睡好,踩轉馬鞍長廊,雙重麵包,外賣茶餐,第二次中醫,血壓有驚喜,晚飯3人食.

昨晚夜馬無賭,跑埋尾場11點鐘才瞓,牙痛飲水多,夜所兩大篤就今晨0553醒,還好捱多陣瞓返,8點鐘老婆起床我起床.

起來咳好得多,牙亦無痛,老婆處理煲雪梨蘋果湯同早餐,我梳洗後大杯水,番熱木耳漿上網食.0926我才早餐.

餐後10點鐘,無所事事,諗落都係踩轉單車運動吓,日日響企,再唔郁好易無,10點多啲鐘出門,1022起步,好大風車胎又無乜氣?踩得我CC,好彩有太陽,踩得太辛苦.都好驚心臟發?1052撐到孖橋息休.

實在太大風,吹到人都散,坐陣諗住回程,都係唔好,踩埋嗰些少,踩去馬鞍長廊1110.

坐下曬住太陽休息,wifi輪稍為郁吓伸展吓,坐夠郁夠1207回程.

一條氣1228來到瀝源邨,好運百佳買兩包8片裝麵包19.8蚊走人.離開沙田街市行個圈,諗住20蚊買斤瞓覺蝦仔,?誰知無散紙,都係唔買,1251離開走人.

返回單車場1259,返歸1310由於等陣再落街,我都唔沖涼住,上網寫寫blog.1445老婆返買有茶餐,老婆重慶酸辣粉35蚊,我就吉野家牛肉飯餐18蚊,其他有孖裝洗衣液46蚊,燒排骨26.7蚊,最大鑊佢又買8片裝9,9麵包兩包?唉!忘記話佢知?咁就重覆咗?無偈,為有兩包入雪炬.

餐後唔信斜,烚熱兩隻橙食,吃後都係有咳,但無凍橙咳得咁勁?

餐後1545落街再睇流動中醫,同上星期一樣,得我一個客,登記小姐唔同咗,佢話疫症期間下次只許一個人上來喎,好,這個明白,好快登記好就見醫師,同樣上星期位女醫師,問有無好啲?我話感覺似好啲囉?跟住睇舌左右手把脈,都係咁講肺腎氣虛,心血不足,畀夠兩星期藥過我喎,咁就走得,跟住出便兩位埋頭執藥,14日藥盛惠490元.

1552離開,就商場去惠康,買有蕃茄三隻10.9蚊,啤梨5隻10,9蚊,鯖魚11蚊,廁紙1條28蚊,街市菜芯5蚊同乾葱4蚊返歸.

回家1642嗱淋沖涼洗得就洗,5點鐘個仔放工返,老婆就用咗部無聲電腦,無聊我1739量血壓144.76-52,右手133/70-51,再量140/82-51右手137/74-51,簡直驚喜,好耐無試過咁低.

夜老婆煮飯3個人食.

食橙咳C,睡可,大門拖鞋架,老婆街街,茶淥麵食,第7劑中藥,晚飯5人食,夜有馬無賭.

昨晚見橙仔太多,要食減啲?於是乎攪拌器,打咗三隻食,又係幾甜幾易食,誰知11點幾瞓落床,咳得我CC,氣都喘埋,無偈為有吸口擴氣管藥瞓.

一覺0322醒去所,之後又瞓不返?捱咗輪還好瞓返,一瞓就今早0745醒,8點鐘老婆起床我起床.

起來還有咳,條氣依然有點扯?又吸口擴氣管藥,然後辦大事,老婆就搞煲湯過個B,老婆煲落個湯,我倆才早餐.

餐後老婆電腦,我就百無聊賴睇手機,1031量血壓159/75-57右手133/73-55,繼續就147/69-55右36/72-51.唉!唔識量?

1050老婆搞煲湯,就我來上上網,電腦壞無聲,不如揾啲嘢搞吓,就係大門個拖鞋架.

老婆街街未返,3點多鐘為有淥個麵加隻蛋食,餐後食我第七劑中藥.

1820老婆返買有麥餐食,其他有蘋果4個10.9蚊,雪梨5個12.9蚊,鹹蛋4隻10蚊同合桃30蚊.

1720個仔返,1915輪到個女到,夜馬開跑踱馬仔.都係唔識賭.

夜老婆煲落個湯,處理好菜料,又我來煮餸,有蕃茄煮肉片,鹹蛋蒸節瓜,佛手瓜紅蘿蔔煲粟米,4個人食,1留湯飯餸.

中秋節

中秋節快樂

失眠,有鼻水,腳腫消,小腿漲痛減,全屋人在家,三口子街街,外賣麥餐,個女上來,晚飯7個人食.

昨晚如常10點零都瞓,一覺0400醒,去個所周公又走咗LU?瞓不返捱輪,為有手機+歌仔賴,捱輪臨天光稍為瞓陣就0705醒,起來去所關冷開wifi,返床收音機倫敦時事一週,

起來

0800起來,有鼻水有噴嚏,腳腫消,小腿漲痛減,梳洗灌下大杯水上網,老婆才起床,

早餐

我才弄早餐,0915早餐以成,老婆咖啡我豆奶麥皮,有黑椒鹽烘薯塊及麵包條,煎雙蛋,同老婆兩份食.

BB蒲頭

小小童開工,幫手拿晾好衣服回房間,個B擦牙仔依然不就範,早餐就乖乖自己食,辦妥事務,嫲嫲電腦,我又縮入房半張床,電話同華仔吹水,個B又入來搞搞震,還好佢娘捉回出去,吹輪水又一個上午.

烚毛豆

煲集長安十二時辰,1245諗起昨日10蚊買咗三包毛豆,從未食此豆?又試煮吓,浸透洗淨比兩匙鹽,壓力煲連殼烚,烚15分鐘,豆超稔甜夠鹹味,但殼就不用諗,吃不得.

1355今次兩匙鹽,一舉烚晒佢,烚到煲響熄火算數,剝出來效果唔錯,鹹味都夠,留來今晚炒餸.

三口子街街

三口子12點多話出街,裝備到成1420才出得門,個B開大,還要嫲嫲幫手,清潔換片,而個仔都等到發脾氣.

老婆同個女買茶買餸.

1513同個女買茶買餸,,煲劇到1550老婆個女到,買來有麥餐大家食,餐後早點沖涼,以免晏些堆埋一齊?

沖完個涼繼續煲劇,長安十二時辰22集

三口子返

1835三口子返,就開始忙個沖涼,個B又要食飯,老婆就處理晚餐餸菜料,既然我哋食飯,個B來搞搞震,不如一起食,就無得搞搞震,一於係話.

晚飯

1749我來煮餸,料有免冶豬肉,南瓜,毛豆,同昨晚食剩啲豉油雞,

2027搞掂,有肉碎煮南瓜,肉碎炒毛豆,爆隔夜豉油雞,由於椅櫈有限,我就畢開一個人食,開飯連B六個人食,一留飯餸.

睡來麻麻,腳腫消炎藥,交電費1527,新抱湊B,食大家樂,行轉大圍,個B終於癃出,晚飯5人食.

昨晚10點零上床,臨瞓又啪粒消炎藥,要成12點鐘才瞓著,0238醒去所,腳腫見未痊癒,唉!又啪多粒消炎藥才返床瞓,之後就瞓不返?歌仔塞耳,一粒又一粒鐘才叫做瞓返,0600以經醒?新聞賴床,8點鐘起床.

起來無乜唔妥,腳腫稍消但痛一樣,

早餐麵包

梳洗灌下大杯水弄早餐,煎隻蛋夾麵包,0839搞掂,同老婆兩份食,

0893老婆蒲頭自沖咖啡食早餐,0913個B蒲頭,佢娘同佢擦牙同早餐,我就交居要費電費1527元,個B自由發揮食早餐,又食得幾好啵?

渾渾噩噩上午

辦妥事務,老婆電腦,腳腫又試吓搽冬青膏,新抱湊B,我又縮入房,半張床手機同瞌眼睏,個B間中就來上床搞搞震,係咁上上落落,我就睇吓B,渾渾噩噩一個上午.

1點多鐘,老婆煮好飯仔過B,佢娘睇B食,衰豬又畢得似模似樣?見新抱在家,我同老婆都出街鬆吓?裝備好帶埋枝拐杖,腳仔軟軟的篤落到街.

同老婆相量過,好耐無去過大圍,老婆話不如過大圍食漁米,但兩點還未夠?下午茶未開?不如就大家樂食啦.

大家樂午飯

1356來到大家樂,限聚令場面冷清,同老婆兩個人,食個章魚肉餅飯,

啱啱好飽飽,個常客怪婆婆,唔戴口罩,在後便係咁大大聲講嘢,同老婆食過都嗱淋走.

走轉大圍

1444過到大圍,趌跛的跟住老婆,大圍街市外圍行個圈,行到明星豉油雞特價,78蚊斬咗隻,

家品屋15蚊對人字拖,老婆一對我兩對.其他買有毛豆三包10蚊,糯米粟三支12蚊,龍眼兩磅20蚊返歸.

回家1704,個仔以放工回來,同老婆嗱淋沖涼,老婆處理買來菜料,我就寫我blog.

個B便秘

嫲嫲話個B成3日無便便,見佢不時係咁魯,神情有點緊張,事後以為佢有啦,誰知屁股又係白雪雪,成家人替佢擔心,來床玩時我都不時替她搓肚仔,佢娘又搓吓,嫲嫲建議塞甘油條,雪柜有盒,望吓說明書,6歲以上才適用,都諗住藥房買之際,好消到,個B努力下終於痾出第一嚿,跟住冇耐整多嚿,唉!正所謂唔食又憂心,唔出又憂心.

晚飯老婆煮

1949老婆叫開飯,有娃菜蝦米煮粉絲,外賣豉油雞隻,個B同枱5個人食,飯後果龍眼.

睡來可以,啪兩粒消炎,腳腫稍退,老婆早餐又麵,銀行攞錢,踩轉馬鞍濱,乙明買餸返,個女上來,晚飯6人食.

前日啪粒消炎藥,對腳似無咁腫漲,昨晚10點零又啪粒才瞓,夜所一劑便瞓今晨0530醒去所,見對腳咁難好,又啪多粒才返床瞓,0630醒收音機塞耳賴床,0800老婆起床我起床.

起來老婆洗晾摺疊,早餐又食麵?野起我把火,若係咁以後各有各,下午茶不用預我.洗個面灌下大杯水,食昨日份公司冶.入過雪柜點食好呢?三嚿嘢料又多,索性拆散落鑊兜兜.

0930新抱蒲頭趕返工,叫嫲嫲替B擦牙仔,0938嫲嫲叫醒B,搞掂牙仔,搞早餐過B食.1010佢娘返工.

辦妥事務,老婆電腦,個B又我來陪玩,1100點鐘嫲嫲氹住,我才量個血壓136/69-50,張咭未到銀根短缺?腳又腫漲欠運動,為有又啪粒消炎藥1127出門.

單車1145來到沙田廣場,又要攞錢,又要追張咭,接待員問要做邊樣先?唉!都係攞錢先,條龍話長唔長?因為企得梳梳,排咗20分鐘搞掂,然後詢問處問張咭,話7個工作天,但已經11日喎?無張咭好麻煩,又要嚟柜枱攞錢?我又問可否申請張etc,可以即搞,現在填表,7個工作天,返來這分行取喎?諗吓都係遲啲才搞?

離開1218踩單車,沿城河向馬鞍山方向.一條氣踩去馬鞍山海濱長廊,1248來到個吉亭,

電話揾啲友吹吓水,萬昌來電說老馬無事,打得通喎?於是撥去揾吓佢,原來手機撳錯制喎?撳咗個飛行模式,搞到幾日無電話用都唔知?

傾輪偈,又曬吓對腳,黃腫腳以經無咁腫?風涼水冷坐到1400才回程.

離開埋頭係咁踩,車重難踩,體力又差?踩到龍舟總會,有警察擺站派水,好好禮貌,宣傳安全踩單車運動喎?送我一支水.

多謝支水後繼續回程,1433來到乙明街市,支付寶掃一掃有3蚊雞,買有大大個貢梨4隻18蚊,豆奶6.5蚊,梅頭扒三塊18.9蚊,豆腐4蚊,麵包6隻18蚊,回來自己街市買斤遲菜8蚊返歸.

回家1548,嗱淋沖涼,由頭洗到腳,然後倒杯豆奶同老婆食麵包,食包期間新抱返,,餐後埋頭寫我今日blog.

1705個仔返,買有大家樂餐食,寫blog到1800唞唞,至電過華仔吹水,6點多鐘個女到,同華吹水間個B沖完涼又來搞搞震?

7點多本來唔煮,老婆煮到咁上吓,有點唔忍心,入去望吓佢?唉!豆腐煎到白雪雪?煎釀煎到水?唉!老婆你返入去涼氣冷啦?等我來重煮改良吓,三兩手勢,色香味返回來.

1959開飯,有炒遲菜,煎豆腐,煎釀三樣婆浸酒的蛋,5個人食1留飯餸.

飯後果貢梨,好甜.

失眠 老婆搞密碼,老馬失踪,整日在家煲劇,食大家樂,個女上來,晚飯6個人食.

腳腫腳痛好多日,昨晚忍不住啪粒消炎藥才瞓,上床以經11點鐘,一覺0300醒去所,外便傾盆大雨,關窗後就瞓不返,法寶盡出,還好臨天光瞌番著,0620醒,新聞下0800老婆起床我起床.

起來無不妥,腳腫痛好多,消炎藥了得,老婆梳洗後沖下咖啡,輪到我搞,梳洗後搞早餐,烚下大堆蕃薯,灌下大杯水上網.0930個B蒲頭,我同老婆早餐才搞掂.

個B還是嫲嫲攬擦牙仔,嫲嫲餵早餐,佢娘趕返工,辦妥事務1010佢娘返工,餐後蕃薯去皮,切塊入雪柜做早餐,個衰B擒上椅,似模似樣,響度打電腦?

老婆電腦,搞密碼?諗住幫老婆手,個B就緾過不停,係都要撳埋一份,唉!拉都拉不住,老婆又論盡搞來搞,好彩都成功解決.

個B搞到我頭都暈,連量血壓都高到152/75-56?太累唔夠瞓,瞌陣眼睏1229再量,才125/66-51.

老婆煮飯過B,我才來上上網,還好個B沒來煩,1300個B開飯,嫲嫲餵,好快就飽飽,覺覺豬.

1328萬昌來電,說電話找老馬,找咗三日,個電話都唔通?於是我打去,好幾次一樣唔通?但whatsapp就在上線,於是用whatsapp打去?電話係通,但無人接?留字句有人睇,但無回覆,似乎不是老馬作風?於是至電佢大仔,但無人接,為有留口訊,見咁情況又whatsapp去大頭文,叫佢通知佢第二仔,又係一樣無人接,唉!要做都做晒?希望佢無事啦.

個B瞓咗我就煲劇長安十二時辰,老婆等個女電話,等到1505才出得門?

煲劇到1550老婆同個女返,買有大家樂茶餐,用現金券買三個餐個女41餐,老婆30餐,我就32蚊,送雞翼兩隻同咖哩角一隻,無胃口食咗嚿就無食.

菜料買有冬瓜7蚊,蒜頭7蚊,干葱7蚊,薑7蚊,薏米5蚊,檸檬12蚊,鯖魚11蚊,雪排骨22蚊同嚿瘦肉20蚊.

老婆返個B就瞓醒,見到姑媽到,多個陪玩員到,我就繼續煲劇,1705個仔返,買麥餐食.

煲輪劇6點多鐘,看電視瞌眼瞓,老婆處理今晚餐飯,飯熟老婆餵B食飯.

2007老婆叫開飯,新抱剛好返到,齊齊開飯5個人食,一留湯飯餸.

睡來還可,腳稍消,新抱放假,食大家樂買現金券,整日在家煲劇,個女突然上來食,晚飯6人食.

昨晚早食早瞓,9點零都上床瞓,瞓前有點牙痛,飲多杯水沖杯以羅才瞓,夜所頻頻,瞓到0504醒,外便好大雨,瞓就係咁多?樣樣出齊都無辦法?到0630新聞賴床,0815起床.

起來無乜唔妥,腳腫稍退,梳洗灌下大杯水,搞早餐,

0845老婆蒲頭,晏起床都知新抱放假,老婆起來我就勸句,以前你運動行樓梯?再行樓梯喇?老婆話口罩運動唔制?佢又話有分數?唉!你諗你.0930早餐搞掂,老婆咖啡我豆奶麥皮.

0943新抱同B蒲頭,擦牙仔都OK,佢娘放假搞早餐過B,個B自己食.辦妥事務1135量血壓121/57-57,老婆電腦,佢娘湊B,我就縮入房半張床瞌眼瞓,個B就不時擒上來搞搞震.

1215老婆煮飯過B食,我才來上上網,百無聊賴還是煲劇,長安十二時辰.

個B食飽飽,佢娘氹咗去瞓,兩點多老婆買餸買茶,都唔知食乜好?諗起今日睇廣告,大家樂現金券有著數,於是叫老婆留意吓.1440輪到新抱出街.

3點鐘老婆返,買有大家樂餐同300現金券,老婆32餐,我就實際飯餐26蚊,買菜買有紅莧菜6.8蚊齋鹵味20蚊.

26蚊個餐餸又多,飯又大碗,成兩碗飯有多,食唔晒留起起半.

1645個仔倆公婆返,買咗好多個B有機食料,

我就手機搞緊啲緊要嘢,個B又來搞搞震,還好嫲嫲來抱走,搞掂想話睇吓新聞,新抱教女又播歌又講解?大大聲,唉!想認真睇吓新聞都唔得?

7點多老婆處理好菜料煮落飯,個女來電又話上緊來食飯?個老母話無煮你倆飯啵?個女話你無睇whatsapp咩?咁就無偈?為有臨時加煮?老婆為有叫我用瓦罉煮,唉!是但啦.

煮得飯不如煮埋啲餸,料有紅莧菜,蕃茄,外賣齋鹵味,豬梅頭扒,新抱買的25蚊鮮竹卷,同加米瓦罉飯,1945開火,

2035開飯,有加飯一煲,我下午茶食剩半碗豬扒鹵水蛋飯,外賣齋鹵味,新抱買25蚊鮮竹卷,蕃茄煮肉片,紅莧滾瘦肉,5個人食1留湯飯餸.

周公甩底,腳稍消,整日在家,老婆買餸,晚飯老婆煮4人食

昨晚飯後出埋篇blog,盲公保聾耳陳都瞓,9點鐘上床周公失約,足知未瞓過,瞓不到夜所頻頻,漫漫長夜,難得才到0600,收音機下0730關冷氣,0800老婆起床我起床.

起來無不妥,腳腫又消啲,老婆梳洗又問早餐,我話包你有驚喜,老婆搞掂我來梳洗,灌下大杯水搞早餐.0912搞掂,早餐有豆奶,蕃薯粒,雞蛋兩隻,薯仔4粒,蕃薯一條仔,開罐茄汁焗豆.

0930個B蒲頭,擦牙還嫲嫲攬住,嫲嫲餵早餐,佢娘趕返工.

1015佢娘返工,辦妥事務,老婆電腦,我陪玩員開工,1128嫲嫲脅助下量血壓121/64-56,個B手指指要食餅,為有搣啲搣啲氹住食,每次要檢查佢口仔,無喇才第二口,食夠自己玩,

成晚無瞓過,我就鼠去床瞓,衰豬玩夠又來纒我,床太高上不到,呱呱嘈,嫲嫲忍不住才來抱走.瞌至1點多鐘,出來看新聞,個B開飯嫲嫲餵,衰豬見我出來,又要我餵,要連碗拿埋才算數?餵佢幾啖又扭自己食,嫲嫲怕一地都係?唔畀,嬲起來重手佢手仔,喊得淒厲,大概飽飽,嫲嫲抱著好快就瞓咗LU.

1424老婆食蕃薯,我就翻熱昨日半碗豬扒飯食,又清雪柜湯圓.同老婆食.

餐後1511老婆買餸,個B瞓醒在床仔玩,玩咗好耐才入去睇吓佢,終歸都係要出來,1547老婆返,買有娃菜兩包15蚊,豆腐6.5蚊,麥方包10.3蚊,腐乳9蚊,蕃茄6蚊同薯仔5蚊.

搞掂買來的,睇住個B眼定定,成個開大咁款?嫲嫲為有同佢早點沖涼,我就繼續煲劇,長安十一時辰,

煲咗集咁多,個B又來搞搞震,滑鼠鍵盤係咁撳,唉!無得上關機烋息.

5點鐘佢老豆返,廁所王座底一粒鐘,昨晚無瞓過,以為攤床瞌吓,衰豬又來床高上不到,就拉手拉腳係咁呱呱叫叫?無得瞓睇晚間新聞,

1931老婆叫開飯三個人食一留飯餸,老婆今餐又煮得幾好.

飯後又食個橙,又酸到入不到口,夾硬梗半個,又交過老婆.

睡來算好,腳腫,整日在家,個仔假,外賣大家樂,個女上來,晚飯老婆煮6個人食.

前晚無瞓過,昨晚英超直播都咪搞,10點零都瞓,湯水多夜所頻頻,一瞓今晨0605醒,周公走無回頭,手機賴床,一賴0800老婆起床我起床.

睡來可以,有點傷風?鼻塞塞有噴嚏?天氣涼咗,拜老婆頻頻吹風扇,老婆起來家務,洗晾摺疊早餐咖啡+烏冬.我就大杯水,木耳漿,上網,早餐.

0932個B蒲頭,還是嫲嫲攬攬擦一牙仔,嫲嫲餵B早餐,佢娘就趕返工.上陣網辦完件不肖事,老婆電腦,我都縮入房半張床手機.

1015佢娘返工,個B不時來搞搞震,還好尚算聽話,叫住唔好,佢都無夾硬來?同華仔吹輪水,攤唞吓又一個上午.

嫲嫲煮飯個B食,食飽後就嫲嫲雙手都瞓,1400老婆買茶兼買餸,又要拍醒放假個仔,問食乜?又要同聯絡個女過來又食乜?兩點多終於出門.

1455老婆返,買有大家樂4茶餐,合共135蚊,菜料有菠菜9蚊,薯仔個3蚊,牛丸6蚊同條豬展72蚊,個女未到,個仔未起床,我同老婆開餐,老婆炒麵餐27我就鹵蛋豬扒肉鬆餐26蚊.

個仔瞓醒開餐,1534個女到開餐,個B同時都瞓醒,我就繼續煲劇長安十二時辰,

煲咗集我都關機早點沖涼,老婆搞煮飯,無所事事,個女佔咗間房瞓覺,唉!都唔知匿去邊處好,為有在廳睇電視,

B飯煮熟嫲嫲餵,想話幫老婆煮餸,老婆又話唔駛?老婆搞掂個B餐飯,就繼續廚房煮埋餐餸.

1950開飯,個女要叫起身,個B就搞搞震,個仔一路出菜,一路發忟憎,終於埋位食飯,新抱就剛好返到,又話留喎?有蒸雞,薯絲煎蛋,菠菜滾牛丸,4個人食兩留湯飯餸.