昨晚未來戢士,睡來唔錯,市況愈下,游水500m,下午茶拮野,晚飯4人食.

昨晚飯後個仔無晴晴插部小米,話睇套未來戰士(創世智能),搞一大輪線,插埋套HI-FI,電視新回來幾年,都無插過其他配件,插起來又幾好啵,十足戲院feel,今時今日科技,功能多多,好多功能都無用到,根本唔識用?
畫靚聲靚,可惜字幕簡體字,就算繁體,快到咁都睇唔切,都係一舊雲?都係有配音好,刺激吓眼睛耳仔又11點鐘,我都係頂唔蒲,要上床瞓.
一覺今早7點半鐘醒,又幾好啵?鼻無事,好可能6點幾鐘墊高枕頭瞓,起來鼻水小許,呻兩吓打幾個噴嚏,以經無事,洗個面早餐,辦埋個大事.
搞掂一切又9點半鐘,個市又開,唉!大市又跌,恆指低開45點,好快以經200點過外,個市越放越下,真大鑊,旅行回來鬍鬚未剃過,鬍嘞突,剃鬼咗佢,希望轉過好運?
上輪網累到c,攤響梳化恰吓又12點鐘,差點忘記看楚漢,太攰看吓又恰著咗,看完又1點多鐘,好唔掂成日恰眼瞓,一於去游水.
執整游水嘢過到泳池,搞掂一切兩點鐘下水,太耐無游,都係續100m來游,游吓唞吓,湊夠500m起錨,更衣室沖完個涼,又同員工呀王吹陣水.
3點多啲鐘老婆放工,又約同大圍食吉野家,每人食個下午茶飯餐,餐後買餸,途中又遇街坊盧,我笑笑口話喱輪C未,等你話打大風都執唔到塊葉,條友又呻唔見咗幾多幾多,訴輪苦水,行到麥記見有位,同老婆食雪糕坐陣,買輪餸返歸,游完水太累,叫老婆搭程火車,我就踩車返歸.
回家買來有水蜜桃7個22.5蚊,油麥菜5.8蚊,梅菜9蚊竹薟魚10蚊,半肥瘦18蚊.

今晚餐料有油麥菜5.8蚊,魷魚半條3.5蚊,竹薟魚10蚊,半肥瘦18蚊,雞蛋1隻1蚊.

酥炸竹薟魷魚圈.

梅菜蒸肉餅.

灼淥油麥菜

 

4個人食,今餐盛惠約40蚊

飯後果走光水蜜桃.