睡來尚可,游水800m,整冷氣機架,晚飯三人食.

昨晚12點鐘瞓,一覺6點鐘醒咗,老婆在返工,聽著收音機半瞓下到8點才起來,睡來尚可,鼻水少咗噴嚏無咗,耳鳴輕微差不多.
早餐後搞掂一切又9點半鐘,個市又開,恆指低開跌191點,國指跌65點,而我又關電腦看神的晚餐,越來越唔好睇,好想佢快點結局,了件事.
上吓網看吓電視,恰吓眼困又一個上晝,都好耐無去游水,中午食幾條腸仔,1點多啲鐘去游水.

過到泳池搞掂一切,1點40分下水,泳客唔多,多雲太陽遮吓,游得舒服,500m稍唞300m夠皮走人,更衣同呀王吹水,一吹又3點鐘過後,老婆來電都唔知道,原來老婆要加班,放到4點半喎?
咁我就一人過大圍買餸,行轉街市無嘢好買,壽司開緊個外賣架步,不如櫻桃買早餐麵包先,櫻桃買磅麥方包9蚊,見有點肚餓,5蚊買多兩隻麵包頂肚,返來壽司鋪以經好多人,有魚頭有魚骨同魚腩,魚頭以經加咗價,早兩日賣23蚊搭獅子狗,今日要25蚊,魚骨8蚊抵食,執咗一盒以經無,比完錢,正想離開,見有人揀完後放回下去,我又執多盒比錢走人,返回自己街市,買兩扎紅莧菜8.5蚊返歸.

回家4點半鐘,上陣網老婆放工返到,我亦係時候出葵興整冷氣機架.

約好華仔6點鐘,葵興站對面麥記等,去到還未及6點鐘,等咗好一會華仔才到,說榮哥響度,那時真係想打退堂鼓,華仔又話唔怕,話榮哥無所謂,唉!是但,

上到去為有叫聲榮哥,原來榮哥要趕住關門走,華仔,嗱淋開工,一時忘記叫佢用幼料,點知佢以經開咗寸半各鉄料,見榮哥幫埋手,要趕住關門走,唉!是但,無謂窒頭窒勢,由得華仔做,擒擒青趕好以經7點20分,扎起孭住走,重料好鬼重,孭住行去巴士站,鬼咁遠行得我CC,去到站剛好有車,咁就拜拜.

 回家以經8點半鐘,嗱淋煮飯,有三文魚骨食半4蚊,兩塊豬扒5.7蚊,紅莧菜8.5蚊.
煎豬扒

三文魚骨滾紅莧菜.

 

有人不吃魚,為有瘦肉滾開食.

趕頭趕命三個人食.