相當好一個早上,反彈減持,游水700m,大圍拮嘢,晚飯4人食.

昨晚12點前都瞓,一覺今早7點醒,笠個耳筒聽新聞,半昏半瞓下賴到8點半鐘,睡來相唔錯,鼻乜事都無,洗個面搞早餐食,幾年來未試過今個早上咁好,看來我的鼻敏感已成過去,昨日忘記買麵包,今早無著落,為有鮮奶麥皮食月餅.
開完個大又9點半鐘,個市又開,唉!幾日來跌到呀媽唔認得,撈底的損手爛腳,今早見高開239點,都係咪搞,蝕就蝕啦,襯反彈減持,搞掂後又10點多鐘.
11點半鐘個仔同新抱放假出街,個女瞓醒話整麵包喎,我無你咁好氣看電視.
看完楚漢1點多鐘,話知你去游水,過到泳池1點46分下水,200m稍唞200m,又200m,再游多100m夠皮走人.更衣室沖埋個涼,見有時間同呀王吹吓水,又同呀王上課手機堂.
3點鐘老婆放工來電,約過大圍食拮嘢,每人食個飯餐40蚊.

餐後買餸,行轉街市買有,蒜頭9蚊,三文魚扒18.6蚊,豬展21.1蚊,粟米12蚊,返回自己街市,惠康買排蛋27.8蚊,菜芯一斤10蚊返歸.合共89.5元

今晚餐料有,三文魚扒,菜芯,栗子,魚蛋,雞批兩隻,昨晚紫菜,蝦米一執.

 

煎封三文魚扒.

 

灼淥菜芯.

 栗子魚蛋炆雞.

蝦米魚蛋滾紫菜

 4個人食,

飯後果牛油果.

滾紫菜,炆節瓜,蒸豆腐,4個人食.

今晚餐料有節瓜4隻6.5蚊,瘦肉10蚊,紫菜,豆腐3.5蚊,牛仔骨,蝦米同梅菜.

牛仔骨炆節瓜

 梅菜肉碎蒸豆腐

 蝦米肉碎滾紫菜

 4個人食一夜返留湯餸

賽馬唔識賭,下午茶食拮野,剪髮五十五,麥記雪糕七,買餸六十四,晚飯5人食.

 昨晚邊度都無去,兩公婆食完個晚飯,望吓個月光,12點鐘以經瞓,夜所兩次就瞓到今早8點鐘,睡來相當唔錯,早餐後搞掂一切又9點多.

上輪網又12點鐘楚漢,看完楚漢馬又開跑,還是不懂賭,10蚊無買又到3點鐘,老婆放工約過大圍食拮嘢.

 拮嘢每人食個飯餐,就隔鄰剪髮,又加價,50加到55元

剪髮後買餸,行經老麥,又入去食杯雪糕歇歇腳,wifi輪繼續買餸.

行轉街市買有橙6個10蚊,鴨梨5個10蚊,蘋果4個6.5蚊,香蕉3.5蚊,牛油果兩隻6.5蚊,胡椒粉兩支6蚊,豬展21.5蚊,合共64蚊.

 

返歸都6點鐘,老婆立即開火落湯,湯料有蘋果3個,鴨梨3個,粟米1支,豬展21.5蚊,南北杏,無花果3粒同陳皮.

 

夜點我來煮飯,料有白飯魚10蚊,芥蘭苗約5蚊,蝦干蜆干公魚干,雞蛋三隻3蚊.

 白飯魚煎蛋

 灼淥芥蘭苗.

 

蒸三干

 

粟米蘋果雪梨陳皮無花果煲豬展.

 五個人食一夜返留餸.

中秋節快樂

 

 

 

 

睡來唔錯,手機轉台,大舅德福茶敍,滂沱大兩,新翠同華仔吹水,單車上電梯差點賴嘢,晚人齊食.

昨晚12點鐘手機轉台,由one2free轉去中國移動,誰知搞極都未生效,都費事等瞓覺,一覺今晨6點鐘,老婆瞓醒,我都起來睇吓手機轉妥台未?

起來試吓舊台,以經無訊號,換上中移動咭,要開機關幾次才通,試吓上網whatsapp張相又OK,睇吓youtube又OK啵,整體幾好,老婆返工後,手機亦轉妥台,我又笠個耳筒返床又瞓過.
 

一瞓竟然近9點鐘,相當唔錯,最好不過個鼻全無事,起來洗個面早餐邊上網,早餐未完,9點半鐘大舅就來電,叫10點半鐘九龍灣稻香茶敍喎,好,問佢兩句有邊個,話二佬要開工,二嫂返大陸唔來得喎?我老婆昨晚已通過電話,都話咗要開工,唉!咁遠回來探親,幾個星期咁多時間,星期日唔揀?晚上唔揀?又會平日日間?難明?話之你繼續上網.
望吓個錶,嘩!乜10點多啲鐘?早餐還未食完?藥還未食?大事還未辦?這個時候萬昌來電,都唔多講,跟住華仔又來電,說今日無工開,都唔得閒講,要出九龍灣會大舅.
嗱淋開埋個大,成10點15分出門,醒起個仔結婚,光仔啲合照相未比佢,又返回屋企攞,攞完相趕去巴士站,都差不多10點半鐘,好衰唔衰又無車,心急到C,等到10點40分才有車到,好在車暢順,好快出到德福商場,好耐無來過,望極水牌都唔見有稻香,好在個女whatsapp個地址來,響第二期,再問吓人,行舞雷公咁遠才找到.
上到去11點10分,唉!都唔知搞邊科,竟然得個三佬在,有無搞錯呀,約人10點半鐘竟然無個到?

 坐咗陣,他們才陸續到,首先佢光仔夫婦同個女同外孫女到,跟住主角兩公婆,及三佬個老婆,就係咁多.
無來的我老婆,兩個堂妹同二佬一家,回來成個月時間,何解咁安排?唉!唔識講.
坐咗陣睇啱時機,比埋個仔結緍合照相過光仔,睇得相,唔掙在比埋youtube內當日仔結緍片過佢哋看,唉!原來大舅不懂whatsapp,於是乎團敍變whatsapp教室,大講手機經.

 一坐差不多2點鐘,主角找數散場,我就話有無須要合照番張相呀,他們才說要,咁就叫呀姐代我們拍張合照,好在我叫呀姐拍多幾張,咁才有張合心水.
離開稻香各卉前程,原來外落咁大雨,唉!德福至大,我又迷路LU,行咗相反方向,終於問吓人,才找回方向.

 大雨下巴士返回沙田2點10多分,至電過華仔,原來在新翠商場稻香飲緊茶,見無雨落時間還早,於是下車過新翠,同華仔吹水.
吹水到4點鐘走人,華仔就出深水埗,我就大圍買餸,咁就齊齊推單車上圓形天橋,從來未試過單車上行人電梯,冷不提防,毫無意識下,差點跌低,好在華仔醒目,在後一手頂住我,當時望電梯郁有點暈,差點賴嘢.
同華仔分手後,我過大圍買餸,行轉街市,買有特價香蕉4.9蚊,芥蘭苗兩斤10蚊,白飯魚兩包20蚊,福花8蚊走人.

回家5點多啲鐘,個女電飯煲整麵包,

 

唉!幾千尺廚房,佢整麵包,我點煮飯?
為有夜點,菜料有福花食半4蚊,芥蘭苗約3蚊,昨日菠蘿魚10蚊,蕃茄一隻,雞蛋兩隻2蚊,司華力腸一條,芝士兩片.

 椰菜花芝士批

香煎菠蘿魚

力腸炒芥蘭

人齊5個人食.

睡來唔錯鼻無事,老婆放假,行公園,差點遺留手機,雲集餃子,759掃貨,晚飯三人食

昨晚12點鐘瞓,一覺今晨近7點鐘,賴近8點起來,老婆放假已瞓醒,洗個面齊齊上網,上輪成9點幾去開個大,幾好,出來又9點半鐘,弄早餐食.麵包得兩片,同老婆兩份食.
上輪網10點多啲鐘,都係同老婆出外行吓,地方都無乜好行,不如都係公園,過到乙明邨對公園坐,樹蔭下同老婆聊天,講吓人與人之間事事非非,一聊又12點鐘鬆啲鐘,同老婆行去禾輋,起身行咗幾步,突然有人叫住,你漏咗嘢呀?叫的相信係公園清潔工呀姐,一望原來我遺留咗部手機在櫈,嘩!真係好彩,連忙say thank說多謝,呀姐真係好人,剛才諗住試下有無wifi,之後就放響櫈度,咁就差點賴嘢.

 太陽好猛,沿城河邊行吓坐吓,
 
 一路行到禾輋商場,身水身汗,上到商場好多人,同老婆講唔通假日?原來係放學兼食晏時間,行得CC,又貢入麥記食杯雪糕偈吓.

偈輪腳頭髮長長諗住去剪髮,依稀記得商場二樓,好似有擋新潮剪髮,老婆話你自己去啦,我在這裡等喎.
上到二樓一巡,係無的,無偈,又走落地下吉豬度睇吓,係有檔剪髮60蚊位,係貴咗10蚊,但又有兩個客在等,見咁情況都係唔剪,至電老婆下來,唔剪髮就醫肚,就食八方雲集,同老婆每人食個餐共69蚊.
 
餐後同老婆踱過瀝源,過到瀝源商場,剛才禾輋都知759六折,一來到便去759掃貨,行轉759買有一大袋,折後134.8元

孭住一大袋離開759走人,行經沙田街市,又上去貢吓,買有菠蘿魚一份20蚊,蜆一份20蚊走人,由於孭得太重,其他都唔行,直接行去市廣場搭巴士.
趕到去剛啱送車,無偈為有等,在等其間有個後生仔,帶住個盲青年人,排我後便,見佢兩好好傾,睇真啲見個帶住行青年,猛咁聞手機,放到大一大來睇,這時才發覺佢係弱視,一隻眼已經全盲,好奇心下同佢傾兩句,問佢你對眼會不會好番,原來係無可能,會不會惡化?佢話係遺傳,話細時右眼還可以看見,現在都全盲,同佢講咗好多嘢,又話自己學會彈鋼琴,好鍾意巴士,若不是這樣,會做巴士司機,又話剛才去過邊度邊?又話邊駕巴士接駁不收費,傾到我下車,我話開心啲努力啲.
落車後同老婆自己街市買舊冬瓜7蚊,商場買磅方包9蚊返歸.
回家都5點鐘,759買來有脫脂奶5包38.5蚊,午餐肉10.3蚊,粗花生醬14.4蚊,幼花生醬14.4蚊,糯米糍兩盒15.4蚊,急凍雞鎚20.9蚊,魚蛋8.5蚊,芝士味雞肉腸6.5蚊,雞肉腸5.9蚊,合共134.8蚊.
 
沙田街市買有菠蘿魚一份20蚊,蜆一份20蚊,自己街市冬瓜件7蚊,方包9蚊.
 
回家上陣網老婆又話要染髮,又要我出手,免其為難終於同佢染妥.
夜點煮飯有冬瓜一件7蚊,蜆20蚊,菠蘿魚食半10蚊,火腿,瑤柱,蜆干同蝦干每樣一執.

 

清蒸菠蘿魚.

 
炒蜆

 

海味煲冬瓜

三個人食.