昨晚累到C12點前都瞓,一覺6點鐘醒,去個所便走出廳梳化瞓過,一瞓又8點多啲鐘,相當唔錯,老婆放假亦瞓醒,齊齊洗個面食早餐,餐後辦個大事,確係麻麻.
搞掂一切事務,又9點半鐘,個市又開,導指帶動又升,唉!真吹漲,老婆又家務搞衛生,個妹又來電說過來,唉!見老婆做嘢我都做點嘢,就張個電視降低,唉!又個衰女瞓緊覺,都無謂響石屎鑽,為有加件板厚些,收落件板度,搞掂11點多鐘,老婆烚好花生又來幫我善後,跟住祙埋個地,今日工作總算完畢.
12點鐘正在剝定花生睇楚漢.個妹便到,送我一盒陳皮月餅,陳皮月餅聽都未聽過,一定好貴,好老實真係不用買過我,我好求其咋.
坐咗陣老婆就電腦比個仔結婚時啲相過佢看,我都醒目,明知喱個妹邊會有咁耐性?成800幾張嘥氣,我都醒目嗱淋youtube比條結婚片過佢睇,看完想話比啲旅相過佢睇,佢以經好不內煩嗌唔睇,要去食飯,其實幾拾年來都無食中午飯習慣,唔怪得佢肥咗咁多.
喱個妹無癮,都見怪不怪,於是換件衫同佢落商場,又話唔食大家樂喎,咁就隔離間茶餐廳,三個人叫咗兩碟飯,粟米班腩飯同碟豉椒牛河.
食飯其間少不免講吓家簇親情事,我喱個妹絕情谷長大,自斷六親,全是自導自演而斷,無辦法?人疑心大,胸襟窄又記仇,人家講一句話,可以想像到天大事,屢勸都係咁,無得救,唉!人唔C都唔會見吓面,結果還是拗頸而散,吃完個飯佢便沖沖走了.
回家個電視還有些少手尾,加多兩插蘇,個妹回到家就來電通知我,我再次講,來就來不要買嘢,收線後搞掂個插蘇又4點鐘,哈!大市又倒跌,真係難搞.
夜又得我倆老食,不如就牛仔骨,半罐焗豆同脫水菜.
飯前六合彩金多寶,又投注40大元.
鐵兜飯
脫水菜會焗豆
煎牛仔骨
兩個人食.
夜又得我倆老食,不如就牛仔骨,半罐焗豆同脫水菜.
飯前六合彩金多寶,又投注40大元.
鐵兜飯
脫水菜會焗豆
你個妹咁有搭訕，回到家來电通知你報平安。
回覆刪除奇華餅店老闆是曾志偉，他捐出20年的陳皮给我師父做陳皮月餅，每盒8個$288元，收益是捐给我師父（衍陽法師)在youtube也有她的片看。
你們街外買的陳皮月餅，用的陳皮年份也不會太久，相對也便宜，我們的月餅收益是建寺的，所以會比街外貴，曾志偉也是信佛，我們有法會，曾志偉常送奇華的西餅過來。
呢輪個市，真係唔識玩。
一家唔知一家事,佢剩係揾我咋,其他斷五親呀,我唔撐佢,次次來我都唔開心架.
刪除曾志偉係代言人啫,老闆姓黃,市面198一盒,原來出咗兩年,同余仁生合作出陳皮月餅.
呀倫曾志偉班明星個個都信佛,揾咁多錢,都捐唔少.
金寶叔, 新野喎! 鐵兜飯係乜東東? 睇落d 飯好似煮得好靚仔咁播!
回覆刪除哈!係韓式鐵鍋喎,應該煮好飯放落去,然後面頭放餸,再用火烘熱,烘到有飯焦咁囉.
刪除哈!就直頭用來煮飯囉.
這種月餅，我都未見過，仲要是名牌添。
回覆刪除係呀,我都未聽過,又唔係貴200蚊度盒,有8隻.
刪除我有個細佬又系好小氣,有一年中秋節話冇叫佢做節,嬲左成村人,又系自斷六親以後都冇入林村做節好幾年都沒出現(在fb就有見佢D相).....阿嫂又系話這個叔仔(我細佬)次次都要人叫,點解唔識自動波問下人.....人就是這樣....要人走了才珍惜......唉.
回覆刪除唉!人與人相處真係好難,一樣米飬百樣人,唉!點唔好都係同父母出,何解咁絶都做得出,小氣,疑心,講唔到佢咁多嘢,衰的樣樣齊,全家佢最細,竟然嬲啲大唔去探佢,我大佬夠無嚟探我啦,做人做番本份,係長輩唔啱既,嘛好好醜醜見次囉,一年得一次,絕得唔交關.小氣記仇,幾拾年小事,記到家下,我眼見60幾年,公道講句,我唔幫個妹.
刪除都是的,,,一邊放下....不再執著....希望可以化解啦.
刪除嘥氣,勸足幾十年,大家都嗰頭近,唔理囉.話之佢見唔見.
刪除邊有咁少氣吖,話啲大佬唔探佢,大佬呀,最細係你?有無搞錯呀.
我又嘛一樣,我大佬何來探過我吖,白痴.
你妹來探你，她都不是絕情的人。好好珍惜兄妹情。
回覆刪除唉!你有所不知,寫多咗個親囉?應該係斷五親至真,勸足幾十年,來親都勸,還是拗頸散,無得救,話之佢C.我對佢都C心.
刪除