睡來可以,唔買唔跌,樓下下午茶,茶後甩隻牙,晚飯4人食.

昨晚12點零瞓,一覺今早8點多啲鐘,稍賴床起來,鼻有點塞有鼻涕,洗個面早餐邊上網,9點半鐘個市又開,外圍帶動,恆指又低開437點,真大鑊?唔買唔跌一買佢就跌,唔到你唔服?

量埋個血壓121/69-57,食今早藥,開埋個大又10點鐘,再望吓個市,稍為收窄,唉!都係唔鬼睇.

熄電腦看電視,看吓恰吓眼睏又12點鐘,高清台楚漢,看輪電視又3點鐘,老婆放工來電,見雪柜還有啲紅衫魚,邊度都唔想去,返來屋企啦.

3點多鐘老婆返到,齊齊大乜樂下午茶,老婆22我22,坐輪就買餸,離開大乜樂醒起老婆個袋?於是轉身回去攞之際,突然口內有粒嘢,嘩!原來係隻牙,吊吊揈幾個月終於甩咗,無血無痛,舒服晒,從此食嘢不用螺螺吓之苦,最後得番上11下4隻,無牙佬LU.

攞番個袋就街市買餸,買三條節瓜8蚊,買個椰菜3蚊返歸.

夜清雪柜,料有紅衫魚15蚊,節瓜8蚊,椰菜3蚊,芋頭4蚊,兩塊豬扒6蚊.

馬拉盞炒椰菜

豬扒芋頭煲

紅衫魚滾節瓜

4個人食1夜返留湯飯餸,今餐盛惠36蚊.