旺角街買料,晚樣樣啲碟頭飯.

今早見有啲陽光,又重施固技舉張棉胎出窗外曬,但反兩反時摸到一點濕,看來不是口水便冷氣机水,看來下次曬都係咪搞.

收回棉胎後整錶帶,兩隻錶每隻收短兩格,啱啱好,其實淘寶嘢,平平哋玩吓無妨,大隻的我的錶人仔43蚊,老婆隻白色32人仔,每隻有粒後備電磁,個拆錶帶器都係一兩蚊人仔.

 

還有喱件嘢,係人仔42蚊.

 搞掂兩隻手錶後,老婆話要買料包糉,由於出到旺角街市無嘢啱食,於是就樓下大乜樂,食個下午茶餐才出旺角,星期六人都幾多吓,好幸運找到個C角兩人對號位,位置都唔過引,有蚊咬似的.

隔鄰4人枱,有對年青女孩子,面對面坐,隔離兩個是吉位,她倆不約而同,猛向執枱職員招手,我以為有什麼事?原來叫個職員來祙枱,職員板起塊面,原來兩個女仔叫職員祙隔鄰兩個吉位,抬面一粒包糖紙仔,個職員一手執走,祙都不用祙,嘩!我看見有無搞錯?一粒紙仔竟然兩位姐仔,係咁揮手叫人來清走,吉位又不是她倆要埋,真係時下服務標準?我唔識講?

茶後同老婆出旺角,行輪海鮮街,都無乜好買,跟住過去最多最平生果賣的廣東道,行輪生果街,

 

買完生果,就內便間雜貨鋪,行勻咁多間至平就喱間,鹹蛋人家10蚊5隻,佢6隻.

 連生果拾幾廿斤嘢,兩公婆一人一袋走人.

 

回家都5點幾鐘,買來的料有鹹蛋24隻40蚊,綠豆2斤28蚊,糯米4斤30蚊,青B蕉3蚊,芒果7隻10蚊,皇帝蕉一梳5蚊.

 

今晚餐料有洋葱,昨日三文魚腩,椰菜,冬菇,蝦米,蕃薯,每樣一啲.

 

三文魚起骨,所有材料切碎,三文魚有油,順序由生至熟,落鑊兜兩兜,

 

煮兩粒米,順帶蕃薯切片放飯面熟,飯熟飯倒落鑊同餸料撈兩撈搞掂.

 

 兩個人食.

 飯後果皇帝蕉同芒果.

 

芒果.

購物,晚飯,洋葱三文魚,腐乳茄子.

今日又整朝落著雨,下午老婆要同個女出旺角取淘寶嘢,誰知成兩點鐘老婆才叫醒個女,個女又大發雷霆,話太晏叫佢,真不知佢兩母女點溝通,話知你,你有你們趕出旺角,我就好少理,難得無雨落,過大圍行轉,都明知無嘢好買,至在郁吓行吓.

中午還未有嘢到肚,過到大圍櫻桃,5蚊買兩隻麵包咬吓,然後行街市,自從街市大裝修後,都行少範,行轉街市買有茘枝一份10蚊,又幾甜啵,買箱16樽裝雞精165蚊,返回自己街市蕃薯,茄瓜同個洋葱都唔記得幾銀,三樣合共11.4蚊.

 回家老婆同個女都番了來,淘寶下買咗啲咁嘢,有文件袋之類,一支金色嘢,美容嘢嚟卦?唔識?同兩隻手錶,

  

還有件咁嘢.

 

拆開係地拖連桶一套.

又幾盞鬼,車得幾快.

 

錶大隻是我,白色是老婆的.

 
另外個女又買8支細紅酒,10蚊支喎,唔飲酒的我,佢話好抵喎.

 今晚餐料有三文魚骨腩,茄子一條,蕃薯半條,洋葱一個.

 煎後一鑊油

 黑椒三文魚腩炒洋葱

 腐乳蒸茄瓜

 兩個人食,今餐盛惠約14蚊

飯果茘枝.

 

核好細,須然青BB,出乎哋幾甜.

老婆見視光師,富乜下午茶,晚飯三人食.

昨晚12點前都瞓,一覺今晨7點鐘醒,非常好瞓,今日有任務,就係陪老婆去香港盲人輔導會驗眼,一早吃過早餐,辦妥私人事務,事務出乎哋順暢,8點45分出門.

過到南昌街還未夠9點半鐘,登記後付埋100元尾數,便坐下等叫名,見來驗眼人唔多,大約10多人,只見4,5個工作人員,係咁車車咁轉.

大約等了粒多鐘,才叫到老婆名,是個女視光師,記然來一於跟埋入去看看,見老婆做過兩部驗眼機,頭一部見有閃燈,望吓螢幕見有老婆對超,第二部老婆話叫眼壓檢查喎?驗時有風吹去對眼喎?

之後轉過另間房,關上燈,一連串遠望大小字,又續一加減鏡片,都不知加減了多少次,問到老婆叫OK,到最後還check埋老婆戴開副眼鏡,說老婆副眼鏡淺了些,大至上無問題,最後視光師手寫埋張度數紙,說去任何一間眼鏡鋪,照度數佩眼鏡便可,無須覆診喎.

 

離開盲人輔導會,還未到11點鐘,時間唔湯唔水,都不知去那裡好?不如都係返歸.

回家11點多,還是開腦上網,望吓今日個市,嘩!無啦啦升成3佰多點,乜料呀?

到兩點多鐘老婆話要飲下午茶,是但啦,個女又話要去.

過到富乜差不多3點鐘,好易有枱,重係卡位,三個人大細碟叫了6碟嘢,個女找數121元,

茶後自己街市買斤芥菜4.5蚊返歸.

夜點我來煮飯,今晚餐料有,雞全翼2隻,,胶筍約4蚊,芥菜4.5蚊.

 胶筍炒雞翼,

 灼淥芥菜.

 

切埋兩隻蕃茄.

  

三個人食.

飯後沙律

天昏天喑母親節

今日整日烏天地喑,時不時落場大大雨,環境氣氛特別平靜,街上無乜行人,今日除咗大乜樂食個下午茶餐外,整日匿響企,不是上網便是看電視,電視看兩嘢就恰眼瞓,恰夠又是看電視.大雨起來望望街,無無聊聊又一整天.

烏天地喑

 最大雨起來看不見對面屋邨.

 6點鐘個仔放工到,買有老婆柯打的凍肉,有火腿,火雞腎,全雞翼,同一件牛扒,幾多銀我就唔知囉?相信員工價貴唔去邊?

今日子女話事,老婆係主角,我這個閒人只懂等住食.

個女同個仔冒雨買外賣.

 

唯一老婆做的是沙律.

 

飯後夜點,母親節食蛋糕,

母親節快樂