又失眠,上午煲劇,中午週日影院,老婆加班,隻身大圍買餸,個仔榴槤冰,晚飯人齊食.

昨晚12點鐘瞓,瞓至半夜3點多醒,瞓不返,為有笠個耳筒聽著歌瞓,就係咁死忍爛忍到天光8點鐘,起來些少鼻水,總算個鼻好過啲,早餐後,辦大事,昨晚個湯萬試萬靈,嗰然暢順無比.

搞掂一切又9點半鐘,星期日,家居改革亦大至上完成.百無聊賴又係youtube追劇,唔好睇唔好睇又廿十四集,套劇無嘢好,係啲歌仔好聽,襯托起套劇氣氛情景效果唔錯.

https://www.youtube.com/watch?v=_Cnvx23Ls_8

一睇又一個上午,關機城市論壇,跟住午新聞,看完又無所事事,剛好週日影院,東方不敗,播過好多次,沒有一次正式看過,老婆來電又話加班到4點鐘喎.
看完套不敗又3點多鐘,隻身過大圍買餸,每次都係,先來行最多人最窄最迫魚檔,在魚檔看完正轉身,佢老味吖,被個大嬸個餸藍一篤,大鑊?手臂一拮,再望吓大嬸個藍,掉...兩條勝瓜掟隊出來,大嬸捉住勝瓜掟,猛說唔好意思,唉!我隻玻璃手不用說瘀咗一撻.

繼續魚檔,今日紅衫魚多,10蚊執份6條,跟住對面街市,買斤芥蘭7蚊,已經4點鐘,老婆放工來電,叫買酸梅湯料喎,我就叫佢買薯仔同蕃茄,跟住行上佳寶刮吓,哈!又見芝士送牛油,C貪心26.8蚊又執份,買後就中興15蚊買包酸梅湯料返歸.
回家冇耐老婆亦買有薯仔蕃茄返,跟個仔放工,帶有榴槤冰皮月餅,員工餅喎,跟就講昨日樓上掉下餸渣,弄污曬晾緊衣服,唉!真係無公德心,下次一定要投訴.
 
今日買來料有芥蘭7蚊,芝士兩包+牛油20粒26.8蚊,薯仔蕃茄10.5蚊,酸梅湯料15蚊,紅衫魚10蚊.合共69.3元.

夜點煮飯,料有薯仔一隻6蚊,蕃茄5隻,雞蛋3隻3蚊,紅衫6條10蚊,白飯魚10蚊,臘腸兩條?

 白飯魚煎蛋

 香煎紅衫魚

 

蕃茄薯仔滾紅衫魚

 臘腸炒芥蘭,四個人食,今餐唔計臘腸,盛惠34蚊

 飯後果橙