相當好瞓,鼻無事,老婆放假,家居改革,電線插蘇大轉移,早晏大家樂,全體人員大執屋,晚飯當宵夜5人食

昨晚好早,未及12點以經瞓,一覺6點鐘醒,去個所好快又瞓返,瞓到今早8點鐘,稍賴起來,相當好瞓,鼻子全無事,同昨晚飯後個鼻惡劣到兩回事,老婆今日放假,洗個面搞掂一切,早餐得兩塊方麵包,夠我定老婆食,不如就落街揾樂哥,帶埋心臟藥同老婆落大家樂,老婆食個炒麵餐,我就糯米雞餐.

 餐後諗諗落雨天,去得邊?又諗起家居改革個隱蔽插蘇,起初諗住鑽個洞,帶條拖牌過隔離間房用,諗吓諗吓當塞滿嘢,著起火上來,真係有排知?,都唔係啦,不如襯老婆放假,整條插蘇電線搬過隔離房,一勞永逸,安心得多.

回家立即開工,搬開層板上垃圾,關大制,拆插蘇拆電線,然後頭尾屈過板間,過隔離房,釘番條電線,駁埋個蘇底,由於電線長度緊長,好有難度,後來還是舒服哋駁好,跟住返回隔離釘番好另條電線,由於層板太深,要瞓身入去做,終於完成,跟住輪後到條鋁吊,由於先前無料臨時駁條吊住,於是換過條新鋁,搞掂後老婆同個女善後,我就執架生.

 

搞掂一切成3點幾4點鐘,齊落大家樂食下午茶餐,每人食個茶餐.

 餐後兩母女返歸,我就獨自單車過大圍買餸,途中遇見街坊盧,哈!你都有今日,見到我就呻,話中銀坐艇喎,心諗等你話打我打大風都執唔到塊樹葉?呻輪股繼續過大圍.

大圍回來買有蕃石榴10蚊,粟米三支10蚊,芥蘭菜7蚊,紅蘿蔔6蚊,老薑10蚊,合掌瓜兩隻5.5蚊,豬扒4件10.4蚊.瘦肉10蚊.

 返歸個仔以經到,房間墻身上油,老婆就煲落個齍湯,湯料有粟米一條3.3蚊,合掌瓜5.5蚊,紅蘿蔔6蚊,蜜棘兩粒.

我就上網,上網前至電個華仔,諗住送兩打勞工手襪過佢,約好收工來到樓下比過佢.

6點半鐘華仔到,送過手襪過佢,吹輪水各自返歸.

回家全體動員執屋清場,掉走大批舊衣物,及大批老番CD,CDV,全部無得留低.

老婆煲落咗湯,我來煮飯,有芥蘭7蚊,瘦肉10蚊,雞蛋三隻3蚊,鹹蛋隻2蚊.

蒸水蛋

鹹蛋蒸肉餅

灼淥芥蘭菜

蜜棗,粟米,紅蘿蔔,合掌瓜煲牛榜

夜個新抱收工上來,開飯5個人食,今餐唔計牛榜蜜棗,盛惠36.8蚊.

 飯後果蕃石榴