睡來唔錯,鼻無事,老婆放假北上,整日在家恰眼瞓,私雞兩隻人仔百一,晚飯三人食.

昨晚12點鐘都瞓,一覺今晨6點鐘醒,睡來唔錯,賴床7點鐘起來,個鼻總算無事,老婆放假晨早以經醒,上陣網早餐,老婆今日有節目,約咗班舊同事北上按摩喎.

8點45分老婆出門,百無聊賴下,不是上網便是恰眼瞓,又12點鐘楚漢,看後番熱碗隔夜鹹雞飯食.

吃後還是挨住梳化,唔係瞓著便是看電視,整個人烏烏吓,3點鐘嗱淋出街,過大圍買餸,天陰陰想落雨,踩到半途電話響,原來老婆已經返港,在粉嶺途中喎,還說買了兩隻雞喎,記然抽住兩隻雞,不如你返歸,我獨自買餸得喇.

過到大圍,街市行個圈,真係唔知買乜好,不如買咗麵包先,拿著磅方包付錢,嗰個極度黑人憎女收銀,我比50過佢,佢粒聲唔出找番40,問佢係咪加價,佢才點頭,都好加咗價,以後都唔駛見你個衰樣.

 買完加價包,繼續回程買餸.買有啤梨5隻10蚊,菜芯一斤10蚊,花蒼魚仔10蚊,豆腐一件3.5蚊,走人,返回自行市買蕃茄+紅蘿蔔10蚊,合共53.5元

 回家老婆處理隻55人仔雞,醃好放電飯煲.

 兼煲落個湯,湯料有栗子?,紅菜頭一隻蚊, 蕃茄同紅蘿蔔10蚊,栗米一支2蚊.

 

夜點開飯有炸豆腐

 

老婆電飯煲隻雞

  

粟米紅菜頭紅蘿蔔煲栗子

  

  

連淥菜芯5個人食,兩人夜返留湯飯餸,吃飽才醒起還有碟魚忘記蒸.

  

飯後果啤梨,澳洲啤梨.