今日又整朝落著雨,下午老婆要同個女出旺角取淘寶嘢,誰知成兩點鐘老婆才叫醒個女,個女又大發雷霆,話太晏叫佢,真不知佢兩母女點溝通,話知你,你有你們趕出旺角,我就好少理,難得無雨落,過大圍行轉,都明知無嘢好買,至在郁吓行吓.
中午還未有嘢到肚,過到大圍櫻桃,5蚊買兩隻麵包咬吓,然後行街市,自從街市大裝修後,都行少範,行轉街市買有茘枝一份10蚊,又幾甜啵,買箱16樽裝雞精165蚊,返回自己街市蕃薯,茄瓜同個洋葱都唔記得幾銀,三樣合共11.4蚊.
回家老婆同個女都番了來,淘寶下買咗啲咁嘢,有文件袋之類,一支金色嘢,美容嘢嚟卦?唔識?同兩隻手錶,
還有件咁嘢.
拆開係地拖連桶一套.
又幾盞鬼,車得幾快.
錶大隻是我,白色是老婆的.
另外個女又買8支細紅酒,10蚊支喎,唔飲酒的我,佢話好抵喎.
今晚餐料有三文魚骨腩,茄子一條,蕃薯半條,洋葱一個.
煎後一鑊油
黑椒三文魚腩炒洋葱
腐乳蒸茄瓜
兩個人食,今餐盛惠約14蚊
飯果茘枝.
核好細,須然青BB,出乎哋幾甜.
淘宝好多嘢買，但我未買過，亦未上過呢個網，貨品不是郵寄到家嗎？
回覆刪除電腦網路太多了，剛上了now看山步行，介紹香港行多的行山路線，非常好看，原來香港有咁多靚景。
三文魚骨腩，當然多油啦，不用落油煎都煎出很多油。
茘枝品種叫妃子笑，你咪睇佢青青綠綠，吃起來很甜，核又细，價錢平，我最鍾意買呢種妃子笑食，願來你也鍾意妃子笑。
隻錶條帶啱不啱帶，如要改短怎搞。
係呀,好平,我諗好多香港街邊檔貨,都係淘寶嘢都似?行山我對腳唔得呢,我都好想行,
刪除下次要買三文魚尾骨至得,腩太肥,煎出一鑊油,好誇張,
係呢,睇佢唔出都甜,諗住買來試吓,又唔貴,10蚊一大兜.
隻錶幾拾蚊,加幾蚊有個拆錶帶器,有圖教點拆,
淘寶嘢,要買平嘢,太貴分分鐘得不賞失.
白色陶瓷錶我想買好耐, 香港買好貴! 你果隻幾錢呢?! 我都有好多野想淘但又唔識, 好似好複雜咁, 你搵日寫篇blog教人點淘都好!
回覆刪除哈!我都係一知半解,係老婆問買唔買呀?我才順帶買隻錶咋,老婆隻32人仔,嘥氣啦,好易甩磁架,幾拾蚊嘢貨仔,得個樣咋,淘寶貴嘢,分分鐘得不賞失.
刪除照我所知,要淘寶網登入做會員,然後買嘢,揀付款形式,揀邊度取貨,多數要運費,要買多些計吓條數值不值囉,揀貨到自己屋企貴啲囉,多人淘寶生意應運而生,見個女用旺角一間專做淘寶速遞,集中運費平得多,見個女上網check住自己貨,又話到了深圳,同齊香港才出旺角取,重話收貨無問題,唔知7天定10天才放錢,保漲買家喎.
或者你上淘寶網研究吓囉,你咁叻得既.
茘枝咁青都咁甜，幾好呀。 如果D酒太便宜要小心呀，可能有甲醇(工業用酒精)。
回覆刪除哈!酒是惠康買的,紅酒既嘢,係平嘅.
刪除青BB估佢唔到都幾甜.