睡來麻麻,雨繼續來,整朝上網,游水600m,手機續約,晚飯6人食.

昨晚11點多鐘都瞓,3點多鐘急醒,就瞓不返,整晚歌仔塞耳矇矓夜,6點多醒,賴床0840起.睡來麻麻.
外便落著雨,梳洗早餐上網食,辦妥一切事務,1046量血壓126/78-58,繼續上網,睇有兩條新聞短片,唉!斬人反而被人斬C,另條澳洲81歲婆婆徒手活捉兩條蛇,而個男人卻騰雞到C,看輪新聞上輪網又1217關機休息.
1點鐘無雨落去游水,過到泳池1325,更衣室搞掂一切,池面熱身,天陰池內數數得13人,1339下水埋頭慢游600m,1414夠數,本想游多陣?唉!都係無謂週身骨痛,起水走人.更衣室同呀王傾兩句都走.
離開過瀝源商場,大快活食個減3蚊茶餐27蚊,

坐夠離開,嘩!傾盆大雨,無得走就行陣超市,

阿信屋77折,計吓條數無著數,還是空出來,行埋佳寶都係一樣,見雨無乜?都係走為上著,踩出城河又來陣勁大雨,

稍避陣又飛踩回家.
返歸剛好5點鐘,打點好一切,個仔亦放工返到.上陣網6點多老婆同個女返買咗26蚊餸返,個女到,都係搞掂個手機續約先?撥通中移動,姓朱女職員接電話,問清楚那個職員辦理都一樣後,便交過個女同佢講,之後成交個pan,月費78元,數據頭5gb,之後限速128kb無限上網,兩年合約,2018年9月26日生效.
2020老婆飯熟開飯有,糖醋骨,腐乳通菜,蕃茄薯仔湯,6個人食2夜返留湯飯餸.

睡來還可,落雨天整日在家,下午淥個麵,終於大結局,晚飯4人食.

昨晚上輪網11點多鐘都瞓,夜所兩劑0630醒,收音機塞耳瞓,矇矓到7點半鐘老婆起床返工,我就手機賴床到8點半鐘起來.

梳洗早餐上網食,上陣網餐後辦妥一切事務0950量血壓140/68-55,續煲劇到1150,以經67集,係時候關機休息.
瞌輪眼睏12點多鐘,都諗住去游水,誰知落雨,等到1點鐘雨勢重大,無辦法為著來番部電腦上網.諗起昨日條youtube片講童工,隻歌仔好好聽,但歌名搜極不到,於是乎又試部找吓,果然找到了,名字叫(想爸媽)巧巧聽,於是乎vido連mp3都下載下來.
望望個天唉!今日似乎龜縮硬?不如追埋套窒窒劇喇.1545肚餓,淥個麵加隻蛋食.

吃後見套劇咁順,一於繼續煲埋佢,一煲1800,唉!70集終於睇完,1830老婆買埋餸返.
上網到8點鐘,老婆飯熟開飯,有鹹蛋瘦肉滾節瓜滾,肉片炒芥蘭,斬料义燒,4個人食.

有點傷風,老婆共個仔放假,行穿公園過禾輋,意樂63下午茶,66.6榴槤,兩人好運剪個髮,晚飯4人食.

昨晚出埋篇blog都成11點半鐘都瞓,夜所三劑瞓到0814醒,老婆今日開始放假,已醒在手機賴床,我亦賴陣床手機煲陣劇0915都係起來,老婆亦跟著.
梳洗搞早餐食,煎三蛋,芝士花生醬夾麵包,豆奶麥皮,咖啡老婆自沖.

餐後急不待要辦事,辦妥一切事務1035量血壓125/74-55.個仔同新抱蒲頭,個仔外賣麥記早餐.
老婆電腦我一於入房瞌陣眼睏,瞌醒新抱返咗工.
12點多鐘同老婆街街,行去坐開公園,風屎都無滴,都係走人,瀝源橋亭坐坐便過橋入市廣場,這裡與手機坐咗好一陣.

1點多鐘離開,老婆話要剪髮?coupon關係,就走去上次剪去開間剪,來到好運中心先銀行打打薄,打完薄老婆又話肚餓唔剪住,諗住附近下午茶啦?老婆又話唔肯,要食禾輋意樂食喎?咁就為有踱去禾輋.途中老婆話10月要揾旅行去喎?我話唔去啦,去襯都係温泉,唉!唔食得,唔行得去乜鬼吖,話一定要去喎?唉!要去自己去啦.
過到禾輋意樂1420,非假期大把位,兩個茶餐盛惠63蚊.

吃過坐夠行超市,來到惠康榴槤巧靚,17.8蚊磅,拿個細細熬吓先,嘩!響架?老婆話買個大的,大佬舊幾水?唉!都好耐無食過喇,趣趣哋秤個睇睇66.6元?是但啦.

秤完比完錢,又無帶環保袋,不如找達地0趙咗佢啦,正離開商場,見有領展搞promote,踩到行鬥賽車.

離開商場來到這裡,又靜,又大樹林蔭,真係好地方,

兩公婆就在這裡,享受好耐無食過榴槤,榴槤無刀無批怎開?老婆指指點點?唉!等我來啦,首先咪拆開啲保鮮紙,就係咁用個榴槤篤,向鐵櫈度撼幾吓,嗰然瓣瓣爆開,食得,真係好香甜好滿足.



享受完返回商場洗洗手,就行人橋返瀝源過好運商場,這間剪髮,剪妥付上兩coupon,師父又推銷coupon,今回重平350元有10張,為35一剪,諗吓,成3,4個月才剪一次?都係咪搞.

離開去佳寶買有豬展一個35蚊,無糖純豆漿兩包17蚊,廣場搭程車返歸街市,買斤紅莧菜6蚊返歸.

回家1744老婆處理煲落湯,我就上網寫寫blog,
2020老婆飯熟開飯,有腐竹冬菇火腩,肉片炒紅莧菜,花膠猴頭菇煲豬展,4個人食1夜返留湯飯餸.

睡來OK,整日煲劇,街坊燒衣節,同華吹水,大家樂,晚飯4人食.

昨晚煲劇窒吓窒吓,唉!難捨難離下,11點半鐘才瞓,夜所兩劑,瞓到0618扎醒,?望吓老婆重響度?嗱淋拍醒,原來真的唔知醒,老婆嗱淋返工,我就收音機塞耳繼續,7點鐘倫敦BBC,每週新聞,極有趣聽到段,越南網,延禧攻略,若要睇先要答問題,問海南島歸屬,答越南就有得睇,答中國就無得睇,哈又會咁用中國劇來打倒中國.
聽完8點鐘又煲陣延禧,以經54集LU,自後皇后瓜咗,瓔珞上位似乎無咁好睇LU,瓔珞人唔靚,一點不像妃子,可能睇慣係下人卦?
一煲成9點鐘起來,梳洗搞早餐上網食,有點鼻水,牙肉點點痛,睇來要多飲水LU,上陣網辦妥一切事務,1032量血壓134/73-60,無所事事繼續煲劇.
一煲又12點半鐘.百無聊賴等老婆,不如手機又煲過,又幾好啵?似乎順得多?就係咁煲吓瞌著眼瞓,又由頭來過,56集睇到近尾聲,老婆來電叫去隆享街坊燒衣攞燒肉喎?唉!早前講過唔去啦?老婆話唔去就來大圍等來一齊買餸喎?見橫掂出去不如攞埋一份.
過到隆亨3點鐘,老婆還未到,電聯老婆叫排定隊喎?唉!唔知頭唔知路點排呀?還好問吓人終於排啱隊,等咗好耐,終於派籌,接過籌老婆還未到?有點心急,老婆終於到,不過要排另條隊,老婆話好險,派完佢還有四個籌咋?
拿了籌等咗好耐,無聊同個潮州老太及個孫仔傾偈,潮州老太在港幾拾年,還是滿口潮州話,白話識聽唔識講?孫仔剛好相反,老太講嘢我一點都唔明?變咗個孫仔做翻譯.
成1548才開始派,將近輪到落起雨,雨越落越大,大會猛叫轉去有蓋地方才派過?好彩剛好輪到派到,拿了嗱淋走去避雨.

落雨走不得,由於我踩車來,老婆有遮,就叫老婆先行走先,見落雨走不得,就至電過華仔吹吓水,話佢知我就在佢樓下,又咁橋自動請應下來吹水.
就係咁在個亭傾偈,傾的又咪手機嘢,又同佢上咗一課,一傾1650老婆來電追人,話在麥記等緊喎?見無雨嗱淋走人.
一條氣踩回單車場,老婆已經在商場坐等?話麥記冷氣太勁,走咗出來喎?見冷氣勁不如食大家樂,大家樂食個26蚊餐.

吃過坐夠街市買餸,買有2.5蚊節瓜同2蚊韮菜返歸.
拿回來燒衣祭品有燒肉兩份,白米一包仔,茶葉,花生,檸檬茶兩包同兩隻燈.

回家1810老婆家務,我又來煲劇,煲咗陣老婆又來要電腦,劇情緊湊話之你,
直至9點鐘老婆飯熟開飯,有鹹蛋滾節瓜,韮菜豆腐燒肉煲,咖嘢沙甸,4個人食1夜返留湯飯餸.

睡來唔錯,整日在家煲劇,食大家樂打交唔滯,晚飯4人食.牙肉小許痛.

昨晚飯後還是煲劇,一煲又11點鐘,想繼續都唔得?窒到無得睇?無得睇就搞短片,搞輪成12點鐘才瞓,夜所兩劑便瞓到今早0812醒,賴陣床0823都起來.
睡來可以鼻塞塞,梳洗搞早餐上網食,唉!煲開就煲,窒吓窒吓的,想繼續唔續之間,一睇1010才停下來,關機辦事.1027量血壓126/70-54續上網,窒窒吓一睇又老婆返,買有鯇魚一舊20蚊,又3點鐘都係收工.
成3點半鐘同老婆落大家樂,星期六較多人,老婆找有對號位,老婆拿餐看位,誰知有條友坐來老婆位,我當然出聲說有人,條友唔出聲,我就問你聽不聽到我講有人呀,佢話聽到,人來我嘛比番佢囉,我等外賣之嘛,跟住佢一輪咀講,喱啲公眾地方,人人坐得,我話剛才你又唔聲,現在就咁多講.心諗同佢講理由真係嘥氣,一係唔聲唔聲打佢一鑊,打就一定要快,先下手為強,唉!諗吓一把年紀,對多佢一陣賺谷氣,找位走人.
找過另張枱,坐正鄰枱三仔乸,個女人好多嘢講,又大聲,煩到嘔都係跳開一格坐,老婆餐到老婆27我28蚊.

吃過手機寫點嘢,老婆遊戲完又嗌著叫走?以經一肚氣寫緊嘢又追要走,谷鬼氣媽义佢,要走你走到夠,離開大家樂街市買點菜,節瓜6.5蚊,芥蘭5蚊返歸.

回家1709信箱有信,賽馬又開鑼,入場送頭彩一隻,

跟住個仔亦放工返到,老婆搞掂曬晾好衫又來要電腦,唉!你用到夠.
7點半鐘老婆煮飯,我就寫寫blog,
2030老婆飯熟,開飯有節瓜煮粉絲,蠔油淥芥蘭,蒸鯇魚4個人食1夜返留飯餸.

飯後早點擦牙,大鑊,多餘無幾隻牙痛?

鼻水點點,整日煲劇延禧攻略,45蚊兩條廁紙返,下午茶大家樂,晚飯4人食.

昨晚煲劇不成11點半鐘都瞓,半夜兩點多醒,就瞓不返,手機嚐試吓楓林網煲劇,原來係得既,暢順清楚,煲咗陣都咪攪,都係瞓好過,就咁就瞓到0709醒,收音機賴床,鼻有點唔妥,塞塞有點鼻水?0823都係起來.

如常梳洗搞早餐上網食,難得套延禧攻略穩定又煲陣劇,0946量血壓135/73-54,辦妥一切事務10點半鐘.無所事事,都係煲劇.
窒吓窒吓一煲又成1455老婆返,難為老婆大熱天時背著兩條廁紙返?話平喎,45蚊兩條,而套劇延禧攻略窒到睇不得,我都係時候關機收工.
老婆回來搞一輪,煲落個花膠螺片湯,

同老婆落大家樂下午茶,老婆29我26蚊餐,豆冰又比老婆刼走飲.

吃過坐夠惠康買早餐方包9.9蚊,老婆齋鋪買齋鹵味20蚊,街市買菜芯8蚊,韮菜2蚊返歸.

回家1715老婆續電腦遊戲,我就手機加瞌眼睏,1710老婆煮飯就輪到我來電腦煲劇.
2029飯熟開飯,有外賣齋鹵味,韮菜煎蛋,灼淥菜心,花膠瘦肉螺片老火湯,4個人食.

睡來還可以,煲劇,游水600m,單車撞傷腳,食麥記,晚飯5人食.

昨晚如常煲劇,一煲又11點半鐘,到37集,唉!又開始窒住,睇不得,為有收工瞓覺,夜所兩劑,便瞓到今早0815醒,千禧年代,葉國謙,港人大陸身份証,聽陣0840都起來.
睡來有點夢,尚算可以,梳洗搞早餐上網食,上輪網辦妥一切事務1032量血壓125/70-55,繼續煲劇到11點半鐘,都係關機休息.
誓估唔到咁眼睏?一瞌1240,瞌咗一場正覺,執嘢去游水.過到泳池1317.更衣搞掂一切,池面熱身,1332下水,埋頭慢游600m,1401夠數起水走人,更衣室搞掂一切,同呀王傾兩句,話明天泳池大洗,又要下星期再見?
離開游泳池,沿城河單車徑踩回家,他媽的,差不多去到公園門口,迎面來一班年青人,大部份按照交通例踩過來,獨係有個女仔逆線的,邊吹水踩來.唉!其實我又衰?諗住教訓吓佢,嚇吓佢都好?收慢部單車等佢踩埋來?誰知佢傾到入神?一點都不擦覺我在前面?到發覺我時就驚到左搖右擺,就係咁比佢個頭轆撞到我腳,一擦痛得我當堂大罵,有無搞錯呀?逆線踩車,個女仔連聲對不起,便擺吓擺吓的踩咗去,而隨尾個男仔猛嗌對唔住,我話你快啲去話吓佢教吓佢啦,谷鬼氣?早知一腳伸開佢?唉!一肚氣的踩回家.

回家3點鐘,老婆已回來,話個女上緊來喎?成4點鐘個女才到,齊齊落麥記下午茶,三個人食咗84蚊.

麥記冷氣實在太凍,吃過都走,老婆同個女街街,街市買芥蘭一斤8蚊,茄瓜4.5蚊,之後佢倆街街,我就自行返歸.

回家1702個仔已回來,我又來煲劇,唉!版權問題無得睇LU,轉去楓林網試試,窒到飛起,看來再無得煲LU,無得睇,睇youtube說故事.
2041老婆飯熟,開飯5個人食1夜返留飯餸.

睡來可以,續煲劇,游水600m,食大家樂,晚飯4人食.

昨晚飯後想煲劇都唔得,去到29集窒到呀媽唔認得,無得睇,11點半鐘都瞓,夜所頻頻,瞓到0615醒,收音機塞耳半瞓下到8點鐘,千禧年代塌樹,印傭砸C,香港傭工比例可見幾勁?聽陣0835都起來.

起來無唔妥?睡來算係咁,如常梳洗搞早餐上網食.上陣網辦事務,大事不妙,睇嚟都要揾啲乜食吓?0957量血壓135/73-53,繼續煲劇.
一睇又1220關機休息.單車無制,早點執妥游水嘢,執兩件架生門,聶落到地下,掉..又忘記帶銀包?又要回去攞,搞掂後單車場修修部單車,話咁快搞掂.
過到泳池1307,更衣室搞掂一切,池面熱身,泳客唔多有太陽,1324下水,埋頭慢游600m,1400夠數起水走人,更衣室職工大講個客儲物失竊,?話個柜完整無缺,獨失掉一百元喎?唉!真係好難講?加把鎝嘛安全囉,沖完個涼呀王開工,傾兩句我都走.
回家1505老婆以回來電腦上緊網,還買嚿鯇腩24蚊,響屋攤唞陣,齊齊大家樂下午茶,老婆28我26,老婆又騎刼我杯豆冰.

吃過坐夠上惠康,惠康一掃廁紙兩條49.3蚊,朱古力餅13.9蚊,花生油900公升4支115.9蚊,街市買菜薯葉,椰菜,蕃茄合共20蚊.

回家1728,老婆處理買來菜料,我就上網寫寫blog,就繼續煲劇,個仔亦放工返到.
2045老婆飯妥開飯,有雞肉煮薯葉,梅菜蒸鯇魚,粟米雜菜湯,4個人食1夜返.

睡來尚可,煲劇,游水600m,食老麥,晚飯5人食.

昨晚飯後都諗住都唔煲劇,結果臨尾又係煲,延禧攻略一煲又不停,成1點鐘才收手,夜瞓難眠,要歌仔塞耳瞓,夜所兩劑瞓到今早8點多醒,千禧年代滅蚊,聽陣0846都起來.

睡來尚好有陽光,梳洗搞早餐,雪柜昨日包雞在解凍在,順手處理埋佢,餐後辦妥一切事務1010量血壓128/69-54.搞掂還是煲劇,新抱蒲頭,原來放假,一煲又12點半才收.
1點鐘執嘢去游水,去到拿單車,才發覺單車以經完全無制,為有小心的踩,落斜為用鞋底擦住落,鞋底都擦蝕一條大痕,過到泳池才1312.
更衣室搞掂一切池面熱身,1326下水,先前儲物柜被鎖頭輕輕一擦,隻手損咗,一落水,嘩!那得我超痛?埋頭慢游600m,.1401夠數起水走人.更衣搞掂一切剛好兩半鐘,至電剛好放工老婆,提醒佢新抱放假可能不吃飯.
小心翼翼踩車回家,回到屋企樓下,老婆剛好從後返到,說我行得慢?我說老翁行路係咁慢喇.
回家3點鐘,老婆買有舊瘦肉26蚊,處理煲落湯,湯滾齊落麥記下午茶,今日兩包10蚊,加杯奶茶12.5蚊,細汽水5蚊

餐後街市買5蚊生菜返歸.
回家1635,老婆電腦,我手機,個仔回來就砌模型,個女夜上來,7點多老婆煮飯,
2036開飯有瘦肉合桃煲豆湯,冬菇蒸雞,蠔油生菜,5個人食.

錯眼花,睡來唔錯,老婆放假,大雨天,行過公園瀝源食大快活,買餸返,晚老婆煲粥炒烏冬5人食.

昨晚飯後上網,上上吓對眼突然眼花晒,簡直光到殘晒眼,螢光幕無辦法睇,其實都不是第一次,久不久就咁情況,見閉一輪都係一樣,就上床閉過?唉!後來都係叫老婆關電腦早點瞓,

一覺今晨0526醒去所,嘩!超大雨,倒水一樣.返床再瞓就7點半鐘醒,手機賴床,他媽的?昨日下載個app,啲廣告多到不得了?時不時就彈出來?討厭之極?谷鬼氣,更好app都係假,一於刪走你.

收音機塞耳,矇矓到8點多鐘,千禧年代,譚惠珠講港獨,港獨條友做出啲咁行為,背後一定唔簡單?一聽又9點鐘起來.

老婆放假已在早餐食麵,梳洗搞早餐食,餐後搞掂一切,0955量血壓127/68-53,老婆用咗部腦,為有手機上網.
去到12點鐘,想話吓眼睏?但又瞌不著,一於出街,老婆好不願下為關機出街.
其實都乜地方好去,都係踱去平時地方,城河公園,老喇，老婆行了老遠我還後便,老婆笑笑口行返轉頭.
一同來到坐開海濱第一公園,唉!風屎都無滴?老婆怕熱嗌著要走,要行商場喎,咁就無偈?沿瀝源橋過城市廣場.來到這個擺設場,適逢有櫈坐,泠氣下各自上網.

1417離開向瀝源方向,瀝源商場食大快活,老婆30我28餐,快活咭買減6蚊.

吃過坐夠行商場買兼買餸,759老細移民,又入去望吓,88折還是無嘢買,離開就順著回程,市廣場搭程車返歸,上車後傾盆大雨,到落車依然勁,同老婆分兩路,我拿餸先返歸,老婆街市買菜.
回家入門口之際,鄰居邱太叫住?原來傑仔送張月餅券過我,年年都有我心,真係多謝之至致,

回家5點鐘,老婆稍後返到,話三部聶得番一部,人多搭要撐樓梯喎?買來有黑豆奶7.5蚊,麥方包9.9蚊,冰雞肉10蚊,魚胶10蚊,烏冬12蚊同生菜3蚊.

回家老婆處理煲落粥,我就上網寫寫blog.8點鐘個女到,老婆炒烏冬
2040老婆粥妥烏冬熟,5個人食1夜返留粥共烏冬.

睡來唔錯,整日煲劇,食大家樂,老人癡呆?晚飯4人食.

昨晚飯後又煲劇延禧攻略,一煲又12點鐘才瞓,夜所一劑便瞓到6點半鐘醒,外便傾盆大雨,去個所便收音機塞耳瞓,7點鐘倫敦BCC矇矓下到8點多鐘醒,舊日足跡,幾條歌星講陳百強,一聽9點鐘.

起來梳洗搞早餐上網食,新抱蒲頭.
餐後0947量血壓134/75-53辦妥一切事務10點鐘,煲劇延禧攻略,真大鑊一煲煲不停,一集扣一集,連睇5集兩點半鐘才收手.
3點鐘老婆返,回來又著電腦遊戲,跟住個仔返到,還買有麥記餐食,老婆遊戲到4點鐘才下午茶,越食真的不知食乜好?老婆就27餐,我就29蚊餐,

吃過遇著個老街坊坐來,但從來未交談過?誰知一傾傾不停,大談邨內舊往事,跟住樓上呀四老公坐來隔鄰枱,還叫了餐在食?心諗明明剛才見佢同老婆下午茶,現在又來食過?唔通剛才所見係另一日?咁就大鑊老人癡呆?後來佢証實我無錯,嚇得我吖?
坐輪傾輪街市秤7蚊紅莧菜返歸.回家1710,個仔砌佢模型,老婆電腦,我看電視,7點鐘老婆煮飯,我就寫陣blog上上網,
2020老婆飯熟開飯,有糖醋骨喎?蒸滑雞,炒紅莧菜,飲番杯自浸茘枝酒,4個人食1夜返留飯餸.

睡來可以,無乜唔妥,煲劇,食大家樂食麥記食,晚飯4人食.

延禧攻略實在太好睇,昨晚飯後又煲劇,一煲又成12點鐘才瞓,夜瞓難眠,歌仔塞耳足粒鐘才叫瞓著,夜所一劑便瞓到今早0743醒,手機賴床0836起來.
無乜唔妥,睡來算OK,梳洗搞早餐上網食,相薄傳來去年今日,香港科學館,參觀永生傳說,

餐後搞掂一切0954量血壓136/72-54,又煲延禧攻略,一煲又12點幾鐘,關機休息.
瞌瞌電視眼睏到3點鐘老婆返,買了鯇一舊23蚊,老婆上陣網,唔催都唔下午茶.
下午茶食大家樂,老婆26我26,老婆又刼走我豆冰,老婆餐畢加料隔鄰麥記10蚊兩條粟米批.

吃過便手機樂,FB有條咁既怪片?又下載落來玩吓分享吓.

手機夠就街市買有節瓜三條8蚊,諗住園仔坐坐,誰知十四衣灰係咁吹來,唔走都唔得.
返歸17.05,個仔亦放工返到,老婆電腦我手機.新聞傳來非常慘消息,4歲女童被車撞C.令我想起N年我個仔5歲,在西頁路邊行緊,個仔突然無晴晴衝出馬路過對面,還好當時無車過,嚇得真係一額汗,細路又識乜吖?想跑就跑?
7點多要叫老婆才願去煮飯.2040開飯,有海浙咸豬片,蒸鯇魚,鹹蛋瘦肉滾節瓜,4個人食1夜返留湯飯餸.

相當好瞓,左膝痛,煲劇,換花灑,交居要費,大家樂+麥記,晚飯三人食.

昨晚如常上輪網11點半鐘都瞓,攤落床想起套延禧攻略,睇到緊張咁吊引,於是手機摷摷來睇,稍為睇吓,原來睇少咗好多?就係咁重睇,一睇成12點半鐘,都係咪攪?容乜易睇天光?瞓覺.

相當好瞓,一瞓就0648醒,去個所就瞓到今早0835醒,千禧年代,講登格熱,聽至9點起來.左膝依然痛,外便勁大雨?梳洗搞早餐上網食,搞掂辦大事,1103量血壓132/69-63.
百無聊賴煲劇延禧攻略,一煲1225他媽的卡住唔郁睇不得?谷鬼氣關機修浴室套花灑.
花灑頭用到背後穿0隆漏水,條上落棍用到留不住隻花灑頭?還好上次無端端買咗套,花灑頭要換,條棍要換,個座無謂鑽吼,換下唔換上,條軟喉還用得照舊,1308搞掂收工.

新抱蒲頭淥個麵食出街,我亦係時候交居要費,煤氣562元電費1517元搞掂又1413,搞掂繼續煲劇延禧攻略.
直至3點多鐘老婆返,關機帶埋本薄落商場,銀行打打薄,食大家樂老婆26三文冶餐,我就雙雞鎚米粉豆冰餐,同様26蚊,老婆又騎打劫我杯豆冰.
吃過坐夠轉場,麥記食雪糕,特價麥旋風10蚊.萬昌咁啱來電又傾幾句.

吃過坐夠無須買餸返歸.
回家4點多啲鐘,新抱回來,老婆電腦,我就瞌陣眼睏,5點多個仔放返,夜新抱出街,老婆上夠網,就等來接手,延禧攻略實在太好睇,又來煲劇.
一煲2010老婆煮落飯,我來煮兩個餸,咸蛋蒸節瓜,香煎咸豬手,隔夜雜菜湯.
2044開飯三個人食,飯後果火龍果.