鼻敏感又到,整個上午看youtube,下午茶拮野,麥記雪糕,三文魚骨中伏,晚飯兩人食.

早兩晚食粒鼻敏靈,舒服咗幾晚,昨晚瞓到5點多又來料,鼻水壓鼻痛醒,為有笠隻耳筒聽著歌挨梳化坐住瞓,瞓到6點鐘老婆番工拍醒,又返回床瞓過,才瞓到8點鐘,醒來洗個面早餐,餐後搞掂一切,鼻水亦呻足兩粒鐘才停.

搞掂一切無所事事,不如mytv睇早一集楚漢,睇完諗起網友話,個似鄧麗君的個朗嘎拉姆好快就被淘汰?好奇吓上youtube摷摷,從來未認真睇過的中國好聲音,戴個耳筒一睇就一整集,係好唔錯,唱的水準好高,氣氛好無冷場,導師同導師窒來窒去亦好搞笑,個似鄧麗君唱得係好似,可惜場合潮流唔啱,唱首歌就out咗,不過都比足面,可以同周杰倫合唱番首歌,算攞番個彩.

看完集中國好聲音又攰又眼瞓,攤響梳化瞓著.

瞓醒以經3點鐘,老婆放工約同大圍食拮野,吃後買餸,行得咁上下,又同老婆麥記歇腳食雪糕,吃後坐夠,同老婆推著部單車踱回家.

 行轉街市買有雞蛋一排25蚊,方包9蚊,豆卜5蚊,豆腐3.5蚊,三文魚骨8蚊.

 三文魚骨打開,大鑊,中伏,係面頭塊係骨外,全部魚鰭魚脊魚腩碎,

 中伏都無偈,今晚餐料有三文魚下欄8蚊,豆卜食半2.5蚊,珍珠菇半個3.5蚊,秋葵約4蚊,娃娃菜食一棵1.5蚊.

炸三文魚下欄.

豆腐,秋葵,豆卜,三文魚骨滾 娃娃.

兩個人食,今餐大約19.5蚊.

飯後果火龍果