2024/11/23(六)早醒/麻麻,新抱返工,老婆個女個B街,老婆買羽絨,晚個女煮意粉,6個人食,淘寶嘢到.

昨晚慶祝生日,食埋蛋糕11點幾鐘才瞓,一覺0520醒所,就瞓不返,捱至6點鐘,為有寫昨未完的blog.

一寫0815出blog,跟住搞埋條音樂片,0930才起床.

起來新抱在返工,衰豬亦蒲頭,衰豬早餐又要嗰樣喱樣?嫲嫲就烚蛋過佢,我就花生醬包過佢食,仲黐埋我碗麥片食,1027就齊齊早餐.

餐後衰豬又話要同我一齊洗碗?我話嫲嫲同你啦?佢又唔制?一定要一齊喎?

之後都係一齊洗,洗後辦埋件事,衰豬嫲嫲督住做功課,我就攤床yt.

一直到1點多鐘平板無電,都係無瞌過一眼?

起來就梳化睇電視,1515個女到,拿回個喼比個細佬,跟住同個老母個B去街.

5點多鐘個仔返,回來就搞佢啲至骲模.

7點鐘老婆個女個B返,老婆349蚊買咗件羽絨喎?回來個女煮意粉喎?

回來個女晚餐,煑意粉西湯,2041個女個B老婆我食先.

個仔沖涼,新抱夜返留意粉留湯,餐後新抱已經返到.

而個女代買淘寶,有廚房五味樽三個,刨碎機,及男女裝內褲.

2024/11/22(五)早醒/祌可,新抱返工,中午踩轉城河郁動吓,晚個女呀偉到,晚餐6人食薩莉亞,生日切蛋糕,健康快樂無煩惱.

昨晚9點鐘已經等上床備瞓.結果11點幾鐘才瞓著,一覺今晨0515醒去所,回來就瞓不返?瞓不返見到衰豬自己開門去所,哈!又會咁醒唔怕黑?好嘢,瞓不返手機賴床,一直賴到9點鐘起床.

起來新抱忙返工,我就慢慢搞早餐,1012早餐.

餐後電視,1130才辦事.

1230本來諗住攤床yt,諗吓好耐都無郁過,於是乎走去踩轉單車,1229由車場開始,沿城河邊踩去第一城,過禾輋踩回城河第一花園1255.

然後郁吓啲手腳,手機上陣網,1350走人,1400返回單場返歸.

回家才攤床yt瞌吓.

3點多鐘嫲嫲接B放學返,衰豬食點嘢,嫲嫲就趕佢瞓覺.

覺我就瞌不成,yt到4點鐘,起來睇電視.

5點多鐘個仔返,拍醒個B做功課,衰豬瞓得夠就乖,好快就開開心心做功課,而佢老豆唯一可取,就係好有心機教個女,不過唔發脾氣嗰時.

1945個女呀偉買有生日蛋糕到,然後齊齊去食薩莉亞,新抱未放工,得我們6個人.

1959到薩莉亞.

吃過坐夠,2125離開.

離開惠康買麵包,13.5蚊買6片裝方包走人.

2132落到地下,衰豬又話要玩騎機動馬仔,6蚊玩轉,見顯示有人入咗一蚊,衰豬咁啱銀包有45蚊,就咁嘻嘻哈哈,5蚊玩咗轉齊齊返歸.

回家2143,我就話之你,擦埋幾隻牙仔等瞓覺.

2213許個願切蛋糕,生日快樂,身體健康無煩惱.

2300個女呀偉返歸,我blog都懶寫上床備瞓.

2024/11/21(四)失眠/神差,早餐大家樂,新抱放假,個B放晏4點,整日在家yt瞌睡,晚飯大家樂.

昨晚12點鐘瞓,0310醒所,就瞓不返,捱成粒鐘4點無偈?為有手機寫昨未完的blog.

一寫0615手機無電,熄機瞓覺,還是瞓不著,閉目捱到0835起床.

早餐懶整,辦埋件大事,烚妥水叫賴床老婆起床,辦妥早上一切,就齊齊落大家樂早餐.

大家樂1022,老婆41.2蚊餐,我就30.2蚊餐.

吃過坐夠1130走人.

返歸1140,失眠我又攤床yt希望能番吓.

一瞌一睇1635新抱接女放學返,買有一大袋零食,說一田大減價喎?回來就督B做功課,做兩做衰豬眼瞓,焗住要去瞓.

5點多鐘個仔返,1750我倆係時候要出門晚飯.

商場大家樂1753,老婆鋸扒餐67.2蚊,我就煲仔飯餐50.2蚊,吃過坐夠1900返歸.

回家1910,三口子還在家.我就早點沖涼,涼後1940,剛好三口子出門晚飯.

我亦辦妥睡前一切,上床冚被寫blog備瞓.

2024/11/20(三)雨/20C/睡好/神可,早餐大家樂,中午yt,茶麥當勞,這樣鄰居,5人好運食西餐.

昨晚早早上床電視下備瞓,11點鐘前都瞓,0325醒所,再瞓唔多覺0643醒,睡來有夢,似乎無咁多,半瞓賴0815起床.

起來落雨氣温20c,老婆叫出街早餐喎.

咁就辦埋鋪大,辦妥早上一切,0910同老婆齊齊大家樂.

大家樂0925老婆41.2餐我就30.2餐.

吃過坐夠週三上惠康,日間理財手機提款,提款後惠康,大鑊!大事急call,諗落都係無謂搏,我先行回家辦事.

1053老婆返,新抱放假蒲頭,1230我都攤床yt瞌吓.

覺就瞌不成?t就睇見佢,帶你行轉紐約唐人街,行轉成半粒鐘,鬼唔多隻?見的全華人,攤檔擺到一街都係,像6,70年代香港一樣.

又睇到佢全球青年愛上華人歌曲和文化,齊齊來學中文.

1530老婆來叫下午茶,肚餓喎?收機同老婆落商場,老婆要食麥當勞,咁就叫咗49餐,9.9加杯咖啡,吃過坐夠1645走人.

討厭的鄰居

返回自己層樓,嘩!隔鄰屋竟然在走廊,水喉水錶位插對舊鞋,高度剛好個人塊面咁高?走廊已經夠窄,老婆差點兜口兜面踫著?落雨天你就識放?唔放門口就掛到高高,放門口我已經好唔高興,整層樓無人放門口?係你獨有,走廊已經夠窄,已經神憎鬼厭,谷鬼氣拍門去話佢?佢老婆應門,我話走廊已經夠窄,行過迎面就係你對爛舊鞋,有無攪錯呀?佢才話收回,我還說走廊窄,不要放鞋在走廊.

回家1655個仔已回來,新抱督B做功課,回來無聊我就寫寫blog.

1850一家5口齊出門,訂咗枱食飯喎,什少夜晚出動我,非常唔自然,搭程車過去好運原來食西嘢.

1910來到喱間,叫Y Pasta食西嘢,

吃過坐夠2027個仔找數.

離開就近有間貓貓店同間地茂館甜品店,地茂館排晒隊食糖水,新抱又話要買外賣,外賣都要等成10多分鐘,個B就話之你貓店睇貓貓.

買完行到間麵包店,輪到個B要買麵包,個B夾咗6隻包仔26蚊,嫲嫲比錢,然後才市廣場搭程車返歸.

回家2125,食埋個糖水,都嗱淋沖涼,涼後攤床寫blog,

夜睇埋個晚間新聞12點鐘瞓.

2024/11/08(五)失眠/神差,整日在家,B放12點鐘,球場仔玩,茶大家樂,晚飯5人食.

昨晚blog未寫完11點鐘瞓,兩點鐘醒所,老婆還在手機,回來我又瞓不返,為有手機寫寫blog,寫輪叫做瞓返,到5點鐘醒,之後閉目捱天光,賴床8點半鐘起床.

起來新抱在忙返工,我梳洗好辦大事,喱輪麻麻去襯都係稀粥一樣,唔去賴都有份?

搞掂件事0915搞早餐,0946新抱返工,我亦早餐,今日開始餐前早晚,5粒萊茵衣藻片.

1035老婆落街買餸,1123老婆返買有菜料31蚊,魚露11蚊,牛扒55蚊,兩豬扒70蚊.

回來處理好菜料,1220出門接B放學,1240嫲嫲接B返.

回來嫲嫲烘熱個包,煎隻蛋過佢B食,1319嫲嫲開餐.

睡不好我就去攤床yt瞌吓,一瞌一睇又3點鐘,個B走入來叫同佢踩單車喎?單車好麻煩?太多嘢砸住?後來講掂數打羽毛球.

成3點半鐘落到球場仔,叫做係咁易打陣,就同佢食大家樂.

大家樂我就34餐,老婆31.2餐同個B食.

餐後無須買餸,返歸都成5點鐘,個仔未返,我都嗱淋沖涼,花灑喉穿漏,還好有條後備,即時換上搞掂.

2037老婆開飯同老婆食,個仔沖涼新抱夜返,個B跟佢娘食留飯餸.

2139新抱返,我都上床備瞓.

2024/11/06(三)睡好/多夢,新抱返工,加注XXX股,個B放12點,整拐杖自拍棍,指破血流,茶麥記,週三惠康,晚飯5人食.

昨晚電視11點半鐘瞓,夜所一劑就今晨0645醒,睡好多夢,賴床9點鐘起床.

新抱忙返工,我就先行辦埋件事,才搞早餐,0955早餐.

餐後電視機智女法醫大結局,睇完11點半鐘,望吓個市?嘩!跌成5百幾點?

於是乎現價加注XXX股,搞掂剛好12點鐘收市,收市後今日個B放早,老婆去接B放學.

都諗住yt瞌吓,突然諗起拐杖自拍棍,於是乎揾支舊拐扙試吓,拐杖頭鑽0隆,唉!誰知一不小心,鑽咀鑽落左手指公,當堂肉破血流,大概鑽正血管位?血流如注,大鑊?一時間不知如何止血,於是乎唔理咁多?一於用手直接按實,剛好老婆同B返,老婆嗱淋用紗布幫我紮住,唉!還好止得住.

紮好繼續我拐杖自拍棍,搞掂個拐頭自拍?諗吓拐杖頭重?不如拐杖尾,又杖尾鑽個0隆,搞掂1330,剛好老婆亦開餐.

餐後老婆督B功課,我就攤床yt瞌吓.

一瞌3點鐘,老婆個B來叫下午茶,落到大家樂,衰豬C拉要麥當勞,無奈為有麥記,個B兒童餐33蚊,我就魚柳包餐20蚊,老婆凍啡10蚊.

吃過坐夠週三惠康,買有紫菜13蚊,腰果酥19.9蚊,芝麻丸21蚊,大蛋兩排44蚊,離開老婆落街市,我同個B球場仔等,老婆到買有奶皇包10蚊,薑7蚊同10蚊西芹返歸.

回家1705,個仔已回來,老婆處理今晚餐飯,我就早點沖涼,涼後攤床手機寫blog.

2011開飯5個人食,個仔沖涼新抱夜返留飯餸.