:00我同老婆都返回第5卡休息,就係咁結束火車上首天.

翌日今日無節目,執好行理穿回鞋,坐定定等待到站一刻.
大約13:00便到紅磡火車站,過關相當順利,預先約定大孖過關後等埋一齊,終於人齊,原來大孖早約好其他團友一起飲茶.
於是一同過對面商場,酒樓要張大枱,坐落一數成16人,係咁叫點心炒麵,好熱閙可惜到最後才熟起來,熟絡後14:00,最終都係曲終人散,每位盛惠60元後,便各自返歸.

山西內蒙北京九天火車團完滿束.

買來的手信

- 秋之風景寫真站
- 2011年7月21日上午12:57
li 個導遊真係得 ga la, 購物點自由去, 真好玩.
- - 金寶湯
  - 2011年7月21日上午9:37
  真係少有,講都唔信,送洗腳又係,無講到要其他,不過聽人講,同樣地點奧運村,又不是我嗰回事,總知一句,平而莫貪呀.
- Veritas
- 2011年7月14日下午8:21
呢個團可以俾你唔去購物點, 仲可以自己四周圍去, 變相抵玩好多!!
- - 金寶湯
  - 2011年7月14日下午10:10
  係呀,咁大個仔第一次,重有送足浴真正送,完全無其他嘢,喱個團可以講十全十美.
- 黑咪
- 2011年7月11日下午9:07
大細孖幾玩得, 幾好笑喎.
- - 金寶湯
  - 2011年7月11日下午10:14
  哈!由頭癲到尾,絕無冷場,好玩之極.
- 六月
- 2011年7月10日下午11:22
阿叔，既然咁早起身，點解唔去睇昇？
- - 金寶湯
  - 2011年7月11日上午6:09
  好遠架,酒店近機場,的士去要40分鐘車程,車費貴又時間,去唔掂呀.

2017年4月27日星期四

晨早醒有雨,整朝同電腦鬥法,樓下食大家樂,行轉惠康,又759七折掃貨,晚飯4人食.

昨晚夜馬千元冷Q跑三同四,又輸我20大元,輸埋嗱淋沖個涼上床都12點鐘瞓.

一覺今晨5點零又醒,望住老婆返工,依然瞓不返,為有手機侍候,收音機下終於瞓著,瞓到8點多啲鐘醒.

賴床9點鐘起來.風大下雨,新抱已返工,梳洗後救命木耳漿,著電腦襯未發神經,嗱淋寫埋篇回憶錄山蒙京九天.
一寫1022搞掂出blog才來食我早餐,餐後1050量血壓144/86-59,電話響細華來電,知道佢個人就係咁,太事非,猛問華仔手術點呀?唉!我當然知啦,我點可以同你講呢?我話你共佢重熟過我,何解你唔揾吓佢,佢才醒水,後來我都係講咗去另樣嘢.
辦完大事1132再量過血壓122/70-56,諗住再上網寫嘢,誰知滑鼠遲鈍到用不到,谷鬼氣關機唔鬼玩看電視.
12點10分,大佬來電,話5月21日佢農耕嗰度搞包團旅行,問我去不去?我話老婆假期過咗,無咗假LU,傾輪偈,都好少同大佬傾得兩句，whatsapp見佢換咗部大電視,佢話49寸三星,8千幾蚊喎,又話買咗回來,部舊嘢200蚊又整番好喎?我話又會咁?咁點處置呀,佢話到時為有擺入房睇喎?
1點半鐘老婆返,老婆要攤唞陣,我就計埋好條數,難得滑鼠聽話,又寫陣blog.

兩點多鐘,見雪柜還蝦胶肉碎,都係不行遠,就樓下食點嘢買點菜算.
就商場食大家樂,我就鐵板麵餐28蚊,老婆就多士餐23蚊.

大家樂似乎趕客,冷氣凍得交關,坐到老婆都頂不住,為有走啦,行出商場有檔臨時電器嘢?睇真啲?嘩!原來係實惠,又會咁sheap?連屋邨都進佔.
例牌行轉惠康,買咗啲特價香蕉5蚊,果占10蚊同老婆批腳皮刀片5蚊,合共20蚊.

離開時老婆話759盤點七折喎?係咩?早響啦?要買米呀?於是買來的先拿回家,然後帶埋車仔出動.
搭程車過市廣場,然後經百佳過瀝源,過到百佳醒起,不如行轉百佳才過去,行轉買有西蘭花三個7.8蚊,然後過759.
759盤點全場7折,買滿100再95折,目的係食開隻米農家少女米,但又無,得一隻米,泰國頂級香米,唉，都殺，於是揾車仔?誰知車仔無晒,見米有大把貨,都係唔攞住,買到最後才攞,同老婆買慣759,邊種貨值得買,同老婆一掃後,到付錢條龍排到篤篤.

付了錢離開,車仔滿載,幾驚車仔都爛?重揼揼,老婆叫行路,我話點拉呀?拉拉吓車仔爛埋重大鑊?唔好,一於搭車走,淨係拉去市廣場都拉到儍.小心下返到樓下,老婆街市買扎紅莧菜5蚊,然後聶大堂一同返歸.
回家1804,759買來有米8公斤兩包83.8蚊,芝士麵兩包25蚊,鷹粟粉兩盒13.4蚊,冬姑素蠔油兩支33.4蚊,蠔油一支16.7蚊,脫脂鮮奶兩盒16.6蚊,濕紙巾三包11.6蚊,無花果27.7蚊,沙律醬20.2蚊,焦糖醬13.3蚊,花生醬13.3蚊,蜜糖26.6蚊同蒜蓉醬10.2蚊,合共311.8蚊,再95折296.2元.