金寶湯6913: 9月 2023

2023年9月30日星期六

9月29日(五)八月十五,中秋節,睡好,整日在家,一瞓兩覺,茶大家樂,晚齊開餐,夜各有各花燈.

2023/09/29 星期五晴 30C 八月十五中秋節

昨晚11點零瞓,3點多關冷氣,夜所兩劑,瞓到今早7點多鐘醒,睡好多夢,賴床9點鐘起來,如常搞早餐,1007早餐.

期間新抱老婆陸續蒲頭,餐後辦埋件事,精神唔好又走去攤床瞓,一瞓又一個上午.1259老婆開餐.

我攤嚮梳化還是烏眉瞌睡,又走去床瞓過,去到3點鐘才同老婆下午茶,無胃口27蚊食個西多餐,老婆依然7蚊熱檸水,餐後街市買菜,買有三份菜20蚊同花甲20蚊返歸.

回家1615,老婆問今晚出唔出去襯熱閙,舊年無去,都唔知幾多年無去咼?等夜點再算?新抱大B就有節目,約咗同學仔女們一切渡中秋,新抱早點煮飯,連嫲嫲都要褪遲煮,結果2007齊開餐,老婆有老婆食,我們4個人食.

餐後去2100,諗住新抱B們出門後,我同老婆才出,唉!等到2115個B穿到靚靚還在等?成9點幾鐘還未行得,我都想放棄,2120同老婆都係行先.

邨口搭程巴士過市中心,過到市廣場2141,行到中央公園花燈入口,好多人望吓個天,雲層厚,個月時現時不現.就開始我同老婆花燈之旅.

粗略行完花燈2250,返歸行同搭車都差不多遠,決定同老婆踱回家,行吓拍吓坐吓,2308終於行出中央公園.

2312行至城河車路獅子橋,有人話小心有蛇,街燈暗淡吓,條蛇唔郁真係睇佢唔見?細心吓條蛇直徑有成寸粗,成兩尺幾長?話我知個人話差點踩到佢喎?睇後繼續返歸.

回家2330我都疲憊不堪,嗱淋沖涼,涼後0015應應節,劏個月餅食,

剛好新抱B返到.話班小朋友去咗乙明嗰公園玩喎,我就搞吓手機照成2點鐘才瞓.

2023年9月27日星期三

9月27日(三)睡可,精神好點,游水500,茶大家樂,週三惠康,晚飯4人食.

2023/09/27 星期三晴 30C

昨晚姿整下成1點鐘才瞓,夜所三劑,3點幾關冷氣,瞓至7點半醒,賴床到8點鐘起床,跟住個B蒲頭早餐趕返學,0845新抱B出門返學,0910我都早餐.

餐後辦埋件事,諗住攤床瞌吓?誰知瞌極唔著?瞌唔著1148華仔來電吹水,一吹12點半鐘,新抱B放學返,個B有我心,請我飲益力多,係都堅持要我飲?好啦飲,飲後見無瞓到都咁精神,一於去游水.

1305車場攞車,他媽的?坐位兩個膠袋都偷?好彩都收埋有,過到泳池1318,池面熱身,泳客都頗多吓?1332下水,100m的游,湊夠500m,1412起水走人,離開泳池1433,返回單車場1449,call老婆食大家樂.

1455到大家樂,在等期間,見隔鄰枱兩公婆,係同我一座住,不過唔熟無打照乎,見個女的靜雞雞出去,外賣枱度拿了一手外賣膠义匙紙巾,回來放入手袋?這時老婆到,老婆大概唔喜歡坐位置,叫換過另張枱,就食個32蚊豬扒脆包餐,老婆依然7蚊熱檸水.

吃餐其間,老婆同我講個女人又外賣枱攞餐具?跟住聽見大家樂職員講,我行開佢就埋來攞?個女經理話收番佢一蚊包,唉!個女人以為神不知鬼不覺?後來我同老婆走,大家樂都無篤爆佢,不過下次來人家就標籤咗你,賊。

離開週三上惠康,惠一掃有橄欖油89.1蚊,香蕉10.1蚊,虎蝦兩盒面85.5蚊,無花果一盒,10隻55蚊,廁紙兩條件1蚊走人,回家1626,老婆又話忘記買蛋,又返惠康買過,1703回來兩排泰國大蛋37.8蚊.

沖完個涼1730母女返,衰豬又請我食蛋撻,佢娘講衰豬叫佢唔好食,係畀爺爺喎?

蛋撻未食個仔都返,買有麥餐食,今晚夜馬,我都係時候入房,早點寫寫blog.

一寫7點鬆啲鐘,馬以經第二場?睇吓戲碼,小貓兩三隻?嘥氣.

2100開飯4個人食,飯後果無花果.

2023年9月23日星期六

9月23日(六)睡好尿頻,瞓咗覺,游水500,與B麥餐,鐵+C,晚飯4人食,鐵+C.

2023/09/23 星期六晴 30C

昨晚11點幾鐘瞓,夜所頻頻,但瞓無問題?0630醒又所,回來就手機賴床,F,B短片越睇越有癮,一睇成9點鐘才起床.

起來如常烚水搞早餐,貪得意烚蛋烚埋三條紫蕃薯,蕃薯烚夠廿分鐘才掂,量個血壓0958食早餐,老婆新抱B陸續蒲頭,衰豬又幾乖?叫早晨,又等佢哋試吓啲紫蕃薯,蕃薯又幾靚不過唔多甜?

餐後辦埋件事,無所事睇電視,嫁到世界邊端,嫁到丹麥都幾慘?歧視咁Q嚴重?睇完我都去床攤吓.

哈!又比我瞓著?到醒1235,超正,諗咗陣?都係去游水.未及1點鐘出門.

1301單車起步,1312到泳池,池面稍熱身,1328下水,100m的游,游夠500m,1406起水走人.離開泳池1427,返回單車場1438.

至電老婆下來,原來新抱去咗石門?要湊住個B下來,咁就無得揀,麥當奴等.
麥記稍等,老婆B到,例牌菜兒童餐兼豬柳蛋漢堡餐,合共60蚊,吃餐其間老婆去買餸,到嫲嫲回來,衰豬吃過就催住要走,趕住返歸坃玩具,行經紙紥鋪望住啲公主玩具同燈籠唔捨得走,要催趕才走.

回家1610老婆買來有牛肋條98蚊,紅白蘿蔔粟米22蚊同三樣菜20蚊,兒童餐玩具,回來1612我又沖杯䥑+C飲.衰豬掛住媽咪,猛叫至電媽咪,於是視像過新抱,等佢傾到夠.

搞掂個B我都早點沖涼,涼後我都入房平板寫寫blog,1740個仔返,話過個B聽,衰豬都無什喜悅,到1810佢娘返,高興到不得了,哈有新玩具鬼口水.

下來佢三口子忙過夠,老婆搞佢晚餐,我睇陣電視都入房攤床youtube, 摷套新劇追吓.摷咗套叫雲之羽,一睇就8點多鐘,衰豬沖完涼又拿部手機入來湊熱閙,學我攤床youtube.

2120開飯,有老婆煲的雪梨乾雪耳紅蘿蔔粟米湯,4個人食.

2023年9月19日星期二

9月19日(二)半失眠,游水500,茶大家樂,個仔假,半劑補藥,累到暈,晚飯4人食.

2023/09/19 星期二晴 30C

昨晚11點零瞓,3點多鐘去個所就失眠,歌仔下捱到5點多鐘才瞓返,瞓至0830醒,賴陣床0845起床.

新抱B剛出門上學,如常烚水搞早餐,0949早餐.

餐後辦埋件事睇電視,睇完集倚天我都攤床瞌吓,又好彩又比我瞌著,1230被個B放學嘈醒,衰豬回來身水身汗,濕水雞仔一樣?見好天又瞌咗陣?一於執嘢去游水.

單車場取車,1259出發,1311到池,更衣室搞掂一切,池面熱身,天陰無乜太陽,1327下水,100m的游,湊夠500m1406起水走人,更衣室搞掂1428離開,返回車場1446,至電老婆食大家樂.

大家樂等到1500老婆到,27蚊食個雞寶餐,老婆7蚊熱檸水,吃後老婆才說個仔今日放假,三口子去咗街喎?真係唔講都唔知?坐夠上惠康,無交易後才醒起游水嘢漏咗在大家樂,拿回後入街市,老婆買有椰菜7蚊,扇貝28蚊返歸,回家1611,補茶無飲好幾日?1633沖半包飲.

藥後沖埋個涼,唔知係咪太累?攤響梳化度頭暈眼都花晒,企起身差點企唔穩,後來攤唞陣才好點,於是量個血壓,他媽的次次不同?量到7點鐘,三口子就返,我都收機算數,衰豬抱住返,一放落梳化,衰豬就醒,我笑佢去街呃瞓覺.冇耐老婆開餐,我睇陣電視8點鐘都入房拉床youtube.

2029開飯新抱外賣餸4個人食.

2023年9月18日星期一

9月18日(一)睡好,上水牡丹閣表姐兄弟聚,惠康,街市,晚飯4人食.

2023/09/18 星期一晴 29C

昨晚11點鐘瞓,夜所兩就今早8點鐘醒,手機床8點半鐘起來.

起來新抱B在趕返學,星期四紅雨至今第5日終於返學,0945出門後我才烚水搞早餐,0935早餐.

餐後辦埋件事睇電視,12點半鐘新抱B放學返,佢娘買有壽司母女中午食,衰豬係都要我食?唉!趣趣哋為有食件.

今日約咗表姐兄弟們上水聚舊?1245係時候要北上,1點鐘同老婆出門,火車又火車,又好彩沙田站後有位坐.

1340到上水,無來過唔識行,為有GO先生帶路,GPS下左轉右轉,1406終於來到海禧廣場.

上到1樓牡丹金閣酒家,全部來齊,獨係呀比老婆無來?太耐無見,坐下就雞啄唔斷,叫咗好多點心,我就帶咗排消炎止藥過永森,一傾粒多兩粒鐘,表姐又係靜雞雞找數,後艱辛苦才AA番。

1600就各自散band,表姐倆小巴返粉嶺,永森倆就火車站下小巴走,我倆同呀比就火車走.

返回屋企樓下1650,見拉晒橫額不準泊單車,都係咪搞?嗱淋泊回單車場,單車場斷樹斷枝還未有人清,得番半個單車場。

搞掂後入商場上惠康,買有免治牛肉34蚊,卡夫芝士兩嚿48蚊,麵包11.5蚊,跟住街市,新抱來電叫買义燒半斤55蚊同蛋糕10蚊,老婆就20蚊三樣菜同薑13蚊返歸.

回家1747,新抱在篤B做功課,我都累到不堪,老婆就處理晚餐,我就嗱淋沖涼,涼後寫寫blog.

2049開飯4個人食.

2023年9月16日星期六

9月16日(六)睡好多夢,新抱石門,游水500,兩老湊B,茶麥記,晚飯4人食.

2023/09/16 星期六雨 28C

昨晚趕埋編blog又成12點鐘瞓,夜所一劑便今早8點鐘醒,奇怪早輪夜尿頻頻,喱兩日又正常到不得了?睡來依然多夢,不過今鋪又瞓得幾好?手機賴床,到9點鐘才起床.

起來廁所門貼滿個B作品,4歲幾既畫貼到無得貼?連廁所門都貼?

起來就如常搞早餐,吃過木耳漿,早餐未搞就要去開大,舒服後1028早餐.

餐後又入房攤床瞌陣吓,瞌唔著為有手機backup的日記,搞掂又一個上午.

1245新抱出門,石門補貨喎?我才起來,見今日幾精神?又無落雨都係去游轉水,嗱淋執嘢1點鐘未夠出門,落到街佢又有幾粒雨?稍為猶疑吓,唉!都係去,1302起步.

1315到泳池,池面稍熱身,1330下水,水有點冷,游佢100多就可以,之後就續100m的游,游夠500m算數,1410起水走人.

離開返歸5點鐘,搞掂啲游水嘢,個B就郁手拉部單車出來?我問佢做乜?佢話落街踩單車?我話無講過喎?唉!原來游水前氹過佢,話同佢踩單車,咁好記性?我話落雨踩不得?還抱起佢望街有人担遮,後來同佢講不如踩滑板車,咁就帶埋滑板車同埋嫲嫲三人出門.

落到商場個B係都要食麥記?無偈?為有順佢意,

麥記要個兒童餐同個豬柳蛋漢堡餐62蚊,吃後1610才離開,老婆街市買餸,我同個B去球場仔踩滑板.

一踩1650才返歸.

回家都5點鐘,新抱已回來,我都早點沖涼,涼後平板寫寫blog,還未動手1742森來電,話早兩日才加拿大返來,話約咗表姐星期一上水飲茶喎?叫我叫埋呀嫂喎?講兩個電話後又成8點鐘,嗱淋繼續寫寫blog.

2117叫開飯4個人食.

2023年9月13日星期三

9月13日(三)睡可,手碗痛,顯徑買消炎藥,茶大家樂,消炎藥,賭馬10蚊,晚飯4人食.

2023/09/13 星期三晴 29C

昨晚如常11點幾鐘瞓,夜所依然?瞓到7點幾鐘醒,手痛手機都不用諗,咁易賴陣床都起床.

起來都懶郁,坐響廳睇住新抱B早餐,0845出埋門返學,老婆蒲頭我才洗面搞早餐,早餐都要係老婆幫手搞.1002量埋個血壓早餐.

餐後入房攤床諗兩諗,手痛咗幾日都未好轉過?唉!都係過顯徑買消炎藥?拿埋盒11點零同老婆出門,過到顯徑1136,直行去商場藥房,都好多年無買過?都諗住未必有賣,一問之下有喎?問佢幾錢?竟然賣200蚊盒?散賣22蚊喎?記得以前買都係100蚊鬆啲?後來講兩講180蚊,唉!痛起上來都要買,買後谷鬼氣就在門口摷吓N年買的紀錄,一摷2015買過100蚊盒,2017年買過90蚊盒,嘩!貴成倍價錢?

痛都無偈,買後就園內坐吓.