睡來唔錯,老婆放假,沙田醫院探戰友,下午茶雲吞麵,行轉鴨撩街買對錶,南昌街刀鉆板,晚飯兩人食.

昨晚12點鐘瞓,一覺今早近8點鐘,睡來唔錯,稍賴起床,老婆放假已瞓醒,已在埋頭上網.

起來情況唔錯,昨晚飯後粒消炎藥,左手碗已經無咁痛,洗個面番熱木耳漿食,再搞早餐,同老婆齊齊食,餐後量個血壓134/77-55,才食我基本藥.

手已經好7,8,穩陣起見還是食多粒消炎藥.

 

上陣網,嘩!乜10點半鐘,嗱淋上惠康買支萄葡適,就巴士過沙田醫院.

  

過到沙田醫院,陳成報錯料,話J座803,好彩問聲姑娘,應該係D座,一行入D座病房,正週維嶽,突然有人叫我名,原來正坐在窗前電視機下,見佢眼神呆滯,說話有點唔夠氣,但還可以聽得到,手還可以郁動,電話whatsapp就慢啲,但都還用到,見中風病人以來,佢算不太嚴重,問佢發生過程,佢就有點含糊,只知道當時暈咗響廁所整日,後來仔見電話無人接,whatsapp又無回應,才走來揾老豆,誰知廁所門老馬頂住,開不得,後來話個仔廁所窗入喎?才送去醫院喎,問佢醫生點講?佢話個頭有光影喎,真係唔知因乜事?

見報錯料,於是至電過陳成話佢聽位置,陳成同呀威來到,不久老馬細佬富仔到,傾輪偈12點多啲鐘,佢新抱到,我們都唔打擾便離開.

  

回家都1點鐘,老婆在上網,隻隻嘢亦瞓醒,之後啲後生出晒街,我就有點眼睏,梳化恰陣,兩點鐘同老婆出街,老婆要買隻手錶睇時間,咁就鴨撩街啦.

同老婆巴士出深水埗,見肚餓不如搭多個站,營盤街下車,

 都好耐無食雲吞麵,就揾間茶餐聽食麵,我就雲吞麵26蚊,老婆就牛什河又係26蚊.

吃後就行去鴨撩街,都係去幫襯唔少嗰檔錶,還以為無咗,因為條街都變晒,全部做手機同手機有關生意,太耐無來,差點找不到,原來裝過修上過油,光猛靚靚得多,兩公婆好快找到合意手錶,重係一模樣,改埋錶帶比過錢走人.

 

 行陣鴨撩街便走去北河街市行,圍著街市行個圈,無嘢啱買,跟住行去搭車返歸.沿住南昌街而上,行到間兩蚊店,貢入去睇吓有乜好執,結果執張斬骨刀48蚊,我諗全場最貴?執個鉆板32蚊,執排夾3蚊走人.

 老婆孭住行去石夾尾站巴士返歸.
回家都6點鐘,上陣網夜點煮飯,雪柜料有牛肉,荷蘭豆,鹹酸菜同蝦干.

鉄兜飯一兜

 
蝦干炒荷豆.

 鹹酸菜炒牛肉

 兩個人食.

 

飯後蘋果雪梨茜芹汁.

 

飯後睇吓隻手,還是腫同痛,無辦法為有又整多粒消炎藥,以經第三粒.

夜個仔返,新抱話排咗成粒鐘既日式芝士撻.