8月31日(四)睡可,精神差,新抱有事做,個B我倆睇,樓下踩單車,茶麥記,惠康,晚飯4人食.

2023/08/31   星期四   雨   29C

昨晚11點幾鐘瞓,夜所三劑,瞓到6點多鐘醒,手機賴床,8點半起床.

餐後個B蒲頭,精神唔好我,辦埋件事,都入房攤床瞌吓,結果係瞓唔著?就咁閉目到12點幾鐘起來,無所事事睇電視.

1242新抱拉埋新買四方車仔出門,過石門格仔鋪,個B就留低我倆睇,1310老婆開餐.

差不多到兩點鐘,老婆還未搞掂?個B急不及待要出街玩,問個B踩滑板車好不好?衰B係都要踩單車?單車放得太耐呔無晒氣?又要幫佢打氣,搞掂才得出門,落到樓下球場仔1403.

球場仔踩輪又玩滑梯,衰豬都聽話,滑梯污漕唔好滑?又聽話啵?玩咗半粒鐘就拿埋部單車先返歸.

回家老婆搞掂一切,就齊齊落商場,衰B係都要食麥記,衰B要個32蚊麥樂雞兒童餐,我就要個19蚊魚柳包餐,衰豬食晒佢個兒童餐,還食埋我個魚柳包,食剩三份一才比番我?

吃過坐夠上惠康,28級梯無問題,惠康麵包差不多無晒,菜又係差不多無晒,菜所剩無幾,老婆買有露筍兩包14蚊,羽衣甘籃兩28蚊,麵包11.5蚊,同兩包鯖魚30蚊,咁就113.5蚊走人.

回家1620,無食過嘢我,就麥芽糖夾餅乾,衰豬又要食?吃過兩塊我又沖半包補藥食,電視就好緊張,開晒記者招待會,話個風會打到正,今晚一點鐘會掛8號風球喎?

1710個仔返,買有麥餐食,我都早點沖涼,1740輪到新抱返,話街市好緊張,要走到沙角邨街市買菜喎?1927老婆開餐.

我才入房平板上網寫寫blog.

2051新抱叫開飯4個人食.

8月30日(三)睡可,老婆大圍買魚,新抱B馬鞍山玩水,茶大家樂,惠康,街市,藍月亮,晚飯4人食.

2023/08/30   星期三   雨   29C

昨晚11點幾鐘瞓,夜所兩劑,瞓到6點多鐘醒,收音機下捱輪,手機賴床,新抱FB上載,昨日個B最後衝刺迪士尼,

8點半鐘起床,老婆已蒲頭烚水,我就攤唞一輪才埋位搞早餐,餐前量血壓,0919早餐,新抱B蒲頭,衰豬又乖啵?主動叫早晨,跟住又揾嫲嫲叫早晨.

餐後1000老婆又過大圍買魚喎?佢出門我就辦事務,精神唔好?辦埋件事我又嚐試去床瞓吓,結果都係瞓唔著?

1100老婆大圍返,買有88蚊魚,36蚊瘦肉喎?話行路去搭車返喎?新抱同個B就在早餐,餐後母女就穿晒泳衣,話約咗同學仔去馬鞍山玩水喎?

1220新抱B出門,1301就老婆開餐.

百無聊賴我睇電視,到兩點多鐘,FB傳來個B玩水照?原來係天面玩水遊樂場?

本來諗住同老婆過市廣場行吓,老婆搞吓又成兩點幾鐘?都係樓下商場食大家樂算.

3點鐘去到,稍等就枱,我就27蚊食個包餐,老婆依然7蚊熱檸水,吃過坐夠上惠康,28級梯無問題,惠康買有泰國大蛋3排56.7蚊,麥精奶兩盒21.5蚊,香蕉8.4蚊走人,街市老婆買有薑11蚊同京怱10蚊返歸,回家1623,幾天都無飲補藥,又沖番半劑飲.

 藥後早點沖涼,跟住個仔返,我都入房寫寫blog,1822母女返,買咗部4個轆4方可坐既車仔返,話購物加99蚊買喎?回來佢三口子忙到夠.

1930老婆開餐.

2023剛好藍月亮頭頂,又拍幾張玩吓.

2042開飯4個人食.

8月28日(一)睡可,個仔假,三口子街,游水600,茶大家樂, 惠康,街市,夜個仔倆街,個B我倆睇,晚煮同B食.

2023/08/28   星期一   晴   30C

昨晚成12點鐘瞓,夜瞓難睡,遲遲入睡,夜所一劑,3點半鐘關冷氣,再瞓6點多鐘醒所,手機賴床,0845起床.

起來如常烚水搞早餐,老婆蒲頭,0951早餐,餐前量血壓,151/73-53,個仔放假,三口子蒲頭,個B扮靚又公主裝一度?

餐後辦埋件事,1050三口子出街,無所事事精,神唔好我?就梳化瞌吓眼瞓?瞌極唔著又12點幾鐘?心在諗去不去游水?到1點鐘?都係去.

1311單車出發,1321到泳池,更衣室搞掂上池,天陰泳客唔多,稍熱身1340下水,200m200m的游,1427夠數起水走人,更衣室搞掂,1441離開,1503返回單車場,call老婆食大家樂.

晏來大家樂大把吉枱,稍等老婆到,我就39蚊要個乜乜伊麪餐,老婆依舊7蚊熱檸水,吃過坐夠上惠康,28級梯撐來可以,老婆買有盒牛肉39蚊走人,街市買條勝瓜9蚊走人.

回家1651,攰攰哋攤梳化唞唞,1715三口子返,新抱嗱淋幫個B沖涼,涼後倆個又準備出街,個B就留低我同老婆睇,1840個仔兩出門.

1922老婆開餐.

老婆開餐,1923就輪到我來煮,料就老婆搞,有西芹,雞柳同隻芒果.

1952搞掂,瓦罉飯一煲,雞柳芒果炒西芹,隔夜湯一碗,同個B兩人食.

餐後食埋隻芒果,貪得意,整隻芒果讓個B感受吓,哈!食過幾啖不願放手,最後還是放手遞回過來.

2157個仔倆返.

8月27日(日)睡好,精神差,新抱B教會,老婆大圍買魚,新抱B游水,茶大家樂,惠康,街市,晚飯4人食.

2023/08/27   星期日   晴   30C

昨間12點零瞓,夜所3劑,3點鐘關冷氣,再瞓今晨6點半鐘醒,收音機下賴輪手機賴,9點鐘才起床.

餐後辦埋件事,1045新抱B出門教會,跟住老婆又話過大圍買魚?頭昏昏我無無聊,走去瞌陣?但瞌極唔著?為有平板youtube.

1156老婆返,話車去車返喎?買有95蚊魚,有黃腳𩶘同木棉魚,木瓜個14蚊,眉豆10蚊,雞腳29蚊同豬展46蚊,1256老婆開餐.

百無聊賴響企,1430母女返,回來就嗱淋換游水嘢,1455就出門去游水.

新抱B出門後,我同老婆落街下午茶,到大家樂成3點鐘?依然咁多人?老婆就猛催叫食麥記?唔制下稍等,就有枱,坐下冇耐就大把枱任揀?我就37蚊食個鴛鴦飯餐,老婆依舊7蚊熱檸水.

吃過坐夠上惠康,28級梯撐來可以,惠康無嘢好買,齋11.5買磅麥方包走人,街市買18蚊三樣菜返歸.

回家1650,個仔已回來,在淥即食麵食,老婆就著手搞煲木瓜雞腳湯,我就沖我半包補藥.

藥後手機上網,1800沖涼,涼後新抱B返,我都入房平板上網寫寫blog.寫輪都係要上床攤陣,瞓咗陣果然精神多,2112叫開飯4個人食.

8月26日(六)夜瞓早醒,少有無夜所,昨日一行有點累,落好大的雨,個B英文班,茶大家樂,晚飯4食人.

2023/08/26   星期六   晴

昨日行鴨寮街烏龍返,由1338行到1815返,行到腳都跛,以經極限?

夜出埋編blog成1點鐘才瞓,一覺今晨0625醒才去個所,所後收音機下矇矓半瞓瞓,到8點鐘手機賴床,9點鐘老婆叫才起床.

起來頭昏昏,腳攰攰,如常烚水搞早餐,個B亦蒲頭,乜都唔做?出來又續睇手機?

搞早餐期間,窗外突然倒水一樣?樓下個鐵蓬就呯呯聲?搞邊科?還以為樓上放水喉?睇真啲原來落好大的雨?好大好大嗱淋要關窗,曬晾間還要上埋板才掂.

1013早餐搞掂,餐前量血壓,133/72-54.

個B今日石門上英文班,早餐後都準備出門.

新抱B出門後,我都入房攤床瞌吓,瞌唔著都飬吓神.

1304老婆開餐,平板搞輪相薄,成3點幾同老婆去下午茶,來到大家樂又靜又乾淨,又幾正喎?我就食個燒鴨瀨餐,老婆依然熱檸水,合共38蚊,吃過坐夠街市買餸,老婆齋買𩶘魚40蚊返歸.

返回屋企樓遇著新抱B返,新抱街市買餸,我倆就同個B先返歸.

回家1636,襯新抱買緊餸,又開個芒果同個B分享,吃後佢老豆返,還買有麥餐食,1654我就沖下半包中藥,早點沖涼後才飲.

藥後我都入房平板寫寫blog,

2021開飯4個人食.

8月24日(五)睡好,行轉深水涉,茶麥記,買份芒果,烏龍百出回程,食芒果,晚飯4人食.

2023/08/24   星期五   雨/晴   31C

昨晚11點零瞓,夜所兩劑,就瞓到今早7點半鐘醒,賴床8點半起床.

起來如常烚水搞早餐,餐前量血壓,0936早餐老婆才蒲頭.

餐後辦埋件事,無所事事,我又走入房床攤吓,攤極唔著,個B響房手機到1110才蒲頭洗面早餐.

攤極唔著我,為有起來睇youtube,睇輪1點多鐘,見老婆似乎得閒?於是出街行吓,疫情已來除回鄉幾日外,都無離過沙田,於是同老婆離開沙田行吓.

1338出到巴士站,就見到部86A車,於是就出鴨寮街行吓,上到車老婆才說中午餐無食?齋烚咗兩隻蛋食喎?

1404出到深水埗下車,由南昌街落,邊行邊睇,好多店鋪都唔同晒,好多轉晒賣家庭雜貨?1443落到鴨寮街,乜都唔識?我都唔知睇乜?

行到北河街見麥當奴,老婆乜都唔食得?齋食得麥記個粟米,無偈,咁就上二樓,老婆20蚊粟米,我就28蚊個豬柳蛋漢堡餐,麥記鬼咁好冷氣,同老婆食過坐夠都走.

離開繼續鴨寮街,一直行到盡頭西九龍中心,諗住搭回部86A返歸?幾年無離開過沙田,記得一係九江街有站?一係茘枝角道有站?老婆又話九江街遠?咁就企響街度Go Go Map,有無其他車走?手機螢幕細,摷來摷去,唉!嘥氣,於是同老婆走返轉頭,行去茘枝角道搭.

行兩行見有芒果賣,廿蚊份4個鬼咁靚?衰豬食一次,鬼咁想食?於是整番份,好在買咗睇吓?有隻爛,立即換過隻,才一路行去茘枝角道,

唉!一直行到南昌街,都無見有站?響南昌街休憩處,又手機摷輪?老婆淆淆聲,叫搭地鐵啦,唉!是但啦.

又行回北河街穿上,麥記邊搭地鐵,N年無搭過地鐵?邊個站轉才返沙田都忘記?又剛啱放工時間?多人到乜?去到太子站又好似旺角轉?終於去咗旺角站.

記得唔知上一層,定下一層?就轉去九龍塘,再火車返沙田?見無得落就上層啦?誰知出閘就係街外?記得上次回鄉搭火車,旺角站下車,直落就搭旅巴回鄉?

於是係咁睇指示牌?都唔見有轉沙田?後來老婆詢問處問,才懂搭回觀塘線.

在車時才醒起?唉!旺角站同旺角東站係唔啦更?真係老人黐呆?去到東鐵上火車,又大懵到?還以為要沙田站下車轉大圍?唉!九龍塘下個站嘛大圍囉,唉!人都癲?

回家1817,三口子已在家,衰豬沖涼,衰豬浴盆浸浴,唉!長途拔涉回來,梗係要去所啦?終於等到佢玩完水,才有廁所用,嗱淋所.

衰豬沖完涼襯佢娘煮緊飯,就氹佢食芒果?衰豬點晒頭說好,咁就切個同佢分享,衰豬食得好滋味.

吃過芒果1923,諗住寫寫blog,誰知萬頭打電話來吹水,吹完水又走咗去睇電視.

跟住2037新抱又話開飯?4個人食.

飯後乜都無做,全力寫blog,一寫0015才收工.

8月24日(四)睡可,整日在家,投訴冷氣機滴水,茶大家樂,惠康廁紙,個B麥芽糖,晚飯4人食.

2023/08/24   星期四   雨   29C

昨晚出埋編blog又成12點鐘瞓?夜所兩劑,3點鐘關冷氣,再瞓就7點半醒,手機賴床,0815起床.

起來無須烚水齋搞早餐,量過血壓0903早餐,老婆蒲頭.

餐後辦埋件事,無所事事,我又走入房床瞌吓,瞌咗陣醒,諗吓日日響屋百無聊賴?又想出鴨撩街行吓,又好想睇吓電腦嘢?但又唔識?行就得個睇字?

12點幾鐘起來,窗口望吓?掉,樓上冷氣機又滴水?滴到噓噓聲?須然無直接撇入屋,不過大風點滴中窗頂就彈入屋?忍咗好一陣依然滴,谷鬼氣1345至電房署投訴,嗰然有做嘢?睇住個保安樓下經過?冇耐就打電來,話知道邊層冷氣機漏,不過敲門唔應喎?話通知主任跟進喎?

兩點多鐘新抱B出街,我就響企睇電視到兩點幾鐘,老婆搞掂一切,又齊齊落街行吓,還是商場食大家樂,叫做有枱,冷氣就差啲?我就咖哩魚蛋豬皮碗仔翅,老婆依舊熱檸水合共43蚊.

吃過坐夠上惠康,28級梯撐來OK,惠康見廁紙平,52蚊執兩條廁紙走人,老婆街市買20蚊四樣菜返歸.

回家1609例牌早點沖涼,老婆就處理佢晚餐,沖完涼C蛇爛蟮攤響梳化唔願郁,直至母女返,新抱回來就掉低個女,話就落街買餸,衰豬回來鬼咁活躍,見佢娘不在就問佢食唔食麥芽糖餅乾,衰豬點晒頭,於是乎整啲過佢食.

吃後佢娘買餸返,跟住佢老豆亦返到,我仲係唔願郁,響梳化瞌著眼,老婆連晚餐都食過,我成8點鐘才入房平板寫寫blog.

2045開飯4個人食,我還是裝開食.

8月23日(三)夜瞓早醒,老婆大圍買魚,游水600m,茶大家樂,惠康,晚飯新抱外賣4個人食.

2023/08/23   星期三   晴   31C

昨晚睡前youtube,睇咗佢鄧記塵,睇完佢又睇咗佢譚倩紅,一睇成12點幾鐘才瞓,譚倩紅犀利?91歲重係咁精神,又咁好記性,好嘢.

夜所兩劑,3點40關冷氣,再瞓就6點鐘醒,手機賴床,0845起床,如常烚水搞早餐.

餐後辦埋件事,新抱B蒲頭,新抱就急急出門,買早餐喎?1045老婆又話過大圍買魚買餸,1139老婆返買有椰菜個6蚊,豬展55蚊同黃花魚兩條,立魚兩條90蚊,老婆回來就搞佢餐晏.

跟住1145新抱返,買有外賣早餐同攞了件淘寶件返.

瞓唔好我,我都入房攤床瞌番陣,瞌醒12點多鐘,個心在鬥爭?唔去游水好呢?望吓出便?陽光普照?1249老婆開餐.

到1點鐘諗落,都係去游水,一於游得就游,單車場1314起步,1325到泳池,更衣搞掂一切,池面熱身,泳客唔多,超好太陽,1332下水,200m唞陣又200m的游,湊夠600m,1429起水走人,1453離開泳池,1505返回單車場,至電老婆食大家樂.

大家樂稍等老婆到,我就28蚊食個炸髀餐,老婆依舊7蚊熱檸水,吃過坐夠上惠康,28級梯無問題,惠康一掃106.6蚊,買有泰國大蛋兩排40.5蚊,哈蜜瓜個22蚊,蛋黃醬22.5蚊,果占21.6蚊同罐吞拿魚13.5蚊返歸.

回家1720,跟個仔放工返到,我就剛才大家樂隻炸髀唔夠飽,於是麥芽糖夾餅乾食,食夠諗住處理啲游水嘢?誰知大鑊?游水嘢在那裡?諗起好可能大家樂,於是乎落大家樂找?1808到大家樂,原封不動,才拿回返歸.

回家搞掂啲嘢,早點沖涼睇新聞,睇完1900以為上網寫寫blog?誰知華仔來電?問Google相薄嘢?講解一大輪,我又走咗去睇電視,睇咗輪電視,寫不到一陣2121新抱又話開飯,買有外賣兩餸飯,4個人食,我還是裝開食.

飯後果,開咗個22蚊既哈蜜瓜,夠大夠甜,個B食到舐舐嘴.

8月22日(二)睡好,有夢,新抱有事做,倆老婆睇B,茶麥餐,個B帶路運動場,晚飯4人食.

2023/08/22   星期二   晴   30C

昨晚如常11點零瞓,夜所三劑,一瞓就今早8點幾鐘醒,手機陣9點鐘起床,睡來唔錯,可惜都係有夢?依然有點頭昏?

起來洗面,棚假牙漬無晒,昨晚粒保麗淨果然駛得,如常烚水搞早餐,餐前血壓124/7750,老婆蒲頭.

餐後辦埋件事,頭昏昏我都入房床瞌吓?但瞌極唔著?1110新抱B才蒲頭.

1306老婆婆開餐,

1318新抱有事做,拉埋車仔過石門,個B就留低我倆老睇?

個B我倆老睇?唔通成匿響企咩?等到兩點幾鐘?見老婆還未出得門,我都唔等拖住個都出街?誰知一開門就清潔洗緊走廊?

等到成3點鐘才出得門,落到大家樂無枱?焗住食麥當奴62蚊,個B例牌兒童餐,玩具揀咗本書.

吃過坐夠個B話要揾惠康四眼姐,誰知上梯期間呀姐以經在後便?呀姐買外賣返惠康食,兩個就聊到返惠康,呀姐開餐,我們行陣無嘢買都走.

離開返落街市,老婆買我同個B揾櫈坐,誰知高朋滿座?索性同個B走去外便球場仔坐,球場有設施玩,就由得個B玩,到嫲嫲買完菜出來,嫲嫲一到又叫返歸?

唉!好日唔同個B一齊,唔係咁嘛?諗起新運動場有設施?於是問個B識唔識去?衰豬真係叻,竟然拖住我手帶我倆去.

知頭知路帶到我倆去到,來到這裡playgound,好可惜要穿襪才玩得?個B無穿襪無得玩,無得玩坐陣都走,離開個B又拖我手去運動單車,還話我知係手機义電單車?又幾醒?

離開係咁易行陣都走,離開運動場1645,返回自己屋邨,又見有設施,又放個B去玩陣,衰豬玩輪1700才走,衰豬有度好,好聽話,永無賴住唔肯走.

回家1705,個仔已回來,入屋才發覺兒童餐本書唔見咗?老婆買來蕃茄6個14蚊.

回來我都累到C,嗱淋沖涼,涼後入房上網寫寫blog,1815新抱返,回來就忙佢的.

2102開飯4個人食.