整晚未瞓過,心思思唔做唔舒服,齍睇無賭馬,晚飯5人食.

昨晚出埋編卜又成1點多鐘至瞓,夜瞓咗瞓唔著,諗來諗去,點解無落水喉膠布,須然無漏水,但好唔舒服,就係咁成晚無瞓過.
6點鐘起來,笠個耳筒走出廳梳化瞓,賴到7點多鐘,奇怪重未見個仔返工?於是撥個輪過佢,掉....原來唔知醒,重話叫埋個家姐起床,咁攪法食蕉都得.
賴到8點多啲鐘起來,望吓啲水喉,又幾好吖,無乜點漏,獨係龍頭度漏,無落水喉膠布,硬係耿耿於懷,唔做番唔舒服.
於是乎食埋個早餐,搞掂一切,一於開工加膠布,續個梳結拆開,由於大制失靈,閘不住水,於是要鬥快,唉!又要割走銅喉面啲膠,啲水係咁湧出來,搞到廚房水浸,梳結貼墻又窄,卷膠布困難,兩日來都係咁,都唔知浪費幾多食水,今期水費就濃,足知搞掂,但廚房就水浸.

 

 
搞掂又輪到個舊龍頭滴水,唉!搞極唔掂,看來都要買個新混合制,無辦為有貼張紙壞停用.

 清乾淨廚房啲水,諗住落街行吓,看有無爛磚頭,誰知落到街,見五金鋪有開,星期日少有有開,嗱淋返回家,拆下漏水龍頭塊膠墊,落五金鋪配,大中細三種,中嗰隻似乎細咗啲,唉!嗰一蚊雞就買粒搏吓.
拿回家按上,都係唔得,好可能薄咗啲,於是乎膠樽剪塊膠加厚些,哈!又得啵,有時啲嘢好奇妙?
搞掂又慳番幾舊,以經12點幾鐘,都係唔落街,睇城市論壇,跟住跑馬,出馬又少,睇極都唔識賭,10蚊都無買,一睇又3點鐘,老婆放工.
過大圍食大家樂,星期日人又多又嘈,啲人講嘢鬥大聲咁,食完個餐嗱淋走人買餸,
唉!以前兩個人食,還懂買啲,可以求其算.人多反而唔識,行轉街市買咗盒雪魚柳28.9蚊,買舊豆腐3.5蚊,買斤菜芯苗10蚊返歸.

夜老婆整埋隻雞,

我開罐焗豆,半罐焗豆煮豆腐同魚塊.

老婆的豉油雞

灼淥菜心苗

 

5個人食一夜返留飯餸