有覺好瞓,整朝上網,游水600m,瀝源大快活及買餸,旅行喼爆轆,賭輸130,晚飯4人食.

昨晚新聞後11點鐘都瞓,一覺0428醒,鼻塞塞又鼻水,唉!又來料,無偈,為有用昨晚嗰招,心平氣和啲呼吸,有鼻水輕輕祙,有噴嚏就慢慢打,哈!嗰然無耐瞓返,一瞓就今早0736,嘩!近排少有可瞓咁多,手機賴床,8點半鐘起來.

陽光普照,洗面搞早餐,昨晚煎剩兩塊午餐肉夾麵包,麥皮鮮奶食,上網寫下今早事,餐後0925量血壓115/65-55有點不信?食過今早藥,辧埋個大事0953再量次血壓119/68-54.
事又辧完,網又上咗輪,百無聊賴,諗起辦事其間,手機彈出當年今日照,原來6年前今日,在天安門,不如就寫吓回億錄,寫我的N年往事.
一寫又11點半鐘,新抱出門番工,我亦係時候唞唞,看電視恰番陣眼睏.
恰醒剛好1點鐘,執嘢去游水,陽光超猛,執多件T恤落水,單車落到行人隧,遇啱老婆返,過到泳池1點半鐘,更衣至搞掂一切上池,超猛太陽,有蓋地方熱身,1342下水,埋頭慢游佢600m,1416夠數走人.更衣室搞掂一切,至電個老婆,瀝源買餸食大快活啦.
同呀王吹陣水,便過瀝源,大快活等咗好耐,老婆1523才到,又老人咭買餐,老婆要個燒雞髀餐31蚊,我就24蚊餐.扣除兩餐6蚊,實付49蚊.

吃過坐夠走人,759還是77折,還是行轉空手回,跟住佳寶買多春魚21.4蚊,米醋一支8.9蚊,青尖椒7蚊,子薑14.1蚊,離開跟住沙田街市買10蚊魚胶走得.

老婆愛踱路,推著單車同老婆沿城河邊返,行吓坐吓回家,返回單車場鎖車,嘩!啲蚊大大隻,鎖好車雞咁腳走人,身水身汗,同老婆走進麥記,8蚊每人嘆番杯雪糕.

吃過坐夠返歸,回家1841,個仔以放工回來,老婆話公司比有賽馬貼士喎,上次啲員工中到笑喎?於是同佢下注,買條二串三W,重話唔夠?要買埋位置喎?好,又二串三位置,結果合共買咗60大元.
搞掂老婆單嘢,老婆發覺地下有啲嘢,一睇個旅喼四隻轆仔,原來爆咗隻轆,唉!好好哋一個旅行喼,咁就玩完?

睇完個欲哭無淚喼,輪到我來賭馬,又煮飯又踱馬,第三場大舉買佢40大元,結果中隻冷輸隻熱,輸埋.
輸埋就煮飯,一搞2117開飯,3個人食一夜返留飯餸.

飯後繼續賭馬,老婆60蚊煙無陣,我又輸多兩場,谷鬼氣尾都唔鬼賭,結果今晚老婆60我70,合共輸我130大元.
輸完馬又要趕寫Blog,一寫2340出Blog.

睡來好咗,牙肉微腫哽住痛,游水600m,樓下大家樂,又買隻燈胆泡,拆走冷氣頂板,老婆煲劇,晚飯4人食.

昨日游水又踩車,有點累11點半鐘新聞後都瞓,一覺3點鐘醒醒,有點鼻塞鼻水,好彩放鬆下,慢慢呼吸,有鼻水就輕輕祙,放輕下終於瞓返,,一瞓就今晨6點半鐘,收音機賴床,聽陣新聞7點半鐘起來.

太陽入屋,洗面唉!牙肉微腫好耐,假牙戴上,硬係哽住哽住,西瓜箱噴過,鹽又試過,都係唔得,谷鬼氣磨石亦磨過副牙,都係唔得?搞好個早餐,食得我哽哽痛,餐後0819量血壓136/75-53,今早事上網.
早咗上網,10點多鐘我都收皮,坐埋一邊恰眼睏.11點多鐘新抱番工.
好快又1點鐘,執嘢去游水,出門去到單車處,個天風雲變色,大雨從北殺到,嗱淋拿單車,踩去行人隧道被被,被吓踩吓,
過到泳池1325,更衣搞掂一切上池,依然有點陽光,稍熱身1339下水,慢游600m,1413起水走得.
更衣搞掂一切,至電過老婆,話樓下食大家樂喎?同呀王傾兩句都走.
回到樓下1509,走進大家樂,稍等老婆到,老婆吃個31.5蚊餐我就24蚊餐.

冷氣唔太凍,吃過夠手機夠走得,離開例走趟惠康,昨日收起隻慳電燈泡,同老婆相量,家以有兩隻,買定不買好呢?見市面買隻要60元,貪念又起,都係買埋佢,於是完位摷回出來,老婆多買包薯片走人.
回家1635,入屋前望吓個仔部冷氣機,新裝機時,用件薄甲板遮蓋住機頂,日久板霉塌下,最弊散熱梳氣位被遮蓋,同個仔講過,愛理不理,唉!為有我來搞,好日唔做嘢,一做有損傷.
買來有薯片一包8蚊,9W慳電胆12蚊.


番查紀錄,上次鴨撩街買,至平都要30蚊,重唔係球型,係舊年4月既事.

搞掂老婆新竉煲劇,新抱話好睇喎?佢就用咗部腦煲劇,Viu詭探,佢煲劇我為有坐埋一邊看電視.
1945個仔返,老婆亦煲夠劇,就我來寫陣blog.
1800我來煮飯,料有鹹皮三雞蛋,午餐肉罐,西蘭花棵.

香煎午餐肉,蒜蓉炒西蘭花,鹹皮蒸雞蛋.

2100三人開飯,一夜留飯餸.

瞓好咗,整朝上網馮提莫,新抱番新工,游水600m,樓下大家樂,行轉惠康平燈胆,與華踩轉吹水,晚飯話之你.

昨晚11點零都瞓,一覺今晨0648醒,太陽入屋,個鼻又開始來料,又塞又鼻水,狂打噴嚏?頂佢唔順,為有起床,其實瞓到咁多我都心滿意足.

起來洗面搞早餐,早餐無麵包,為有又班戟加隻半熟蛋,

吃過早餐0810量血壓124/70-53,食今早餐藥,個鼻亦呻夠,都開始無咁辛苦.
今日事上網,新聞一單,單車Dup唔到,女社工撞樹亡,戴齊裝備咁都瓜得?你咪話唔驚?看來都要小心啲.
看輪新聞又youtube,這輪喜歡咗佢,馮提莫,樣子好靚好Q，表情多多,不過靚得來似乎誇咗啲?但唱歌好好聽,鍾意佢啲創意,一個人城市過城市,街頭係咁唱,有人又傾兩句,一點壓力都無,睇個款似乎一個人搞掂?自拍自唱?又幾得意吖.

新抱11點出門,新工第一天喎,咁就祝佢新工愉快,順順利利啦,youtube輪又12點多鐘,執嘢去游水,今日換過另部單車,單車放得太耐,有理無理單車出租鋪打打氣,過到泳池門口棟咗個牌,雷暴警告至兩點鐘喎?嚇儍以為無得游,好彩無講播話唔游得?
更衣室搞掂一切上池,陽光普照,稍熱身下水,真大懵連泳鏡都未戴,便跳咗落水,戴番好泳鏡1336開始游,埋頭係咁游,去到500m嘩!傾盆大雨,黃豆咁大粒,千奇米響雷呀?等我游埋嗰些少呀,1408完成600m走人.更衣室搞掂一切,至電老婆,還是回來食大家樂.
返回樓下至電老婆,大家樂找個單對單靚位,又幾好喎,冷氣似乎無咁凍,稍等老婆到,老婆29蚊餐,我就26.5蚊餐.


吃其間華仔來電,叫踩單吹水喎?好,行得就電聯啦,同老婆茶畢就行惠康,要買早餐麵包,上到惠康見豆腐5.7蚊件?有無搞錯咁平?唔多信,為有問句職員,嘩!原來真的,於是執兩件.
執後例行吓特價區,周時執到筍嘢,今次一行,咦?飛利浦慳電胆12蚊隻?出便買隻坐扺50,60蚊?但係9W啱唔啱呢?數字考起,萬一太光就死火?於是即時上網摷摷,原來9W=普通胆90火,但又忘記屋企個隻幾多火,都係買一隻回家試試?係抵再上來再買?但番轉頭?唔知還有無?諗吓不如收起隻,諗住收去廁紙後便,到時真係無,才拿出買,哈!冷不提防
廁紙後有個洞,跌咗下去添,吹漲?拿了燈胆豆腐去比錢,哈!差點忘記買麵包?
麥方包9.9蚊,慳電胆12蚊,豆腐兩件11.4蚊.

回家1623立即試吓粒胆,嘩!光度fit到震,嗱淋叫老婆返去再買,我就約咗華仔踩單車吹水.
過到乙明對開老地方1640,華仔以經在等,話好多蚊子喎?要立即踩喎,一路吹水一路踩,時晴時雨,橋底又被吓,去到濱景花園又要被雨.

1715來到孖橋,在這裡歇歇吹吓水,

吹輪水回程.
回家都6點鐘,問聲老婆,燈胆有無買到?話得番一隻咋,於是上網摷吓料,格價網原來賣40隻,但惠康正價相信唔止,應該要50元以上,買得兩隻算啦.

夜成8點鐘才來煮飯,料有西蘭花,些少焗豆,四季豆,豆腐,雞蛋同丁香魚.

丁香魚蒸豆腐,

茄豆炒蛋西蘭花

蒜頭豆是炒四季豆.

2034開飯,話之你唔食.

半夜醒來未瞓過,老婆放假樓下早餐,踱公園食吉野,穿梭商場買點嘢,晚飯4人食.

昨晚如常12點鐘瞓,瞓至半夜3點鐘醒,瞓不返歌仔塞耳瞓,捱咗粒多鐘,依然瞓不著,他媽的,索性唔瞓手機上網,一上網7點鐘,恰咗一陣8點鐘,無辦法為有起來.

洗面見老婆放假,都係刮刮啲鬍鬚,刮妥洗妥,老婆以醒手機賴床,嚴重警告好起床,唔起我就話之你,老婆才CC哋起來梳洗.

0905量血壓122/71-47,帶埋藥,同老婆落大家樂食早餐,老婆28.5蚊餐,我就24蚊餐,

冷氣勁,吃過食埋今早藥坐陣都走.

老婆話天氣太熱,煲苦瓜湯喎?好,就街市買苦瓜兩條8蚊,買包四季豆6蚊,排骨27蚊咸酸菜6蚊返歸.合共47蚊.

回家1022,老婆處理煲落個苦瓜湯,

我就辦我事,上輪網12點鬆啲鐘同老婆外出走走.
第一站還是乙明對開公園坐吓,

坐輪手機輪繼續行,來到來沙角對開瀝源橋頭個亭,例牌坐坐,這裡實在太涼,

坐咗好耐才過橋,太陽超猛,過橋後有表演,原來小兒科表演.

咁曬咁熱望吓我都走.

離開走進商場,嘩!城市廣場一帶,全是印印世界.



穿過離開直踩去瀝源,諗住又食大快活,用我張老會員Visa,誰知攞餐條龍排到出門口.
坐陣都係咪搞?不如隔鄰食吉野.
過到吉野又係一樣排大隊,見有張單對單靚枱,等吓都抵.

兩個餐老婆24.5蚊我21蚊.

吃過坐夠繼續向前,向禾輋進發.
來到禾輋商場,揾麥記歇下先,一樣多人,原來有人生日會,咁就買少見少,還好都有兩個位,同老婆8蚊每人杯軟雪糕,坐輪手機輪.

繼續行商場,20蚊買咗個冇電蚊拍,去濕料兩包20蚊,兩包特價西蘭花10蚊.合共60蚊.

買完行完商場以經5點鐘,係時候要走,同老婆沿沙田公園城河邊,行吓坐吓踱回家.
行得我CC,回到家剛好6點鐘,個仔同新抱以在,老婆處理買來菜料,我就攤唞吓.
夜成8點鐘我來煮飯,料有西蘭花,梅頭肉,開罐茄豆,西蘭頭同條甘筍.

西蘭花伴茄豆,甘筍蘭頭炒梅頭,老婆煲的涼瓜黃豆酸菜煲豬骨.

2035開飯4個人食.

飯後果,繼續西瓜

父親節

父親節快樂

睡來尚可,整日在家,樓下大家樂,晚飯4人食.

昨晚12點多啲鐘才瞓.一覺今晨6點鐘以經醒,人話人老咗瞓少咗,係無錯,喱排都係咁早醒,今日算叫做瞓好咗,賴床到8點鐘起來,陽光超猛,手機無晴晴叫有新程式更新,是但啦,早更早著.

洗面木耳漿食先,上網寫下今早事,寫下以急及待要大,事畢見咁舒暢,上磅一磅138磅,吃過早餐1005量血壓143/75-57,食過今早藥上網,1016個女whatsapp傳來,有些柜好靚喎,問要不要喎,唉!望吓自己屋企,時運高聽唔到睇唔到,11點多新抱蒲頭,煮米粉做早餐.
上輪網youtube輪又12點鐘關機看電視,1點多鐘老婆返,坐咗陣話上床瞓陣喎,老婆去瞓我就處理包多春魚,醃好放回雪柜.
3點鐘拍醒老婆,出街下午茶兼買餸,都唔願多行,就樓下食大家樂,老婆义雞米餐29蚊,我就沙律米粉餐23蚊

吃過坐夠手機夠走人,例行吓超市,無嘢好買,便街市買條茄子3 5蚊返歸.
回家5點鐘,累累哋望著電視都瞓著,成7點鐘個仔返,1919我來煮飯,料有梅頭肉,多春魚,茄子同啲隔夜餸.

2010新抱返,開飯,有梅頭肉煮茄子,

香煎多春魚,

隔夜餸

4個人食.

飯後果啤梨