睡來還可,血壓加藥,與陳成探萬昌,大圍冒雨買餸,又賴嘢,晚4人食.

昨晚12點鐘前都瞓,入秋以來夜所特別多,兩次所就瞓近6點鐘醒,笠個耳筒望住老婆返工,一賴就7點半鐘,想起老馬輕微中風自己都有點驚.
起來見個仔擒擒青返工,唔知醒喎?洗個面弄早餐,餐前番熱救命藥木耳漿空肚食,稍後才早餐.
餐後量個血壓134/80-54,食今早藥,今日開始加藥,白色血壓藥半粒改食一粒,藥後辦埋個大事,認真麻麻.
望吓個鐘,嘩?乜10點鐘,跟住陳成來電,係咪探萬昌?係,佢話買啲乜去,我話唔駛喇,到時比些少銀過佢,叫佢老婆買啲喜歡食過佢算啦.
收線後嗱淋換衫,樓下街市斬幾草燒味,便火車上上水,去到上水行出天橋,陳成以經在等,兩條友51K入石仔嶺老人區.
落車好彩無乜雨,話咁快便到,萬昌剛好食完飯,咁就叫呀姐幫幫忙,同萬昌上車仔,陳成做推,幾粒雨下推萬昌出蓬下坐,諗住有燒味,就去汽水機買汽水,誰知陳成回來,話壞機無得賣,好彩萬昌話我有維他乜茶,咁就拿三包出來,邊食燒味邊聊.

影咗8張才叫做影得中三個人.

 

飯後煙快活過神仙,希望佢能夠活得快活啦..

 區內花園種有辣椒,蕃薯,同甘蔗.

 

落雨天空氣好,份外好環境.

 坐到1點多啲鐘,陳成話要走,臨走陳成聽我話,比些少過萬昌,我就係咁易比些算.

 

離開老人區好快便有車,到上水陳成話要食飯,可能工作開要食飯,咁就間酒樓食中午.

 大約兩點多鐘,陳成找數180多,便各有走,我就火車返沙田,佢就元朗會朋友.
返回沙田剛好3點鐘,雨還是落,老婆放工來電,見落雨都係叫佢返歸,我就冒著雨大圍買餸.

 買餸其間又賴嘢,碰幾碰還未知?到出血才知賴嘢.

買輪餸火車返歸,回家4點多啲鐘.
買來的有南瓜5蚊,多春魚16.8蚊,蓮耦6蚊,雞扒1件6.4蚊,合共34.2蚊.

 

 南瓜雞

煎多春魚

 

炸耦片

4個人食,今餐盛惠34.2蚊.

飯後睇跑馬,還是無賭.