耳嗚看專科.

自2014年7月中開始耳嗚,看過西中數次,中醫針炙6次中藥30劑,還是無辦法,12月23日為有再看政府街症,希望能轉介看專科,結果即時轉介,可惜排期要等到2015年8月尾,無計可施為有等.

12月27日醒起工聯會,於是上網一摷,原來係有耳鼻喉專科看,於是至電一問,誰知醫生放假,叫1月2日星期五再約.

由於工聯會幫襯過脫牙唔少,約襯都要一頭半月,於是1月2日晨早8點半鐘至電預約,一約鈎晒頭,竟然星期一晨早8點15分,由於耳鼻喉科每星期只得星期一一天應診,8點半點鐘開診,莫非我係頭籌?又會咁少人預約?問過大約價錢,佢話200多元不等,是乎症狀,於是約定.

2015年1月5日今天,昨晚較定閙鐘7點15分,晨早10點半鐘已經瞓,一覺今晨7點未夠便醒,起來個女同老婆都話要去,係都要去無偈?咁就齊齊出門,大家樂每人食個早餐.

8點55分巴士出牛頭角,晏就晏咗啲,心諗一約就頭籌,遲些應該無問題?結果大老山隧道稍塞,去到工聯會8點42分.

嗱淋登記,交過身份証老人証,眼見10號籌,坐下等叫名,望吓週圍,看病人都幾多吓,有普通科西醫1個,有牙醫不過未開診,耳鼻喉科一個,等候期間只不過10多分鐘,都見看了好幾個,跟住姑娘叫有誰未看耳鼻喉專科,於是出聲,原來我還未登記好,於是立即叫我見醫生,看來可能我是最後一個,這才明白什麼叫直至完籌.

老婆個女三個入內見醫,坐下講述我耳嗚歷程過佢知,可能好多佢係唔須要知,好快就問我現時情況?怎樣耳嗚聲音?還有什麼,我話個鼻早兩年就水一樣,今年就較稀鼻涕,昨日大量鼻涕塞得好嚴重,今日又無乜事,鼻水有啲,但同昨日天淵之別,佢一路問一路寫,跟住用儀器睇過我兩耳,又個發聲儀器,響耳邊發聲,問我聽不聽到,又貼住我耳後個頭響聲,問有無聲,明顯大聲得多,跟住睇過鼻吼同喉嚨,然後話好大機會係耳血管收縮,無血到弄至神經細胞死,問我做不做聽覺測試,我話好吖,開啲擴血管藥我試同鼻敏感收鼻水藥,跟住外便等取藥同預約聽覺測試,攞了藥預約埋聽覺測試走得.

 離開診所9點半未有,見有班婆婆,有條後生仔響度,又成班婆婆,但又沒有公公?見婆婆同條後生仔換散銀?究竟搞邊科呢?於是埋去了解吓?條後生仔話健康講座,婆婆又話買嘢呀,買日本嘢,行過啲一睇,原來間叫乜乜小鎮,好多區都有,唉!都不知是否真的對老人家有用?

 

離開前往觀塘地鉄站方向,見將拆卸觀塘最旺地標,好快就消失.

回家只不過10點45分,兩種藥連診金434元,聽覺測試90元,合共524元.

其實早前看過這套片,已經覺得好類似?