半夜又鼻壓醒,家居改革,水喉完成,大圍拮野,晚飯三人食.

昨晚12點前都瞓,瞓至4點多,個鼻又唔生性,鼻水兼鼻塞壓住痛醒,走出廳梳化坐,又塞又鼻涕呻不停,呻咗輪才稍舒緩,在梳化才瞓過,一瞓又8點半鐘,睡來尚算可以,洗面食早餐,早餐後開個大,相當順暢,拜昨晚煲紅蘿蔔湯所賜.

搞掂一切又9點半鐘,個市又開,大市都係唔多掂,低開冇耐又向下跌,都無眼睇,開工做番靚個水喉枕頭.
首先填番頂住條喉個發泡個吉位,

 

稍為批番靚少少

掃浸白英坭搞掂

搞掂又12點鐘,水喉總算完成.
攤唞吓又3點鐘,老婆放工,過大圍食嘢兼買餸,拮野每人食個飯餐,便行街市,昨晚還有條烏頭未食,都無乜須要買,行轉街市,買有方包4片4.5蚊,白飯魚兩包20蚊,菜芯6蚊,包有機米個女拿回來.

返歸途中執條膠喉,回家一套,須然難啲,但都能套上,又幾好啵.

 

今晚餐料有昨日烏頭,隔夜飯一兜,菜芯,雞蛋同半個洋葱.

 

炒飯一兜

隔夜鳥頭

洋葱炒蛋

 灼淥菜芯

 三個人食.

 第十三道菜,醃酸辣椒同青瓜.

飯後果蘋果