越來越聾,搞掂一煩事,人仔有著落,下午茶拮嘢,晚飯三人食.

越來越聾

耳嗚已來,越來越好瞓,亦是越來越嚴重,每晚一上床閉上眼睛,只聽到吱吱吱,整個人就像墮入太空一樣,便隨隨瞓著,昨晚不例外,昨晚12點未夠就瞓,一瞓又今早10點鐘,大昏迷一樣,聽覺功能以經退化,電視稍細聲以經聽不清楚,4%聽覺都唔知有無?

每年一煩.

每朝一樣吃過早餐,搞掂一切事務便上網,突然醒起信用咭年費,每年都係要至電問匯豐,究竟你今年收不收我年費?這個動作己經做了10幾年,真係好煩,一個不小心過了期被扣,須然攞得返,但都麻煩.

於是至電熱線,熱線內容又變動.撥餐懵都能到人手接聽,好彩個女回來,後生仔女用慣咭,成日同咭中心講數多,係醒好多嘅,迂迴曲折終於撥通,又話我信用良好,又免我一年喎.

收線後同個女講,咁Q煩,年年要記住,揾日CUT鬼咗佢,換張ETC好過,碌咭家嘢真係什少用到.

人仔有著落

兩點多例行外出揾食兼買餸,過市心先行銀行打薄,打完又另間,無晴晴老婆要撳錢,撳完又話要入內唱散錢過年封利是,於是陪同一齊,順口問句柜枱,人仔定期利息?哈!竟然話有,定期半年,年息2.96%,都無謂考慮,嗱淋扑鎚,多口問句,早前問過好幾次都話無,佢話今日至有咋,又會咁好彩?踏入05年,問過好幾次都話無,只有基本息半年0.8%.

中午至經濟.

搞掂後行去瀝源食吉野,夠大間又無客,食得舒服,

 每人食個飯餐,坐輪又開始買餸.

買有中雞翼兩磅32蚊,薯仔2蚊,生菜2蚊,瞓覺蝦20蚊.

 今晚蝦就無煮到,其他料有薯仔生菜4蚊,蜆肉,洋葱,雞蛋兩隻2蚊,雞中翼7隻約10蚊,

 

老婆同個女落街,回來整碗咁既黑白嘢我歎,還有細細粒咖哩魚蛋,真係幾拾年無食過,有乜咁好食?真唔明啲人排晒隊買?

 開飯咖哩洋葱薯仔煮雞翼.

 蜆肉蒸水蛋.

 淥生菜.

 開飯三個人食,我就無胃口,爬兩粒算.可能啲黑白嘢同魚蛋卦?