滾滾紅莧,炒炒米粉,兩個人食.

今日買料有秋葵兩包10蚊,紅莧菜4.8蚊,蝦仔10蚊,韮槊蚊.

 今餐料有紅莧菜,秋葵,洋葱,火腿,沙葛,米粉同蝦仔.

有乜炒乜米粉

 蝦殼滾紅莧

 兩個人食.

飯後果昨日榴槤.

張玉霞~那英 征服

邓丽君转世！邓丽君和朗嘎拉姆的歌声对比，结果惊人！

今早起來早餐未食,網上新聞發現到佢,真係似得交關,鄧麗君好懷念你.

老婆放假,沽貨執啲,下午茶食呀活,百無聊賴行宜家,晚飯兩人食.

昨晚臨瞓被套劇楚漢吸引住睇咗一半成12點半至去瞓,一覺今晨6點半鐘醒,去個所出來廳梳化攤陣,結果挨咗半粒鐘,都係瞓唔著,老婆放假亦瞓醒,洗個面搞掂一切早餐.

餐後各自上網,佢遊戲我昅股,由於有隻股到心水價,於是整朝為隻股,想好點價錢沽出,結果係徒勞無功,一沽就升,唉食多食少都係整定.

家居改革諗唔掂,整朝在家無建設,困咗半日人都癲,2點多鐘一於趕老婆出街,家居改革諗唔掂,一於過宜家取吓經.

兩公婆坐程小巴過中央市廣場,廣場無嘢啱食,還是大快活,兩人消費55蚊,醫好個肚行宜家,相安無事行到廚房部,唉!大獲,水滾,宜家之大係人都知?兩公婆有得睇無幫襯,迅速哋看吓便離開,廁所就在出口,舒服晒.

離開宜家老婆話要買染髮水?咁就萬乜睇輪,揾啱心水諗住去藥房買,途經卜佳,嘩!榴槤9.9蚊磅,其實早幾日已經見到,但太多人揀,都係無謂同人逼,有乜差池,中招就唔抵,今日見無乜人,於是埋挑番個7.33磅72.6蚊,老婆貪新嘢12.9蚊買份珍珠菇,行到燒味檔,都好耐無買過燒味食,就買份最細燒骨28.4蚊,買埋早餐方包8.9蚊走人,離開卜佳行去藥房,老婆48蚊買盒染髮水,買後兩公婆孭住一大袋巴士返歸.

 返歸以經6點鐘,放下買來的便上網,唉!上不到一陣網,老婆叫幫佢染頭髮,免其為難,染到我一手都係.
夜點煮飯,菜料有火腿同蝦乾,娃娃菜一棵1.7蚊,珍珠菇一個6.5蚊,燒骨28.4蚊,

 火腿蝦乾珍珠菇浸娃娃.

 外賣燒骨

兩個人食,今餐唔計隔夜湯,火腿同蝦乾盛惠36.2蚊.

 

飯後果榴槤.

冬瓜湯,釀膠筍,蕃薯葉,砂糖茄,4個人食.

今日買料有火龍果4隻10蚊,冬瓜6蚊,蕃薯葉三扎5蚊,蒜頭三串8蚊,沙葛兩粒5蚊,膠筍四支5蚊,娃娃菜包4.9蚊,瘦肉10蚊,蝦仔10蚊.

 

今晚餐料有冬瓜6蚊,蕃薯葉5蚊,瘦肉10蚊,膠筍5蚊,蝦仔10蚊.

 老婆剁好瘦肉蝦膠,煲落個蝦殼薏米赤小豆冬瓜湯,我來釀膠筍.

 煎釀膠筍

 煎瘦肉蝦餅

 腐乳煮蕃薯葉

 沙糖蕃茄

 蝦殼薏米赤小豆蜜棗煲冬瓜

 4個人食.

 飯後果火龍果.

心醒人唔醒,補番條單車呔,大圍拮嘢,麥記雪糕,晚飯蕃茄湯,腐乳茄,三個人食.

 今早上輪網攰攰哋,攤響梳化瞓著,好衰唔衰心醒人唔醒,爭扎咗好耐,心諗唔通就咁過埋喱世?後來唔鬼理佢,等咗陣才醒,嚇得我一額汗,不敢再瞓.
唔敢瞓就補單車,單車昨日篤爆,好唔方便,補完條呔望吓個市嚇襯,恆指跌成700點,真大鑊.
3點鐘老婆放工,齊齊食拮嘢,行輪街市麥記食雪糕.
 行轉街市買來菜料有,麥精豆奶兩包14蚊,開平腐乳7.5蚊,魚露10蚊,乾葱兩包5蚊,蕃茄4隻7蚊,草孤10蚊,茄瓜3.5蚊.

今晚餐料有蕃茄3隻5.5蚊,雞蛋2隻2蚊,草孤食半5蚊,獅子狗4蚊,茄子一條3.5蚊.

獅子狗,草孤,雞蛋煮蕃茄.

 腐乳蒸茄瓜.

三個人食,今餐盛惠大約20蚊.

 飯後果蘋果,牛奶蕉

粟米雞扒,節瓜鹹蛋,白豆腐乳,4個人食.

今日買餸中招,釘拮爆呔,唉!真大鑊,真係屋漏兼逄夜雨.

今晚餐料有白豆3.5蚊,雞扒兩件12.5蚊,節瓜兩隻5.5蚊,鹹蛋一隻2蚊.

 

粟米雞扒.

腐乳白豆

 

鹹蛋滾節瓜

4個人食,今餐唔計腐乳粟米容,大約23.5蚊.

飯後果蕉,牛奶蕉12.5蚊.

 

牛奶味既牛奶蕉

 

點到即止,無事LU.

三文魚骨滾莧菜,隔夜豬扒,兩個人食,昨傷手指,真嚇C.

今晚餐料有三文魚骨半條4蚊,紅莧菜6.4蚊,隔夜粟米豬扒.

三文骨滾紅莧

兩個人食,今餐唔計碟隔夜餸,盛惠10.4蚊.

 

昨晚斬傷手指,原來並不太嚴重,昨晚真係嚇C?

睡來話差唔差,攰到C,整日在家,下午茶大家樂,買光管賣廢鐵,寄冷機保養信,斬崩刀傷手指公,晚飯人齊食.

昨晚出埋編卜,搞兩搞又成1點鐘至瞓,瞓至4點鐘,又被個鼻敏感醒,無得瞓,為有又走出廳坐住瞓,瞓至6點鐘老婆返工,我才返回床瞓,哈!又無事,咁又瞓到8點鐘起來,睡來話差唔差.

洗個面上網,他媽的連不到線?咁就大劑?又奇怪10多分鐘後佢又連上,咁就執吓昨日編卜,一執又9點鐘,整早餐食,搞掂一切9點多10點鐘.
昨日粗勞咗一日,攰得CC,我女瞓醒,好話閙鐘響唔叫佢喎,唉!真係照顧你一世咩,?個女起來整理佢啲什物,砌好佢啲書上架.
我一於唔郁手,實在太累,12點鐘醒起雪柜內舊子薑,於是張佢切片,用醋糖醃酸薑,2點幾鐘發覺冷氣機保養書無人填表,於是填好諗住老婆放工,順便拿去寄.
 

 
 3點多啲鐘,臨出門又醒起個超重冷氣機鐵架,不如順便拿去買,超重鐵架拿去一秤,得7斤3.5蚊喎?問吓爛鐵幾錢斤,原來5毫子,重平過廢紙,唉!是但啦,唔通拿返轉頭咩?

 搞掂個鐵框過大家樂,同老婆下午茶,問聲老婆郵票幾銀,原來1.7蚊喎,貼咗1.4蚊郵票唔掂,跟住個女到,每人食個下午茶餐.

 餐後買餸,買有芽菜4蚊,豆腐4.5蚊,蕃茄薯仔7.8蚊,韮菜2蚊,老婆同女返歸,我就買光管48寸13蚊.

 買完光管回家,按好後call同大廈位環保先鋒娥姐來拿走,我就拿封冷氣機保養信去寄,順便拿埋支壞光管去掉.

回來老婆打機,我就處理今晚餐餸,諗住斬開舊金華火腿骨煲湯,誰知斬崩刀,更不幸再斬時斬到隻手指公.

 

唉!都頗深吓?睇住血湧出,嗱淋撳住止血.

下來為有老婆主理,老婆煲落個湯.

今晚餐料有洋葱,豆腐,芽菜,薯仔,蕃茄,韮菜,火腿,豬扒同金華火腿.

6點鐘個仔上來房墻身上油,夜點還是我煮飯,新抱來到開飯.
粟米豬扒

 黑椒干煎豆腐

走光洋葱火腿芽菜炒韮菜

火腿蕃茄薯仔湯

 5個人食,

 飯後果還是蕃石榴

 

飯後雪糕