5月27日(一)一覺天光,生日歌,黃雨B無上課,老婆沙角買魚禮品,茶麥記,煲劇山河令,晚老火清補涼,兩人食.

2024/05/27   星期一   雨   29C

昨晚差不多成一點瞓,竟然一覺今晨0615醒,又唔太急下去個所?簡直少可,竟然一覺可瞓天光?唯一可惜夜瞓晨早醒.

醒咗昨晚條生日片,硬係唔多滿意?就等我來換過首生日歌?youtube一找?竟然找到佢生日祝福歌,巧巧聽,嗱淋下載,再一搞0825,就完成條生日片,完成後賴多陣0915才起床.

如常烚水搞早餐,0945老婆又話過沙角買魚喎?新抱B又陸續蒲頭,新抱話今早黃雨?所以個B無返學?1016早餐.

餐後1052老婆已經返到,沙角街市買有魚85蚊,雪蝦仁98蚊,菜21蚊同蘋果20蚊,樓下街市豬展70蚊,又沙角街市積分換咗三樣禮品喎,有套陶瓷刀,保鮮紙同濕紙巾.

餐後深深不忿,昨晚我話榴槤唔太靚,個仔個女就話我以前買啲仲差,谷Q氣,記憶所及?N年都無買過榴槤,何來差呢? 耿耿於懷,餐後要事都唔辦?摷回紀錄同老婆呻吓,燒燒我啲谷氣.

2019年叫做食過兩個,成124蚊個,2018年8月嗰個就66.6蚊?鬼咁靚,現在要個座底百多元個,係價值問題?我喜歡原個買唔劏開,萬一買回來唔靚,揼完心口揼背脊.所以喱幾年邊捨得食吖?要食大大個我一個人都食晒.

同老婆呻完又一個上午,成一點鐘才去床攤唞瞌吓.

3點鐘母女出街,我同老婆成3點幾才下午茶,大家樂都費事入,直頭麥當奴,食個魚柳包餐20蚊,吃後9蚊整美祿雪糕兩份食.

吃過吹輪水才走,街市買菜買有蒜頭薑15蚊,菜20蚊返歸.

回家1655,老婆又話忘記倒廚餘,於是再落街再去倒.

到回來同埋個B返,話遇著新抱,新抱買餸喎,老婆又買50帶子返?

回來個仔已返咗來,正在準備行裝旅行?稍後我都早點沖涼,涼後我都攤床寫寫blog,

醒起今早摷生日歌,見同龔俊有關,但又摷不到有關料,但醒起龔俊有套劇山河令,以前睇過好好睇,又摷吓佢?咦!youtube36集有齊啵?難得有齊,不如重睇都好.

就係咁一睇1914,老婆來叫開餐,有老火清補涼,粉絲蒸帶子,炒菜芯,我又唔知點解咁飽?飲湯碗湯算.

5月26日(日)失眠大昏,在家瞌眼瞓,賭馬輸20,茶大家樂,個女呀偉到,晚人齊,生日快樂.

2024/05/26   星期日   晴   28C

昨晚12點鐘瞓,0142醒就瞓不返,收音機下瞓返,到4點鐘去所,又瞓不返?捱輪為有開wifi,上網到0513,又試途瞓過,結果瞓到0745醒,手機賴床9點鐘起床.

起來頭好昏,今次仲嚴重,昏到暈咁滯?坐嚮度唔敢郁,每次辛勞後翌日都係咁?今次仲衰,血壓量極都感應唔到,谷鬼氣都唔鬼量.

1052早餐,個B才蒲頭,曳到C唔梳洗,掛住玩手機,佢娘去教會,佢又唔去?到佢娘出門佢就喊到唔收聲.

餐後辦埋件事我都攤床瞌吓,攤極唔著衰豬又來搞搞震?要睇平板喎?就讓你到夠?足知無瞓過,到佢娘返,衰豬才出去.

我才正式瞌番陣,一瞌又兩點鐘,馬跑咗三場.新抱B就出門上合唱團,我就攤床繼續踱馬仔,第四場一拖二孖寶買20蚊.

3點幾鐘輸埋,就同老婆下午茶,大家樂無乜好食,就要個义飯餐,老婆咖哩角熱檸水,合共44蚊.

吃過坐夠上惠康,13.5買包麥方包返歸.

回家4點鐘,個女呀偉上咗來,跟住個女又話買榴槤,我話係買就過乙明佳寶買,惠康實在太貴.

母女呀偉就過乙明買,我就早些沖涼,睇埋尾場馬.

1815母女呀偉返,買咗我要既橙10蚊,榴槤1個就120蚊,20.9蚊磅喎.

佢哋返我入房攤床平板,寫寫blog,youtube,2057有人生日叫開餐.             生日快樂飲杯

2245切蛋糕食榴槤.

5月25日(六)失眠神尚可,老婆沙角買魚,踩轉隆享爆呔,補呔吹水,茶大家樂,晚兩人食.

2024/05/25   星期六   晴   27C

昨晚11點前瞓,兩點鐘醒所,又瞓不返,收音機,歌仔捱過,都係瞓不返,4點多鐘為開wifi上網,5點零終於瞓返,0637醒手機陣再瞓8點鐘醒,手機賴9點鐘起床.

起來好太陽,落咗好幾日雨,終於有太陽,如常烚水搞早餐,搞咗一半?又來料?急不及要去爆.

搞掂出來新抱B以蒲頭,齊齊早餐.

早餐其間老婆又話過沙角街市買魚喎?餐後11點鐘我,見咁好太陽,自從上次游水,都成廿日無郁過部單車?都係去𥄫吓,兼踩番轉都好.

落到單車場1115?見部單車還足氣,於是至電過華仔,睇吓佢得閒無?齊踩轉吹吓水?

話唔得閒喎?要修單車喎?修後又要去佢娘度喎?見咁情況,橫掂都踩,不如踩去佢嗰度,單車加吓機油滑滑佢都好.

1115起步,一踩1131到華仔樓下球場仔,來時經新翠邨,一入到隆亨邨,就無單徑全是行人路,經過球場仔見到一隻隻鴿,檻梳檻梳伏晒嚮度晒太陽?簡直奇景?本想停下來拍脹照,但見行人通道,免得被人罵,都係快啲踩到目的地,來到足球場1131.

來到見華仔還未到?於是兜個圈睇吓?踩到賞心樓地下,坐陣望吓上便,世界花園,靈機一觸,拍張照send過以前一起興建,偉成友個群組,等佢哋懷緬吓,誰知拍完張照,部單車砰一聲,就瞓低?

睇吓乜料?唉!原來爆呔?喱鋪大鑊?部單番嚟咁耐,多年來都未試過爆呔?而且打次氣好耐都不用再打,嗱淋至電華仔拿工具下來.

華仔12點鐘來到,工具到就拆開外內呔,順內一模,唉!原來係粒三角硬膠插爆我內外呔.

還好華仔有補呔貼,都係我以前比佢,不過太耐老化,貼啲膠都溶晒,黏到實一實,差點搣佢唔開,到搣開,又大鑊?無沙紙磨鞋內呔,好彩我醒,懂得用墻身鞋批盪來磨,搞掂貼好,但又無水試漏,有信照打氣,華仔有淘寶自動氣揼,好駛好用,打妥試踩搞掂.

搞掂1322,還好我帶來包紙飲品,坐陣吹陣水,1405有幾滴雨,我都走lu.

返回自己單車場1425,車呔依然無事.

回家1430,老婆新抱B在家,正想沖個涼攤唞吓?咁啱新抱B用廁所,坐咗陣老婆又話要下午茶?攰到C諗住唔去?勉為其難,去就去啦?

大家樂就食個至平米粉餐,老婆例熱檸水,合共30蚊.

吃過坐夠1620離開,老婆街市買菜,諗來諗去終於聽我講,買咗4蚊薯仔返歸.佢返歸我就走去昅吓部單車?都好無洩氣?咁就安心返歸,返回樓下遇著個仔放工返.

回家1655,我都早點沖涼,修部單車人都散晒,涼後攤床寫寫今日blog.

1940老婆來叫開餐,有蒸倉魚頭,蕃茄紅蘿蔔炆薯仔,兩個人食.

1655

5月19日(日)睡好,神可,老婆沙角買魚,個B合唱團,整日在家跑馬,茶麥記,輸馬20,晚兩人食.

2024/05/19   星期日   雨   27C

昨晚成12點鐘瞓,0230所0637所0739醒,手機賴9點鐘起來.

老婆已蒲頭洗晾,我就如常烚水搞早餐,0930老婆又話過沙角街市買魚喎?0951早餐.

早餐其間新抱B蒲頭,我餐未完10老婆已經返,買有白飯魚20,青𩶘魚35,薑11蚊.

餐後我辦埋件事,就入房攤床手機瞌吓,一瞌1245醒,今日跑馬?嗱淋手機登入睇跑馬,

跑完頭場我都起來.

一直睇到第4場,見隻1號熱到兩倍都冇?似贏晒之勢?於是整10蚊孖寶玩吓,1號搭下場10號,佢娘親吖?1.8倍跑第二輸埋.

1445新抱B出門合唱團,睇跑到3點幾鐘同老婆落街下午茶,大家樂坐陣,無乜好食?同老婆過隔鄰,45蚊食個巨無霸餐加4件麥樂雞.

吃過坐夠成5點鐘才走,街市買條蘿蔔返歸.

回家5點多鐘,個仔已回來,見尾口孖寶還可以投注?又踱10蚊玩吓,買6號鉄金鋼搭下場1號,到跑跑個第三輸埋.

輸埋睇埋尾場馬,新抱B返,我都沖涼.

夜點老婆煮落個蘿蔔炆豬肉,我來煎個白飯魚煎蛋,2012開餐同老婆兩個人食.

5月17日(五)嚴重失眠,早餐大家樂,新抱開工,嫲嫲湊B,走轉沙角,茶大快活,麥雪糕,晚老婆煮人齊食.

2024/05/17   星期五   晴   27C

昨晚11點鐘前都瞓,0120所,0330所,就瞓不返,歌仔到0430手機無電,閉目下無瞓過,一直到天光7點幾鐘,手機賴床,9點鐘起床.

梳洗好無麵包,老婆叫大家樂喎?是但啦,於是量個血壓,0945就齊齊大家樂.大家樂老婆33餐我27餐.

餐後老婆嗌上惠康,買鹹豬手喎?就55蚊買咗隻鹹豬手,我就人有三急,急不及待要返歸解決,終於忍佢唔住?老婆才返到,到我搞掂已經1130.

1150老婆去接B放學,失眠我走去床平板試瞓吓,結果都係瞓唔著,1215嫲嫲B返,嫲嫲蒸燒賣個B食.

瞓唔著1點多鐘起來睇新聞,兩點鐘不如過沙角食大快活,順便帶個B遊樂場玩吓.

於是乎經曾大屋公園,就喱個場比佢走吓.

玩輪1445就過沙角商場,來到大快活1507,衰豬話要食麥當勞,還好氹掂佢等陣食雪糕啦.

大快活三個餐84蚊,吃過坐夠走人.

跟住隔鄰麥記,9蚊杯美褖雪糕三個人食,吃過走人,又行經個過任撳鋼琴,個B又撳吓.

離開沙角諗住過乙明街市,買點嘢返歸?衰豬話喱度有個遊樂場?曾經來過喎?我話冇喎,C都唔信,又等你帶去?行咗陣結果係無?為有CC氣跟住過乙明街市.

街市10蚊買咗份橙仔,11麵包同60蚊燒排骨,以為可以返歸啦.

誰知行一出乙明邨,衰豬就𥄫到乙明有設施,於是又讓佢玩陣,玩咗陣1641才返歸.

返回自家邨,老婆買未夠又街市買過,我都無你咁好氣,同個B先行返歸,1716老婆返買有免冶豬肉30蚊,豬腩肉30蚊同10菜芯.

回家個仔已回來,我都早點沖涼,實在太累,涼後我都攤床瞌吓.

2043老婆來叫吃飯,人齊食,我又唔知點解咁飽?求其飲碗湯食少少算.

5月6日(一)睡可神差,個仔假,游水500m,茶麥當勞,晚兩人食.

2024/05/06   星期一   晴   28C

昨晚11點零瞓,一瞓兩點鐘去所,再瞓就0616醒所,收音機下半賴瞓,7點多手機賴,今日個仔放假,三口子出門個B返學.

9點鐘起床,如常烚水搞早餐,老婆蒲頭,0959我早餐.

餐後辦事,以為昨晚食咗頗多春菜會掂啦?結果都係唔掂?個仔送完B返學返,老婆又話過沙角邨街市買魚喎?我就睇集夢華錄1130都入房,攤床平板希望瞌番吓.

好開心瞌咗陣,1222佢老豆湊B放學返,新抱剪髮喎?而老婆亦返咗來,買有菜同魚合共96蚊喎?

youtube到1235起來,自上個月15號游過水外,至今21日,咁好太陽,一於執嘢去游水.

1257單車場攞車,落咗好幾日雨,一於清清單車積水,於是鬆開個坐位出來,倒轉部單車倒咗啲積水出來,搞掂就開始踩去泳池.

過到泳池1313,大鑊條單鍊漏咗響車場?點鎖單車呀?唔理佢又怕失去條鐵錬,於是至電老婆車場攞回條鍊,跟住用把鎝,鎝住條單車鍊,再用人棄把鎝,裝假裝狗扮鎖住部單車.

搞咗輪1316才進泳池,更衣室搞掂上池,陽光普照,大池維修要行舞雷公遠副池,去到稍熱身1332下水.

平時一樣,100m,100m的游,1415湊夠500m起水走人,沖個熱水涼,1440離開泳池.

返回單車場1459,call老婆攞回條單車鐵鍊下來.

鎖好單車就齊齊大家樂,去到無嘢啱食,便隔鄰食麥當勞,1520就27蚊食個兒童餐.

吃過坐夠老婆街買餸,買有蕃茄20蚊同4蚊兩隻薯返歸.

回家游水時唔覺攰,現在才攰得我C,攤嚮梳化睇電視,1830三口子返,回來就督B做功課,我都入房攤床平板上網同youtube.

2000老婆叫開餐,有蕃加煲薯仔,煎紅衫魚,我就有點餓,就加煎半隻糉食.

生涯(28)天順建築公司1987/03/23~1988/12/17.

1987/03/23~1988/12/17天順建築公司 沙頭角房協.

由於老友馬涼入咗天順建築公司,地盤開工揾幫手,老友叫到又升職做份助理管工,地盤沙頭角禁區,房協興建第二期屋邨,返放工地盤有公司車接送,月薪3600元.

於是辭去其士建築公司,馬鞍山富安花園地盤份墨斗王份工,轉去天順建築公司,沙頭角房屋協會,第二期屋邨地盤.

由1987年3月23日上工,一做就1988年12月17日止.

由於地盤接近完工,要掉去屯門澤豐花園地盤,由於地盤太遠,第一日返工,去到以經9點多鐘,於是乎決定唔做.

還好公司好自由,唔做就當解僱計數,工資,代通知金,加班費,大假,雙糧,車費同年終獎金,按年資計,合共15137,20元.

沙頭角地盤,一年零八個多月,期間都頗多難忘事.

雨水天

記得初來開地盤,雨水特別多,地盤滿佈泥濘,車行不得,簡直停工狀態,每日返工坐多過做,由於合約無雨水期,後來公司買來大量石角,一車車鋪地,泥頭車才可出入,才勉強開得工.

機械

地盤所建屋邨,樓高頂多三層,運輸興建都係大吊機,判頭租機,聽講專買賣二手機,大多日本二手機轉賣上大陸,可想當年大陸幾咁落後,連機械都係靠二手外來.

中英街

由於地盤接近中英街,我們一得閒便走入中英街,打咭不在話下,我就喜歡買些奇形怪狀中國酒,貪佢樽形奇特,有時更走去派出所,一蚊攞張去鹽田紙,(通行紙)不過我們並不是去就近鹽田,而係偷雞搭車走去遠遠深圳,嗰時堔圳好落後,高樓大廈好少有,我們都係去街市買野味,穿山甲,果子狸,貓頭鷹之類,回來地盤開火圍爐飲兩杯.

沙頭角海鮮

沙頭角漁民多,海鮮擺街賣平靚,好大條幾尺長海魚黃立倉,當街斬來按斤賣,最多瀨尿蝦,啲膏多到一條透明金橙色?膏多過肉,到今日我都未曾見有過?平靚週時買回家吃,食到剝瀨尿蝦變專家.

小丑魚

魚檔好多時有小丑魚,細細條游來去襯托,有次戇居到攞回家飬,用鹽調調較鹹水當金魚飬,結果當然瓜直.

燒乳豬

又中英街好買賣,成隻燒乳豬賣好平,朝早比錢5點零收工攞乳豬,回家開餐幾好呀.

係咁賣咗好多天,越賣越多地盤友訂買,結果有日收晒錢,影都無埋?

僥幸

當屋邨第一座,第一層板模釘完成,鋼筋扎妥落石屎,在落石屎其間,好不小心,一腳踏出外皮條斜撐板,結果人仰馬翻跌落地下,幸好地下有塊乾淨甲板,立即起返身無事,若果有鋼根鐵釘石塊之類就大鑊,幸好無事繼續工作.

威哥

大吊車司機,30多歲紮實硬朗好動,每日收工貨車泊地盤,公司等放工幾個同事,一定在說說笑,推推撞,玩陣才離開,威哥一樣,硬橋硬馬,玩玩笑笑才返歸.

誰知有日不舒服,睇過幾次醫生後,証實血癌,停薪留職.

有日去佢家探佢,妻兒細細,送他500元買食,後來不久傳來,終於離開了.

揸車

屋邨臨近完工,屋邨還是地盤,夜幕低垂,邨前一條大直路,公司一部長駐貨車仔.

無車牌我,叫做N年短短路揸一次,貪得意下坐上駕駛位,老馬在傍指導,一條直路好過癮,誰知去到地盤尾,要轉彎向下,兜個彎返回原處,眼前燈光火著,一堆堆貨車在上落貨,嚇得我一額汗,慢慢揸回上去.

1987年4月28

1987年9月18日

背後中英街,香港警察.

中英街.

背後公安.