睡來尚可,耳續點點鳴,眼瞓頂不住,三人下午茶,踏破鐵鞋十月初五街,晚飯三人食.

昨晚11點鐘難得睇到場英超,利記對阿先奴,又幾精彩吓,可惜下半場利記以經三球贈阿先奴,未打完場波12點半鐘我都瞓.

夜所一劑就瞓到今晨6點多啲鐘,手機賴床成9點起來,新抱剛啱起來梳洗,為有上住網等住先,外便雨繼續落,稍後又要處理廚房氹水,梳洗後搞早餐食,餐後0953量血壓129/73-53.
辦妥一切事務上網,續我回憶錄心臟,誰知一埋位,眼睏到不得了?頂不住要去瞓,就梳化一瞓12點幾鐘.
上陣網1317老婆以經返,老婆例攤番陣,我youtube完又都差不多3點鐘,拍醒老婆下午茶LU,個仔亦蒲頭,齊齊大家樂,
晏來有好處三人舒服啲,可以坐張4人枱有,誰知有人翩翩選中你,無聲無示坐下來,環顧4週吉位多?為有我走你獨享,老婆熱狗餐,我就至平米粉餐,個仔就炸髀通粉餐三位盛惠82蚊.

餐後遇朱太,愛講笑的我,你就好啦,一人獨享四人枱,今早收到條水浸片,摷咗好耐，硬係唔知發生響邊度?就係咁條片無轉發到出去,於是乎又研究吓?朱太睇見我手機條片,就問發生響邊度?我話唔知呀?就同佢講,見所有招牌都係繁體字?無乜可能係大陸吖?大陸起碼都有些簡體字?誰知有條伯父語氣稍重說,唔係叫簡體字,係叫殘體字,攪到中國文化無晒?
心諗,睬你都儍,政冶嘢你有你立場,誰對誰錯,又點能夠用你立場強加別人身上,嘥氣,做人起馬一句尊重都無，你話人無文化?我話你食古不化.講多無謂我都走,離開行超市,買有麥方包9.9蚊方特價啤梨份6蚊返歸.
回家1655繼續上網摷摷條水浸街片,抽絲剝繭下,才知摷到下面片對照.
原來係澳門十月初五街,



再上youtube摷摷,他媽的,條水浸街片才出現,唉!幾日來得個估字?

1940煮飯雪柜料,有旺菜,雞蛋,蜆肉,豬腩肉,蝦米同粉絲.
2029開飯,三個人食,飯後果啤梨.

睡來唔錯,帕卡8號擋不住,老婆返工,整朝星星PK,下午茶三人大家樂,晚飯4人食.

昨晚出埋篇blog都成11點幾鐘,擦埋幾隻牙仔,12點幾鐘至瞓.瞓瞓吓被老婆同個仔嘈醒,曬晾間不懂上塊防風板喎?當然啦,幾拾年來家居嘢都係我攪,好快便上妥塊半遮妥掩塊膠板,望吓鐘才一點幾鐘,.

返床瞓過,到4點多啲鐘去個所,嘩!睇住剛上件防風板頂不住,就冧?嗱淋加件膠板頂番住,個風帕卡都幾係嘢?

之後就瞓到今早近7點鐘,收音機塞耳賴床,電台乜節目都無,8號帕卡擋住番不到工喎?8點半鐘起來,唉!廚房地台又大壇水,又要拖餐懵才洗面,搞早餐上住網食,而昨日粒消炎藥湊效,手碗無晒事,肩膊都好得多.

上輪網餐後0940量血壓131/73-55,辦妥一切事務又1010,帕卡依然8號,風就不覺太大,但雨就下不停,望吓街外又似乎無乜殺傷力.
百無聊賴追回酒徒套印度片,來自星星PK,一睇1305,好好睇,不過我就差啲,字幕睇唔切,不繼要倒帶,套戲好大諷,好好笶,個個神都多得佢唔少,到最後超感人,睇到眼淚都出.8號風球未下老婆來電,說焗住說要補水喎,睇完套片都夠皮,關機唞唞.
1點鐘8號轉3號波,新抱番工,去到兩點多啲鐘老婆返,老婆例要梳化攤陣,3點鐘個仔問,落不落去下午茶,老婆話落,不過要晏些.
3點鬆啲鐘落大家樂,嘩!攞餐條龍排到遠遠,好好彩找到三人枱,老婆共仔去買餐,我就坐響度等食.1540我個27蚊熱狗餐到,除後老婆個27蚊雞扒烏冬餐亦到,遇見朱太一個人在等攞餐,剛啱個客食完都走,叫老婆問問佢有位未?未就坐埋嚟,結果坐埋來,而個仔個蝦多士通粉餐要1553才到.

朱太完好健談,傾咗好耐才走,行入街市見菜檔出乎哋好多菜賣?而且好新鮮,見屋企還有菜,都係無買,正想離開返歸,誰知極度大雨,為有同街坊一樣在等,到雨稍細,見樓下街坊無帶遮,諗住叫老婆先遮佢一程過馬路,街坊又話不用,咁就同老婆返歸.
回家5點鐘,諗住寫陣blog,誰知太眼睏,為有上床瞓陣,老婆見我行開,嗱淋埋位玩佢遊戲.
一瞓就6點多7點,起來煮飯,雪柜料有夜香花,豬扒,南瓜,雞蛋,甘筍,蜆干同丁香魚.

南瓜煮豬扒,

夜香花煎蛋,

丁香魚蜆干蒸甘筍,

2026開飯,話之你唔食.



飯後果繼續腰芒.

一覺天光,人無咁攰,老婆假,手依然痛啪消炎藥,食意樂,攞廁紙,行轉禾輋買餸,食雪糕,晚飯4人食.

昨日真係半條人命,手碗痛半邊膊頭軟無力,成身攰泥泥,行咁多買咁多,C的一樣,睇埋場波捱埋篇blog成12點鐘才上床,C的一樣,一覺今晨0656醒.
去個所關冷氣,好陽光搞搞曬晾,返床手機塞耳又瞓過,矇矓到9點鐘起來,個人似乎好啲,肩膊無咁攰,但手碗依然痛無力,洗面搞早餐上住網食.老婆還在假在瞓,都係咪叫佢?等佢瞓到夠.

1006餐後量血壓133/75-58,sony電蕊正,用到現在重還有電?下次再買番佢,辦妥一切事務1035,老婆才起床,早餐自己來.
酒徒介紹套片,叫來自星星PK,又睇吓,印度片又幾好睇來啵?不過係套戲?太長?睇咗半粒鐘就無睇,不過我會追埋佢,唔上網就唞唞,老婆見我唔用電腦,又走來上網遊戲.
去到一點多鐘,坐響企對住四幅墻,唉!人都癲,叫老婆出街,老婆話咁熱去邊喎,話實唔行公園架?唔行就唔行啦,唉!見左手碗依然痛,無力撳吓都痛?看來都唔簡單,消炎藥都係唔好慳?都係啪番粒才出街.
落到街超勁太陽,遠啲都唔行,就樓下搭程車過城市廣場.過到去廣場,不停地遊來遊去,上到頂打個轉下回來.
記得老婆話個錶無電,不如過去禾輋12蚊店買電池,順便食樂意啦.咁就沿瀝源行人天橋行去,行到休憩處,又坐吓歇息吓,剛啱有嘉年華會.

坐咗好一陣,繼續過禾輋,去到商場見有人排隊,原來維逹做宣傳派大卷廁紙,老婆話排吓喎?見條龍唔太長又排次,排咗5分鐘以經有,老婆一卷我一卷,還有個環保袋仔送.

攞完卷紙就食意樂,可能晏來,來到以經有位,老婆38蚊餐,我29蚊餐.

吃過手機夠走人,行回派廁紙處,老婆話又攞多轉喎?好,咁就輪多轉,話之你,一路排一路玩手機,哈!咁就輪到.

離開就回程,行咗半老婆話,又話12蚊掂買錶電池?哈!都忘記,為有下次啦.
行回好運行百佳,掃輪百佳,就佳寶,然後巴士回家.
在巴士其間,見隔鄰兩位呀婆級,大談通波仔心臟病,我喱個過來人,又搭訕宣揚一番,圖文並茂講我木耳事件,連帶佢前便位呀婆級,又問一餐,又係通波仔一簇喎?嘩!心臟病真係咁多人?
下車後老婆又話雪糕坐吓喎?好啦,又孭住大細袋去麥記.

吃過坐夠返歸,回家1825買來有佳寶粉袋絲11蚊三包,腰芒一份10蚊,百佳旺菜7.9蚊,蝦米一磅69.9蚊,火鍋豬肉片10蚊,火鍋豬腩片13蚊.

1937煮飯,菜料有粉絲,椰菜,旺菜,蝦米,豬腩片,蜆干,雞蛋同夜香花.



粉絲蝦米蜆干煮旺菜,

夜香花煎蛋,

肉片炒椰菜,

2057開飯,4個人食1夜返留飯餸.

飯後果腰芒.

睡來還可,碗痛肩痛週身骨痛,老婆放假,中午大家樂,行轉沙田買滿載,行得CC,麥記雪糕,晚兩人食麵.

昨晚7點半鐘,個女來電,大概睇到F,B講及,姿姿助助話我隧道事件?我一句話,無事呀,便交由佢老母同佢講.

飯後還是與腦為伍,這晚夜咗才感覺到左邊膊頭同手碗酸痛無力,大概跌時全程用左手來支撐,撐得太累卦?

這晚11點多以經上床,還是12點才瞓,夜所一劑便瞓到0622醒,膊頭手碗依然,去個所關冷氣返床再瞓過.可惜瞓不返,胡思亂想輪,手機賴床.
8點鐘千禧年代,天鴿馬後砲,澳門慘情,唉!講就天下無敵,聽陣0836起來,老婆放假,重係打孖兩日,手痛肩痛週身攰,都唔諗咁多?

起來陽光普照,搞搞曬晾梳洗,早餐乜都無,鮮奶剩番啲,麵包得兩塊,為有摷摷料,有料就盡出,見要煲滾水,順便剃埋啲鬍鬚,0930早餐搞掂.

叫聲手機賴床老婆,食就起來,我就邊食邊上網,餐後1008量血壓126/70-57,
辦妥大少事務,老婆上網佢遊戲,我就坐一邊恰眼睏.
12點多同老婆外出行吓,都係諗住行公園,行到單車場,個場還未清完,重係圍住彩帶,都係咪啦?不如移走我兩部單車先,

搞掂就走入商場洗手.
都1點多啲鐘?不如食中午好過,咁就大家樂兩份食個飯,叫個鴛鴦炒飯34蚊,加個菜7蚊,同老婆兩份食.

吃後老婆話要買洗衣液,廁紙同食油喎?嘩!買咁多嘢?老婆話回家拉部車囉?經過昨日水浸隧道一役,肩痛手碗痛,週身攰無力,老婆都醒目,叫我在地下等,佢上樓攞車仔喎?
老婆上樓攞車仔在其間,見同座個拾荒呀婆,見佢日日摷垃圾筒,不如至電個老婆,問老婆有無廢紙同鋁罐,比啲佢啦,咁啱係有?就叫老婆順手拿下來,個呀婆就話祝我100歳喎,唉!嘥氣.
老婆還未下到來,口痕問吓呀婆乜來頭?你同邊過住呀,佢話同個仔喎,話個仔工業意外跛咗喎?又問吓佢?未來這裡住又那裡來呀?打仗時在順德,父母C咗,被人呃咗去常平喎?轉轉落咗來香港喎囉?唉!呀婆講嘢唔清唔楚?只見佢日日開工,摷垃圾筒,從來未見過佢有親人一齊?老婆來到比咗啲廢紙同鋁罐過佢,哈!佢話我老婆99歳喎.嘥氣,總之每人有每人故事.
離開呀婆,天氣實在太熱,人又攰都唔願行,就搭程車過市中心.過到去就行藥房,超市,一路睇一路格住價.
一直行去759,今日759得超低價7折,其他就9.5折,個場就冷清清無乜人?望吓啲貨,全部加咗價,變相8折咁啦?鮮奶屋企無晒貨,一定要買,勉強一掃113蚊,.
購物期間,whatsapp響,今晚兩個唔食喎?回覆後,話之你啦.

離開759就要買食油,今回消費月刊話,好多隻油至癌喎?於是同老婆拿住部手機,跟網上係咁對,到選定目標,又輪到格價.
揾完佳寶揾百佳,都係佳寶平啲?唉!誰知返回佳寶,牌就寫住5.5KG,但桶油得5KG,有無搞錯呀?足之都係返回百佳買,原來5.5KG係舊貨,新貨無加多500G,同價多500G當然買啦.

買完油就輪到買廁紙,行咗好幾間藥房,無間有一條條廁紙賣?諗起內地水客區,又阻地方內地客邊會買吖?都不用揾走人.
行得我CC去到巴士站,剛好有車,樓下無位,實在太累,幾大上樓揾位坐,佢老味後生搖搖,人坐個位背包坐個位,啲呀婆呀伯上到來,條友炸炸帝帝,面向窗外,正人渣.

返到來企樓下,老婆話食雪糕喎?同老婆又走進麥記,兩杯雪糕8蚊,重整個特價雞腿包12蚊.

吃過唞輪上惠康,老婆話唔上啦,我話要買早餐麵包呀,買包麥方包9.9蚊,哈!見廁紙特價,同藥房只差一蚊,梗係買埋啦,抽兩條送紙巾49.8蚊

回家1815,攰得我唔願郁,

累得要C下,1928來煮食,料有夜香花,兩隻鮑魚麵,兩隻雞蛋.

夜香花煎蛋,鮑魚撈麵兩個人食,餐後香蕉.

食完隻蕉好唔願郁,長長篇BLOG還未寫?到寫咁啱雅虎直播港超聯足球,傑志對東方,
唉!香港足球要輪落到互聯網直播,真係可悲.
結果睇埋場波才來寫我長長篇BLOG,一寫又12點鐘,唉!可悲係我.

睡來還可,整朝回憶錄,森林取單車,隧道浸老龍,樓下大家樂,呀茂煎餅兩人食.

昨晚12點前都瞓,夜所一劑,5點多又醒,為有歌仔塞耳瞓,咁就一覺0722醒,收機賴床,8點半鐘起來,陽光入屋,搞搞曬晾,洗面攪早餐上住網食.
新聞一單,房車破浪過橋 如「摩西過紅海」餐後0935量血壓129/70-53,辦我一切事務,搞掂又10點多啲鐘.無所事事又寫我回憶錄,寫兩寫又11點半鐘,唉!唔寫啦,攤響椅看電視恰眼睏,一恰又1點鐘,執嘢去游水,明天洗池無得游,游多日添啦.過到單車場,嘩?一車場都折斷樹枝,由其我幾部單車度,堆滿樹，唉!咁點呀?來到唔游?是但啦,一於撥樹尋單車,唉!連單車鎖都壓爛,幾艱難吓才開到把鎖,從樹堆下拉部單車出來.

以為OK啦,誰知去到行人隧道,嘩!水浸?試行踩去睇吓,起初唔太深?似乎OK啵?誰知過到盡頭轉彎,越踩越深,騎住單車以經到膝,大鑊?下車條褲濕硬?諗住扶住幅墻係咁褪後?唉!一路褪部單車,一路離開幅墻,就係咁跌低咗LU.
爬番起個身成個人濕晒,連個游水袋都跌埋出來,嗱淋執番個袋,非常狼狽下推番部單車上路面,唉!身濕,膝頭傷,腳指公都傷,流蚊飯.

嗱淋除件衫出來紐紐佢,飛車返歸,回家1340,老婆以在家,嗱淋沖涼,All衫都洗,搞掂祙乾,老婆替我噴上噴霧膠布,拿到呀媽唔認得.
在家攤唞到3點幾鐘,老婆煲劇煲到唔願行,唉!話之你,單車要鎖有鎖,好在未雨綢繆,以前買落9.9蚊單車鎖,下午茶我行先LU.
落到街單車場鎖好單車,然後大家樂等老婆,唉!老婆遲遲才蒲頭,我就蝦多士米粉餐29蚊,老婆熱狗餐27蚊.

吃過坐夠手機完,行惠康買份特價蕉5蚊,街市買個椰菜2.8蚊,一包夜香花11蚊返歸.

回家1730,老婆又續煲佢劇,而我累到不堪,坐著瞓著,7點鐘個仔返,話有無講佢兩個唔食呀?無呀.話知你倆食與不食.
老婆處理買來菜料,我才上網寫陣blog,7點多鐘老婆呀姿呀咗,又話食夜香花,又話食烏冬,睬佢都儍,2009我來搞嘢,一於呀茂整餅,料有冷飯,麥皮,麵粉,雞蛋,椰菜同包榨菜.

雞蛋,麥皮,麵粉溝下漿,椰菜切絲炒冷飯,榨菜切碎,全部撈埋呀茂煎餅.
2105開餐,呀茂煎餅兩人食.

睡來還可,天鴿10號,廚房一鑊泡,整日在家,下午茶麥記,遇客搭訕,晚飯4個人食.

天鴿迫近,昨晚曬晾間,係咁易上塊膠片遮吓算,曬晾間通天位,打風什少吹得會應,搞掂12點前都瞓.一覺今晨5點零鐘醒,就瞓不返LU.5點多鐘老婆返工,以經9號風球,為有說句小心,再望吓街外風平浪靜,雨水都無滴.

老婆返工後,為有塞耳歌仔瞓,0549老婆來電,說冷氣未關喎?為有起來關機再瞓,半睡下到7點鐘聽收音機,一直到8點半鐘起來.
望吓街外,果然風雨到,樹搖晃得好厲害,連少少窗縫雨水都撇入,諗住去洗面,嘩!廚房地台一大氹水,曬晾間塊膠板擋不住,嗱淋換上兩大塊膠板,地台無偈,墻壁浸漏,為有地拖,拖得就拖,拖好放份報紙索住先.

搞餐懵才開始洗面搞早餐,其間whatsapp頻頻響,嘥氣都唔鬼理佢,上住網食我早餐,餐後1014量血壓132/72-56.
辦妥一切事務又來上網,續我回憶錄心臟(3)寫妥11點多鐘,吸吓街外環景,似乎無乜風雨,突然有部警車駛近,原來清走馬路上樹木.

而啲友whatsapp就傳來傳去.

老婆1455才返到,補水等落波喎?回來齊齊下午茶,轉口味食老麥,一包一汔水10蚊,兩位20蚊,

其間有客見我同食物拍照,各得好奇怪?一把年紀又會咁潮?見佢開到聲?我就話同食物拍照,已經好多年既事,於事乎比啲相過佢睇吓?又講吓我N年未有智能手機,我已經寫blog拍照事,咁一講就大鑊,盛情難却下,就交起電號來,其實一剎那熱情,又幾時會有事成?
之後行轉惠康,街市買有涼瓜一條,蕃茄6粒返歸.

回家1640老婆處理買菜料,我就上網寫今日blog,寫陣就看電視,1900煮飯.料有蕃茄,涼瓜,豬扒同三文魚頭.

蕃茄煮豬扒,

蒜頭豆豉煮涼瓜,

香煎三文魚頭.

2014開飯4個人食.