睡來唔錯,鼻無事,整朝上網,游水600m,食大家樂,晚煎餃食米粉,三個人食.

昨晚個仔放工回來,立即拿件平時幫佢收既郵包出去,話去交收賺900蚊喎?個老母問清楚,原來佢啲玩具炒到高價賣出喎?哈!個衰仔又比佢叻番次.

晚飯個女上來食,飯後又係忙佢嘢,搞到個老母連床都無得瞓,要11點鐘才讓出張床,我就話之你,看吓電視上吓網搞到成12點鐘才瞓.

累累哋一覺今晨0606醒,鼻無事,都心滿以足,小許鼻塞啦,手機賴床,晨早whatsapp無喱頭片今早好啲,兩條咁多,好過昨日全日共9條,唉!嘥氣.

手機賴床到8點鐘起來,梳洗搞早餐食,諗住埋位上網,個發霉wifi又唔得?平時關吓開吓就得番?今回就唔靈?早餐食完試極都係唔得?谷鬼氣用手機wifi分享過去,又OK啵,寫下今早事.
上陣網0901量血壓130/78-52,辦妥一切事務上輪新抱頭,原來兩個放假,11點多鐘關機休息.瞌陣眼睏又1點鐘,執嘢去游水.
落到街,嘩?勁猛太陽,真係有點(笠水),啱啱學會,淆底咁解喎?話之佢,烈日當空下踩車過泳池,過到去1318.更衣室個儲物又賴嘢?實在太窄太細,門又彈弓著,一不小心,左手挨落個鎝頭度,哎呀?一撻瘀咗,越瘀越大.唉!玻璃手遇上窄物柜,喊都無謂.

看台下熱身,勁猛陽光下,走過熱紅紅地台,過到副池要我成4分鐘,1342下水,慢600m,人少少鬆容下完成600m,1417上水走人.
更衣室搞掂一切,同呀王吹句水都走,單車返回單車場1502,至電個老婆食大家樂,老婆扎肉雞絲河餐29蚊,我就燒鴨瀨餐凍奶茶,同様29蚊,太口渴喇,咳就咳啦.

吃過坐夠星期三長者日行轉惠康,買有特價維他奶兩盒40蚊,吞拿魚罐頭兩罐21.4蚊,街市餃子18蚊返歸.

回家1644,寫陣blog,老婆見我行開吓,就用咗部腦LU,唉!用到夠啦,打電話揾華仔吹水.吹輪水坐陣夜馬又開跑,手機刨陣馬仔,都係唔識賭.
夜個女來電,,上來食,又食與不食之間,咁就等有佢覆,一等成8點半鐘,我才開始煮嘢,雪柜料有雞蛋三隻,米粉三個,餃子20隻.

香煎餃子,蛋半包米粉.

一等又等2125開餐三個人食.

母親節快樂.整日在家,食老麥,邨外圍坐,晚外賣人齊食.夜切蛋糕賀媽節.

母親節快樂

今日邊度都無去,兩點多同老婆樓下食麥當奴,兩個餐合共48蚊,

吃過坐夠,邨外圍坐吓,適逢有人派花,老婆攞支熱閙吓,

我又手機搞搞嘢,

就係咁坐到5點多返歸,回家5點半鐘,老婆大晒不許煮食,話仔女有安排,我就一於橋手睇你們搞邊科?結果食市無,外賣無,相量下為有大家樂,我還是保持我原則,8點鐘個女買有外賣到,人齊開餐,啦媽節快樂.

夜有下文,就係切蛋糕,賀媽節健康快樂.

睡來還可,整朝發藕豆,行轉大圍,有C蛇,食漁米,買餸,麥記雪糕,晚飯5人食.

昨晚同個仔火星撞地球,若不是件事有瓜葛,真係睬你都儍,這晚氣還未下,12點鐘才瞓,湯水多,夜所頻頻,瞓到5點零又醒,鼻水又來料,又塞又呻不停?差點頂不住要起來,後來稍收歛才瞓返,就瞓到7點多鐘,手機賴床,到8點多才起來,早起就早上網,上輪網執輪旅相又10點鐘.

老婆以瞓醒,煮埋通粉做早餐,餐後1016量血壓145/82-49,吃過今早藥,老婆以經用咗部腦.就係咁老婆上網,我就看電視兼恰眼瞓.
早兩日才游水來,喱兩日又番,想游吓水都唔得?到兩點鐘,係時候要外出行吓,見無雨便同老婆踱過大圍,還未部出到城河?突然見迎面個女人窒晒步?見佢好驚的即時彈開,心諗個女一定見到啲可怕嘢,老婆矇查查還行過去?我立即攔住佢,前面肯定有啲唔妥?於是小心下行埋去,一睇原來係條C咗青竹蛇仔,唉!顏色青得特別可怕?

拍張照我都行?過到大圍還未及兩點半鐘,下午茶還未夠鐘,就公園仔坐吓,我就大呻個仔啲衰嘢,明知老婆唔願聽,都無偈?唔係我啲冤屈氣同誰呻?
講到兩點半鐘,就魚米下午茶,老婆要大辣牛肉豬潤米線36蚊,我就魚蛋片米線35蚊,本來33蚊,無啦啦同我加辣比,比多兩蚊,N年前無辣不歡的前我,自從氣管出事,都介咗好耐LU,食落係無問題,最怕事後咳甩肺啫?

吃過坐過手機夠走人,大圍街市買餸,.
毛毛雨下行轉,都搭程車走.返回自家商場,行轉惠康買麵包,然後麥記8蚊食杯雪糕偈偈腳.

回家1815買來有麵包9.9蚊,米粉13.5蚊,荷豆1斤10蚊,鹹豬手18.1蚊,洋葱2.5蚊,獨子蒜15蚊,干葱3包5蚊同鹹蛋5隻10蚊.合共84蚊.

夜個女上來食飯,寫輪blog,1955煮飯,料有昨日邊三文魚頭,荷豆,米粉兩個,洋葱半個,木耳,雞蛋6隻同鹹蛋1隻.

2050開飯,鹹蛋木耳洋葱炒荷豆,煎蛋煎米粉,同半邊三文頭,5個人食1夜返留飯餸.

江西龍虎山+三百山温泉酒店四天(4)回程 三百山~堔圳灣口岸

江西龍虎山+三百山温泉酒店四天(4)回程.

2018年4月23日 三百山~堔圳灣

昨晚早早就瞓,半夜個鼻又發作,鼻水湧現呻不停,無得瞓下,晨早6點多啲以經起來,望吓窗外,望吓園仔個池,儲水又幾穏,一點都無漏走?水還微暖,犀利.

梳洗好0710離開房間去早餐,酒店門口有棵靚樹,好似叫乜蘭花樹?花好大朵,又點會唔影吖?

拍咗幾張就前去早餐,見無車就踱步過去,行5分鐘便來到會議中心食早餐.

早餐自助形式,都幾多嘢揀吓.

吃過同團友聊天,正正就係小火車,不肯坐埋些位女仕,話題大談中國人啲衰嘢,又話澳洲所見,有個中國女遊客,見到棵樹啲花好靚,摘晒下來插滿頭拍照,拍後棄晒落地喎?又話北海道所見?邊度所見點衰?成日見有報導,我係認同,我就講我遭遇,沙田所見,碰口碰面好人講普通話,福田反而廣東話多?就上次旅行星温泉咋,去時都係內地人讓坐,回來紅磡站又係內地後生仔人讓坐.
吹輪水,8點鬆啲鐘,同老婆踱去熱泉河湯谷浸温泉,0826來到門口,

以前來過都知頭知路,門口昅吓張圖,咦,有泳池啵?一定要游吓水至得.

醒起問聲老婆?你有無帶房咭架?哈?誰知係無的?為有入去問吓,睇吓得唔得啦.
入到去柜枱一問,温泉開0900啵?憑咭進場喎?我話一個無帶可以嗎?佢話下次唔得喎?都諗住等到夠鐘進場,誰知老婆嗌要廁所,又要返回酒店房喎?好咁就踱回酒店,唉!話近唔近?

返回酒店老婆去所,我就外便魚池望吓魚.

0856老婆搞掂出來,剛好有車,咁就不用行LU.

一陣子返回温泉谷,柜枱出示兩張房咭,講笑,聲明我係兩張架?位小姐笑.

進場後還早無乜客,一於拍照先,一路拍一路找泳池,他媽的?去到泳池唔開放?有無搞錯?

拍咗輪照,見泳池無開無偈,就開始浸温泉,有啲池實在太熱,根本浸不下,其實浸温泉出來浸好過,可以浸吓行吓,多款池任你揀,好過房間個池仔,得一個浸來浸去,枯燥無味,浸唔得耐?
行吓浸吓來到魚療池,嘩!魚好大條,老婆唔敢落腳,驚驚喎?為有我來,起初真係魚釘感覺,釘慣又幾舒服.

由於11點鐘要離開出發,1012都走LU.

離開踱過中間個花園便到酒店.

1059執整行理離開,放好行理上車,便踱去就近間農家土菜食午飯.

準時11點鐘開餐,咁早食飯我就吃不下,飯都無食,老婆6蚊人仔整蘋果醋飲吓.

吃過坐夠1200準時出發.

1249來到贛粵收費站.

1312以經來到廣東省河源市,和平服務區,團友鬆鬆,老婆亦5蚊買條粟米咬吓,又幾靚好食.

1505來到泰美服務區,亦是最尾一個休息站,導遊才開始派發,代替無歡迎儀式的土產餅一盒,派過後便一連串匯景廣告,意見書同收小費.

1725終於來到深圳灣口岸,就係咁結束龍虎山+三百山温泉酒店之旅.

順利回家1925,按摩器,土產餅同買來25蚊小河魚干.