腳痛消炎藥又搞掂,大圍大樂下午茶,麥記雪糕,晚飯4人食.

昨日聚舊回來,右腳膝位內則條根,以經開始扯住痛,食完晚飯更加行不得,要用拐杖撐住行,以經痛得要命,臨瞓前為有食粒消炎藥,這晚以經郁不得其正,稍為伸吓都痛.

就住就住瞓到天光,接近6點鐘醒,起來隻腳似乎好咗啲?但依然要楝住拐杖行,早餐都無謂搞,倒杯麥精搽件方包食算,餐後繼續食粒消炎藥,由於瞓唔好,藥後繼續梳化瞓.

瞓醒以經11點鐘,隻腳以經無事,只係伸展吓還有些痛,無所事事又youtube,煲劇到3點多啲鐘老婆放工,對腳以經可以單車過大圍.

大圍同老婆食大家樂,每人食個下午茶餐,餐後買餸,759又有折,早餐剛巧飲料無晒,惜逢鮮奶7折,行過睇過,到係買完餸才來郁你.

 行轉街市,真係唔識買,途經麥記,少有冷清清,同老婆又入去食杯軟雪糕坐吓,喱輪麥記wifi,硬係連不到線,今日不例外,連不到線坐陣便走.

買完餸759買埋鮮奶,就推著單車同老婆踱回家,今日涼涼哋,結果都係身水身汗返到歸.

回家以經6點鐘,買來有759低脂奶4盒36蚊,全脂1盒10.2蚊,佳寶泡打粉7.5蚊,多春魚15.8蚊,雞全翼5隻14.7蚊.

 今晚餐料有雞全翼14.7蚊,南瓜1.5蚊,菜芯5蚊,臘腸1條,

 

 

南瓜飯1.5蚊

 臘腸炒菜芯

鹵水雞全翼

 香煎多春魚

 

蝦干蒸公魚干

  

4個人食一夜返,留飯餸,今餐唔計蝦干,公魚干同臘腸,盛惠37蚊.

 

飯後食埋舊西瓜.