9月19日(四)睡好/差,疲倦不堪,瞌個晏覺,茶大家樂,他媽的郵差,功課佢老豆跟,晚飯5人食.

2024/09/19   星期四   晴   31C

睡好/差

昨晚12點鐘瞓,一覺竟然今晨0623醒?去個所就瞓不返,手機賴床F.B睇見佢樂山大佛,好嘢,非常長盡,睇輪短片,9點鐘起床.

起來老婆已起床,新抱忙返工,我就如常烚水搞早餐,新抱出門返工,1001我才早餐.

餐後辦埋件理想事,1045老婆又話外出買嘢?事畢睇輪電視1140走去床攤吓.

老婆沙角

一瞌1225老婆返,買有洗衣珠78蚊,梳6蚊,白潔布15蚊同花露水20蚊,1點鐘我都起來,1319老婆開餐.

腳痛肚痛

2點多鐘坐坐吓,起身右腳膝後突然扯住痛,痛到行不得?好彩休吓息無事,隔不到一陣肚突然痛?痛得好辛苦,好似胃氣頂住咁?心諗今次大鑊,飲啖水攤落床,都諗住食粒胃,誰知又慢慢無事?1500老婆去接B放學.

B放學

1325個B返,問佢返學開唔開心?開心喎,回來換過校服,1545出門下午茶.

茶大家樂

落到大家樂成4點鐘,依然都咁多人,好彩有人走才有枱,要咗個沙嗲牛麵雞翼餐,就個B飲華田,老婆熱檸水,合共41蚊,吃過坐夠走人.

悠咭充值

離開忘7仔充值,老婆折返充,我同個B街市等.

兩蚊身痕

衰豬袋住兩蚊身痕,急不及待要去夾公仔,公仔箱剩餘無幾公仔?衰豬係都要夾,一吓就玩完離開.

他媽的郵差

離開返歸,信箱有信,他媽的郵差,總是四個大字,放低張咭算?郵件郵局取,望吓時間1213,你娘親吖,整日都有人在家.

功課

回家1650嫲嫲督做功課,冇耐佢老豆返,啱晒,你老豆跟番.

晚飯

2102開冷氣開飯,5個人食,新抱夜返食住等,2113新抱返開飯,我亦已食飽離場.

9月8日(日)睡好/神稍好,個B瓷公仔,新抱教會,馬季開鑼日,個B合唱團,馬無賭,晚兩人食大家樂.

2024/09/08   星期日   雨   30C

個B瓷公仔

昨晚10點零都瞓,半夜1點鐘醒,正想去所,突然聽見瓷器跌落地聲?出去一睇原來個B做的瓷公仔跌落地散咗?於是執起放枱面,跟住所完返床繼續瞓.

夜所合共三劑,就今早6點半鐘醒,收音機下賴床,0839個B突然走入來?雙手揍住個爛瓷公仔問點解?話佢知半夜跌落地爛咗囉,衰豬眼濕濕的走回出去,跟住又走入來,攞咗我支白膠出去.

白膠漿黐公仔

見佢咁情況,我都嗱淋起床出去睇吓,原來用白膠漿黐番個公仔,於是乎幫吓佢,白膠漿得唔得我就唔知lu?

早餐

黐好後就洗面搞早餐,新抱蒲頭,母女搞早餐倆母女食.

0930佢娘出門返教會,衰豬又唔跟去?問佢點解唔去?佢話啲人都唔識喎?冇耐老婆話沙角訂咗魚喎?要過沙角街市攞?1003我才早餐.

個B洗碗

餐後同衰豬講洗碗,衰豬竟然點晒頭?於是乎從旁教佢,衰豬認叻,乜都要自己來,終於教佢完成件事,搞掂後都1130.

我亦係時候辦我事務,1147老婆返買有黃花魚兩條50蚊,腰果一包68蚊,老婆返我都床攤唞瞌吓,跟住新抱都返.

馬季開鑼,個B合唱團

攤到1點鐘,聽到電視新聞講跑馬?心諗唔通今日馬季開鑼?於是出廳睇吓,果然真係跑馬,而新抱B在扮靚,1315母女出門上合唱團.

新聞完就踱吓馬仔,唉!都係唔識賭?

就係咁一睇5點多鐘,10蚊都無買,睇埋尾場,老婆話唔煮喎?落大家樂開餐喎?

晚餐大家樂

1800到大家樂,兩個人50蚊食個雲吞雞餐,15蚊加個翅.

吃過坐夠1913離開.

回家1920,三口子未返,我倆慢絛斯理沖埋個涼,辦妥睡前一切看電視.

2100三口子返,我才入房拉床寫blog備瞓.

8月24日(六)睡可/神差,個女留宿,無聊隆亨揾華吹水,茶大快活,晚個女老婆我薩莉亞.

2024/08/24   星期六   晴   31C

昨晚11點幾鐘瞓,夜所一劑,今晨0639醒,半賴床8點鐘醒,手機賴9點鐘起床.

如常搞早餐,拍老婆起床,個女入房瞓,1006早餐,期間新抱B蒲頭.

餐後辦事好唔掂?事後新抱督B做功課,個女就攤咗張床,老婆就在所餘無幾個廳睇電視,事後坐兩坐,都係出街?

落到單車場1148,至電過華仔,睇吓佢做緊乜?原來又整單車?不如過來揾佢吹吓水.

1153單車出發,上到去隆亨賞心樓1208,就幼稚園出便花棚坐,無催過華仔,坐咗輪1245華仔才到,吹輪水落大快活下午茶.

兩條友大快活坐咗輪才叫餐,長者依然8.5折,華仔請我食個折實28.5餐,

吃過吹夠水,離開又行吓隆亨個街市,街市好大,都算幾旺吓,行咗輪1622各自離開,返回單車場1635.

回家1640.老婆個女在家,我就累得要C,攤床瞌吓.

成6點鐘老婆來叫落街食,唉!好唔願就是但啦.

落到商場,佢哋選擇食薩莉亞,無戴假牙我,都係求其食些少,能食的食些算.

餐後個女找數,之後行陣惠康,無買嘢返歸.

回家三口子在家,我都早點沖涼,涼後話之你,做我睡前一切,上床寫blog瞓覺.

8月23日(五)睡好/神差,姑嫂開工,湊B踩roller,茶麥當勞,晚老婆煮4人食.

2024/08/23   星期五   晴   30C   

昨晚睇埋晚間新聞12點鐘才瞓,誰知夜瞓難眠?耳筒下還好瞓返,0320醒所,再瞓0619醒,所後就瞓不返,賴床9點鐘起床.

起來個女在忙出門,0930個女出門開工,0955輪到新抱出門,10點零老婆又話襯個B未醒,過沙角買魚喎?1027我都早餐.

餐後諗住去開大?又怕個衰豬瞓醒?1107還好老婆返,買有黃花兩條38蚊,洋葱5蚊,半隻鴨38蚊,免冶豬18.9蚊.

餐後辦事好唔掂?個B已醒在早餐,之後嫲嫲督住做功課.

瞓唔好我超眼瞓?走去床攤yt,希望瞌番吓,睇唔夠一陣以經瞌著,一瞌一睇點半鐘起來.

老婆在食中午餐,見好耐都無同個B玩過,衰豬本來揀單車,見踩完部單車就麻煩?後來揀咗踩roller.

落到球場仔1430,衰豬太耐無踩,起初差咗啲,後來踩落有進步,1508老婆到,踩多陣1515夠皮去下午茶.

三爺孫食麥當勞,連雪糕一杯合共74蚊.

吃過坐夠1610離開,老婆街市20蚊菜返歸.

回家1638,我都嗱淋沖涼,個仔返,8點多鐘姑嫂食埋飯返.

2051老婆叫開飯,4個人食.

8月21日(三)夜瞓/早醒,個女留宿,早餐大家樂,週三惠康,老婆沙角,打大杏仁煲木耳,麥咖啡,晚三人食.

2024/08/21   星期三   雨   28C

昨晚出埋篇blog11點鐘瞓,遲遲未能入睡?兩點鐘醒去所,兩姑嫂夜談未瞓?再瞓5點半醒去所,回來就瞓不返,收音機下賴床,8點半鐘起床.

起來諗住搞早餐,老婆來乜唔係落街食咩?唉!是但啦,之後辦我晨早一切事,個女入房瞓,一切搞妥又輪到老婆要晾妥衫才行得喎?

1020終於出門,落到大家樂老婆牛扒餐39蚊,我就粥糉餐32蚊.

吃過坐夠11點多鐘離開,星期三上惠康,途經日間財務,手機提錢,跟住惠康行轉.

一執196.1蚊,有雞蛋兩排45蚊,子母常温奶兩盒33蚊,磨菇兩罐17.8蚊,牛油兩件50.4蚊,青口一包49.9蚊.

離開地下臨時鋪,買有打火機兩個10蚊,懶人垃圾夾20蚊走人.

離開商場老婆又話過沙角買魚喎?咁就我抽住返歸,嘩!好Q重,抽得我CC返歸,途中大鑊,肚潟爆出?回家1226嗱淋去所搞掂.

1321老婆買魚返,又買咗一堆,215.8蚊喎.

回來新抱督B做功課,昨日買的大杏仁同木耳要搞,浸下木耳,大杏仁要入房枱仔打,打後木耳切碎薑同紅棗煲.

煲落就去床攤吓,半小時後煲妥,打埋漿1505搞掂.

成3點幾鐘老婆叫飲咖啡,又好落街行吓,麥記兩人,老婆凍啡我熱咖啡加埋蘋批32蚊,坐夠個女又叫買外賣,百份百44蚊餐返歸.

回家1655,冇耐個仔都返,一屋都係人,我都早點沖涼,涼後老婆煲落個五指毛桃湯,就叫我搞掂兩條黃腳立,鹽醃好蒸埋放焗爐搞掂.

搞掂就攤床寫blog,瞓唔好我太攰瞌著.

1941老婆叫開飯,頭圍用膳,個女我老婆三個人食.

有老婆煲的老火五指毛桃湯,肉片炒菜芯,我就鹽焗兩條黃腳𩶘.

8月20日(二)重失眠/神差,個女留宿,走轉沙田中心,食大快活購物,晚飯返.

2024/08/20   星期二   晴   29C

昨晚早早上床,睡前yt,成12點才瞓,0417所後就瞓不返,收音機手機下捱,今早8點半鐘起床.

起來如常搞早餐,老婆蒲頭個女入房瞓,0918早餐,期間老婆發覺失八達通?看來又唔見好幾百蚊?

餐後辦事少有咁順,1130新抱B蒲頭早餐.

12點零個女亦蒲頭,鬍鬚特長我刮刮佢,刮後失眠我,希望攤床yt下能夠瞌番吓.

結果一攤2點鐘,覺就瞌不成?yt就睇到佢訪問張艾嘉,起來替老婆昅吓張床,跟住拉開我張床,掉?原來在我張床度.

起來新抱B出門街街,我同老婆有嘢要買,1440出門,搭程車希頓下車.

行希頓商場大生超市,一路行去沙田中心,𥄫過360睇過好棧,然後沙田廣場大快活,1555食個29.5蚊下午茶餐,歇歇腳.

吃過坐過,遇著兩個80歲茶客,大講舊史,插咀吹埋一份,1650離開.

返回好棧買木耳4襾21蚊,蝦米半斤80蚊,然後360買大杏仁143蚊,其他有棗仁派兩包,花生4包合共64蚊,老婆買夠二百蚊做會員,還好收銀條靚得閒,幫忙下載埋填埋搞掂.

離開360返回大快活1752,晚飯8.5折,老婆選擇71.4蚊,兩人食個清湯蘿蔔牛腩餐.

吃過坐夠1900離開,搭程巴士返歸.

回家1930,三口子在家,新抱忙煮晚飯,個B担天望地做緊作業,廁所王用緊廁所,望穿秋水下才出來,除個B外全部人都要去轉所.

出來後我都早點沖涼,涼後2045三口子開飯,我都做我睡前一切,做妥我都攤床寫blog備瞓.

2156個女返.

8月17日(六)睡差/神差,個女留宿,晨早要怒吼,商場坐麥記咖啡,沙角大快活晚餐.

2024/08/17   星期六   雨   27C

昨晚早早都瞓,夜所3劑,晨早5點半醒,又瞓不返,捱咗輪為有手機賴床,9點鐘起床.

如常梳洗搞早餐,蛋烚妥麥皮煲好,老婆還在床手機,谷Q氣怒吼一句,遲早斬C你班曲街,老婆才0隆0隆聲起床,叫女入房瞓,0956我早餐.

餐後辦埋件事睇電視,11點零個女床攤夠蒲頭,我才攤床平板youtube瞌吓.

瞌咗寶貴一陣,就youtube到兩點鐘起來,1415見無乜雨?都係落行吓好過.

天氣涼咗就走入商場坐,又至電過華仔吹水,吹輪水上輪網,1605老婆來電話下來陪我喎?你嘛落囉.

落到來話今晚唔煮街食喎?見還早就麥記食杯雪糕先.

入到麥記老婆話涼咗唔食喎?不如1蚊飲杯椰奶咖啡,都好,N年無飲過咖啡?每人一啖又幾好飲?飲後老婆叫去沙角食大快活,唉!咁Q遠?唔去,唉!是但啦.

麥記坐到5點鐘,才同老婆踱過去,行得我CC吓,踱到去沙角大快活成6點鐘.

大快活水牌,多到花多眼亂,都唔知食乜好?我踱過老婆踱過?85折下,老婆食個60.5蚊牛扒春雞鐵板餐,我就加4蚊食碗粟米肉粒飯.

吃過坐夠1921離開,就隔鄰360買有棗仁派兩包40蚊,阿膠棗一包11蚊走人.

離開踱回乙明街市1946,以經水靜河飛,襯佳寶未落閘20蚊買份4隻蘋果芒果走人.

離開繼續踱,行得我CC回家2017,三口子同個女在家,新抱在忙煮佢哋餐晚飯,我都嗱淋沖涼.

涼後處理好睡前一切,然後拉床攤床寫blog備瞓.

8月14日(三)失眠/神差,個女留宿,個仔假,攤床平板,大圍偉成聚,晚三人食.

2024/08/14   星期三   晴   30C

昨晚11點零瞓,一覺4點鐘醒去所,回來就瞓不返,收音機下C捱,終於6點零瞓返,到8點鐘醒,手機無電平板賴,9點鐘起床.

如常烚水搞早餐,老蒲頭個女入房瞓,0959我都早餐,1018老婆又話過沙角買魚.

餐後辦埋件事睇電視,睇陣電視新抱B個女陸續蒲頭,1125老婆返買有菜肉魚共101蚊喎,難得個女蒲頭,我都入房攤床平板瞌吓.

結果一覺都瞌不到,youtube就睇到1點鐘起來,偉成友聚,睇埋新聞,1點半鐘就單車過大圍明星酒家.

1348上到酒樓,蕭同何攞咗飛在等,等咗陣就開始下午茶,跟住老馬呀輝到.

48年偉成友吹水,旅行,健康,舊友乜Q都傾大輪.

1550又呀輝埋單,我話AA啦,呀輝話下次先,我們堅持AA,結果每位60元,

無散紙我,後來出柜枱唱散畀過何基.

1558離開明星,蕭住美林唔同路走先,我就4人行到大圍火車站,就各自走人.單車返回車場1617.

回家1625,老婆同個女去咗百份百下午茶,回來我就處理剛偉成聚啲相.

1730老婆同個女返,買有菜28.5蚊,惠康雞蛋兩排50蚊,零食兩包56蚊,桃茶飲品13.5蚊.

1900老婆煮妥開餐,無煮飯肥牛粉絲煲,蝦球炒西芹,三個人食,我就食蕃薯,1935飲半劑中補藥.

2110三口子返,我都上床備瞓.

8月13日(二)睡可/神差,個女留宿,踩轉隆亨華修單車,茶大快活,夜三口子街,老婆大家樂.

2024/08/13   星期二   晴   32C

昨晚成12點鐘瞓,夜所兩0530醒,就瞓不返,手機賴床,9點鐘老婆起床我起床.

起來如常烚水搞早餐,1000早餐.

餐後華仔來電吹水,話佢娘個星盆搞掂喎?問係咪修單車喎?係呀,係就兩點鐘踩去隆亨喎.

收線後全屋人陸續蒲頭,而個女亦起床,佢起床就我來攤陣,youtube下竟然比我瞌到寶貴一覺.

1點半鐘起來,無後轆制單車,1343好小心踩去隆亨,去到平時華仔修車地方1400.

等咗陣1415華仔到,有架生連櫈都有埋,1429就幫我修改,換妥尾制條威也,又好彩一換就妥,跟住搞佢自己部單車.

搞掂就去下午茶,1517來到隆亨大快活,長者8.5折,兩人兩餐62.9蚊,就我請.

吃過吹夠水,1619離開,行陣商場,藥房廁紙超平,同一牌子惠康最平50蚊兩條,佢22蚊條,下次都係房藥房買.

離開廿四孝華仔,幫佢90多歲娘親買六合彩喎?咁就陪華仔走轉.

過到大圍賽馬會1646,自從網上投注,NN年無入過街外投注,啲投注機都唔知換過多小次,華仔買妥離開,齊齊踩出大圍各自返歸.

回家坐陣諗住沖涼,老婆話要落街食飯?話唔煮喎?之後同老婆落大家樂,行到凍肉檔,老婆無晴晴28蚊訂咗盒魚皮,驚回程凍肉檔收喎?拿住去大家樂,老婆介澱粉質,例鋸扒71蚊牛扒,我還飽無食,吃過坐夠返歸.

回家睇輪電視個女返,2235三口子亦返,我都入房拉床瞓.

8月10日(六)肚痛/失眠,個女留宿,新包睇牙,老婆三人沙角,唔夠瞓整日在家,晚老婆煮三人食.整日

2024/08/10   星期六   晴   33C

昨晚肚痛差點要去急症室,好彩4粒過期正露丸無事,睇埋場金牌戰足球成3點鐘才瞓.

非常好彩一撻即著,夜所一劑瞓到今早8點鐘醒,手機賴床0920老婆催才起床.

起來如常烚搞早床,新抱蒲頭備出街,老婆洗晾,個女入房瞓,1025早餐.

餐後個B蒲頭,個女見B蒲頭佢就唔攤床,起來玩同B早餐掛?

你唔瞓我瞓,一瞓1330老婆來問一齊過去沙角買魚喎?唉!你哋去到夠.

個blog都好多天無寫,唔夠瞓對眼又花,寫到矇查查.

5點鐘新抱睇牙返,買到一袋二袋返,跟住冇耐老婆個女個B返,買有惠康247.9蚊,街市魚同127蚊,跟住個仔亦放工返.

人齊返我都早點沖涼,涼後我都攤床youtube,唔夠瞓我,一攤就著.

2013老婆來叫開飯,老婆個女我三個人食,飯後半劑中補藥.

8月7日(三)失眠/稍差,個女留宿,新抱返工,中午落街坐,茶3人麥記,週三惠康,晚飯老婆煮6人食.

2024/08/07   星期三   晴   32C

昨晚早早上床瞓,眼瞓難頂,草草寫埋篇blog都瞓,夜所兩就4點鐘醒,就瞓不返,捱到5點鐘,為有手機賴,6點多才瞓返0745醒,手機到賴8點半鐘起床.

起來新抱在返工,我就如常烚水搞早餐,老婆蒲頭,個女入房瞓,新抱返工,0917早餐.

餐後辦埋件事,個B蒲頭嫲嫲安排梳洗同早餐.

10點多鐘個女攤夠蒲頭,又輪到我攤床youtube,始終瞌唔著?一睇12點鐘起來,個B嫲嫲督住做功課,我手機充夠電一於落街行吓.

落到街1點鐘,就最好風既邨邊坐,至電過華仔吹水,原來還在佢娘處修整星盤?唉!咁忙都係唔阻佢.

收線後手機上網,google相薄爆棚,要大減無謂相片,減到條頸都梗埋,減輪走去非常弱雞冷氣麥記坐.

坐咗輪1446至電個老婆,問佢落唔落來?落喎?等咗好一陣,見還未到?正係想走?

後來終於到,個B個女齊到,個女買餐,一個魚柳包餐20蚊,一個蜜糖雞餐,個B食雞髀,衰豬C孤寒,讓我咬啖都唔肯?又麥當妹送佢一杯仔雪糕,同聲講句不要講呀娘知.

吃過坐夠上惠康,買有雞蛋兩排40.5蚊,常温奶兩盒32蚊同牙刷兩排18.9蚊,期間遇著個B老豆放工到,買啤酒喎?佢到我們都走lu.

離開返落到大堂,老婆又話漏咗買雞?佢三人返回惠康買,我就先行回家.

回家1641,跟住個仔返,1657老婆個女個B返,買有冰鮮雞隻36蚊,鹹蛋4隻10蚊同蕃薯3條6蚊.

回來寫陣blog沖涼,涼後就睇電視睇奧運,6點零新抱返.

7點多老婆炆妥個栗子雞,下來要我鹹蛋蒸水蛋,蠔油淥菜心,1955開冷氣開飯6個人食.

飯後2137飲我半劑中補藥,2216量埋個血壓,我準備我睡前一切.

辦妥一切,睇輪電視成12點鐘瞓.

8月6日(二)睡可/神可,個女留宿,瞌咗陣晏覺,麥雪糕,聖安娜方包,晚我煮兩人食.

2024/08/06   星期二   晴   32C  

昨晚11點前都瞓,夜所兩就今晨6點鐘,賴床7點鐘大事到起床辦事.昨晚韮菜花芽菜了得.

見還早於是攤床寫blog,一寫9點鐘搞掂,老婆已起床,個女入房瞓,我就烚水搞早餐,老婆又話鍗沙角買餸,0940早餐.

餐後新抱蒲頭,話大梅沙個灘人多到不得了,睇吓嘩!犀利?

1023老婆返,買咗1705蚊菜料喎?跟住個B蒲頭,面未洗牙未擦就掛住玩.

1120母女早餐,昨日深圳買喎?

1點鐘風雲色變,個天黑晒,半粒鐘後落大雨,個女瞓夠又輪到我攤床youtube吓.

一攤4點鐘,悶悶哋叫老婆落商場坐吓,本來坐大家樂,老婆又話早煮飯,於是過麥記二人9蚊食杯雪糕坐吓.坐輪返歸.

個仔已回來,個女出咗街,新抱就督B做功課,又新抱同奶奶搞聖安娜網購特價方包.

6點鐘老婆以經煲落個花生雞腳湯,我來蒸個魚頭,1850搞掂,開餐兩公婆食.

三口子就出街食,飯後我就半劑中補藥,2053量埋血壓我都瞓.