瞓覺好,鼻無事,老婆同個仔放假,大市跌到驚,家居改革又開工,大乜樂下午茶,晚飯個女煮,三個人食.

昨晚11點零都瞓,湯水多要去幾次,幾次都好可以瞓返,瞓到今早6點鐘醒醒,笠隻耳筒半睡半醒到8點鐘,睡來相當唔錯,起來有噴嚏有鼻水,好在好快就無事.

早餐後搞掂一切.老婆亦瞓醒,老婆今日放假,早餐後齊齊上網,9點半鐘個市又開,大市跟隨美又跌,好快又3佰幾點,想話買番些少,但實在跌得利害,搞到我舉手難下,真係好驚,還是無眼睇.

關電腦家居改革開工,老婆遊戲遲遲唔放下電腦,我話之你,開工先改短個白色層板架,老婆才關妥電腦來幫手,跟住廚房個層架,整個架放低6寸,移出3寸.

搞掂後個仔才瞓醒,齊齊幫手鑽0隆搞碎濕嘢,一搞成4點鐘,三人才大家樂下午茶醫肚,茶後行惠康無嘢好買,但我對腳過勞,差不多行不得,跟住街市買點餸返歸.

回家整換埋個遊器插蘇個底板,再搞埋四張椅坐板移位,嘩!搞掂成個人散晒,對腳痛都唔識行,監C執埋架生,老婆就清潔,個女返到,攰到我呀媽認得,今餐為有由個女來煮飯,同個老母三個人食.

今日買料有雞蛋10隻10蚊,洋葱2.7蚊,節瓜7.4蚊.

個女煮我教路

洋葱牛仔骨

蝦米火腿粉絲煮節瓜

三個人食.