工聯會睇耳鼻候科,好快又過了11日,藥又食足,但一點進展都無,今日安排2點半鐘,旺角做過聽力測試,1點半鐘出門,搭程趕到以經2點半鐘,順利上到去,原來已經叫名輪到,入到去一間房仔,還有間隔音細房仔,測試師係個女人,先叫老婆過隔鄰中醫部等,測試師先行用儀器鏡望過兩耳,然後用一支棒耳塞一樣,有條電線駁入部機,係咁伸出伸入,兩耳做輪,就入去個細少隔音房,笠上耳筒,叫當聴有聲就撳制喎,聲又大至細,簡中一吓,聽到就撳,兩耳測試完,又到測試耳背後頭骨,同樣笠上只不貼住耳背後頭骨,都係一樣有聲就撳,最後用雜聲來干擾,又係聽到就撳制,每次都話幾好,心諗成日話幾好,都唔方差,如此下一做25分鐘,測試師叫我過中醫部等報告,又叫可以預約期一睇醫生.
見咁冷清又無人跟住做,老婆對耳週時撞聾,不如試問句以可做埋?於是問句測試師,可否同我老婆做埋,佢話可以,撗掂有空檔,等陣過來幫你太太登記做埋.
反回中醫部同老婆講,老婆又肯做,等咗陣則試師來,即時同老婆登記,盛惠100元正,交過錢,老婆便過隔鄰測試房做,等咗半小時老婆做完出來,不久測試師來交告報,話老婆無問題,幾好節節平穩向上,即時交過一張報告,我就差節節向下,佢話報告會過去觀塘診所交過醫生喎,唉!大佬唔好節節都話幾好吖?搞到我大失所望,報告係咁都無偈.
離開診所行去最多水喉潔具賣砵蘭街一帶行行,見到有套三速裝花灑賣85蚊,平都有75蚊,老婆心癢,是但啦,就執套85元走人.
買完套花灑老婆嗌肚餓,就喱間全統粥店食粥,下午茶套餐,一粥一油器24蚊,兩人48蚊.
搞掂行去最多果賣廣東道,係咁行來行去,足知買有鹹皮蛋6隻11蚊,柑5隻10蚊,瘦肉18蚊,蒜頭5蚊,最後買埋早餐方包8蚊,旺角街市搭程車返歸.
回家老婆話煲啖湯,我就攰得要C,攤上床瞓,又瞓唔著,重越瞓越覺寒,唔通賴嘢?瑟縮一舊到8點鐘,夾硬起來煮飯.
煎食剩蝦米池.
蝦米粉絲娃娃菜
老婆煲的瘦肉藥材湯.
好無胃口求其爬半碗飯算.
飯後大隻柑.
你保重呀，呢家流感期，出入冷氣要多穿衣。
回覆刪除衰咗啦,冷襯都似,整日占寒凍.
刪除多多保重休息多一點
回覆刪除係呀,瞓咗幾日,發冷一樣,無離開過床,今早才好些,多謝關心.
刪除我约十幾年前曾在瑪麗醫院做聽力測試，原來十幾年後，看你的形容，是和我一樣，但我不須等報告，即時告知我，我十声中聽到五六声掛，太耐不記得了。
回覆刪除你又不舒服，夾硬起來煮飯，我知病了會很攰，因為我也一樣病到嘔，今天也不想返工。
病了你也有心機煎蝦尾池，因煎魚要花工夫。
其實即時會有報告,但我係醫生轉介,要去番醫生處,我老婆自己來就立即有比囉,
刪除係呢,好易賴嘢,瞓咗幾日凍到不願離床,涼都無沖瞓幾日,瞓到週身骨痛,連洗手都怕,今早才好啲,應該無事.