習慣以成,游水1000m,下午茶拮嘢,三餸無湯三人食.

越來越衰,自從老婆返工後,每晚不論早瞓遲瞓,一律無價講,晨早5點鐘便醒,真大鑊?看來以成習慣,瞓不返望住老婆返工,收音機聽歌仔樣樣出齊,C狗一樣無辦法,為有爬起來,洗個面上網,聽見財爺揾隻歌仔形容當今處境,我又湊湊熱鬧,播佢來應應.

上陣網早餐,辦妥一切事務,又來恰眼瞓,一恰又12點鐘十月圍城,看後搽兩片麵包食,執齊行裝過源和路游水,天陰陰無太陽,有點涼感覺,稍熱身下水,先來500m,老婆加班放4點鐘,大把時間,上池面沙灘椅攤唞吓,15分鐘後又下水,300m再來200m,湊夠1000m,時間啱好3點半鐘走人.

更衣室搞掂一切,同員工呀王吹水兩句水又4點鐘,老婆收工來電,又話過大圍拮嘢.

大圍食拮嘢,我雞飯20蚊,老婆食乜鬼湯烏冬22蚊喎.

餐後買餸,買有方包9蚊,有人柯打要吃蕉喎,咁就走上惠康,但無特價蕉,為有4蚊磅秤7隻9.4蚊,好貴既呢?有人又要柯打洋葱,西芹同紅蘿蔔15蚊,我就齍買2蚊韮菜返歸.

 回家以經6點鐘,開電腦上網,大鑊聯不上線,好彩虛驚一場,寫陣blog煮飯.

今晚餐料有韮菜2蚊,豬扒兩塊6.3蚊,雞蛋兩隻2蚊,南瓜約1.5蚊.

 

蒜頭豆豉煮南瓜.

 京都豬扒.

 滑蛋韮菜

 兩人食先一留飯餸,今餐盛惠約12蚊.

飯後果依然木瓜