韶關南雄坪田填,佛岡田野綠世界三天之旅,出發

11月1日收到老婆放假消息,18,19,20放假三天,唉!又要傷腦根找團玩三日,向來匯景的我,上網一摷,18號快將成團,贛州,通天岩,古浮橋,陡水湖純玩三天巴士團,再搜吓資料,正啵,啱去.

11月2日於是乎早點報名,3點多啲鐘同放工老婆,飲完個下午茶,餸都唔買住便去報名.
4點多啲鐘去到,見有5,6個人在排隊,鋪仔細細排到出街,同老婆講不如買完餸才來過,老婆又唔肯,結果等到4點半鐘才輪到,一問?就介紹團南雄黃葉三天,同一團唱K的,竟然無贛州通天岩嗰團,再追問下,才說無人報名,唉!見南雄又未去過,後便又有人排隊,是但啦.費事又來多次,就敲鎚報名,團費499+保險63*2兩位盛惠1124元.

11月17日旅行前夕不經不覺又到出發日子,其實對南雄這團都無乜期望,睇葉既嘢都好講天時地利,由其今年天氣,深秋還熱過鬼.
 昨晚係咁易執執行理,12點多啲鐘瞓,才醒起未有準備相機啵,又起來相機义電,返回床瞓過,又醒起要帶拐杖啵?又起來摷拐杖,之後才正式瞓過.

11月18日一覺晨早5點半鐘醒,少有旅行前夕可以瞓到5粒鐘,真係感恩,起來洗個面弄早餐,6點鐘老婆亦瞓醒,齊齊早餐,跟住執齊行裝,6點40鐘出門.
須然不大順暢,站站轉車要等數分鐘,還是順利7點50分過到來福田口岸,11號閘匯景報到.
報到後昅昅個場面,據我所看,今日匯景似乎威晒,一數成廿支旅出發,而大韓做咗二哥,17,8支旗啦,廣東都有7,8支,旱見康泰一支咁多.
經已8點10分,問句導遊人齊未?說還差4個,還好等多陣都到埋,

8點19分車到,係公司車,參團以來一次坐正.

 9點28分來到第二個上客點,深圳灣口岸,團友陸續上車.

 整團50人坐爆,10點34分來到麻涌服務站,團友齊齊交水費.

女仕就麻煩啲,排長龍.

12點17分,來到喱間雙龍城,食我們第一餐午飯,我喱個老怪物,又做我啲異相事,相機食先,有位年紀相約團友問我拍來做乜?一時間都唔知點解釋?於是順口講句,參加匯景以來最惡劣一餐,所以拍下留念囉.
講真真係好差啵,但依然好搶手,好快就清晒,犀利,整枱10個人,4個女仕一齊的,另外連我三對夫婦,咁劣菜式都咁搶手,下來我都不敢想像?

上車咁耐無法連線wifi,於是問句司機同導遊,說有的,只不過好弱喎?無得wifi為有東張西望,發覺隔鄰位夫婦好多架生,手機大芒不用講,又i pad,兩公婆係咁上網,描吓佢睇乜,嘩!英文啵?睇埋衣著,應該有文化之仕.
哈!好好傾,係位女仕,先生就文靜點,傾起點解跟匯景?我話以前去襯都係購物,去到無癮,後來上網,話口未完,位文化團友就講威龍?哈!好嘢,原來佢都係威龍兄粉絲,咁就大把嘢講,講吓威龍哥卜上史.
傾吓講吓2點47分來到曲江服務區,停車歇歇放放水.

真係好多話題,同文化女仕傾咗好多嘢,不覺下3點45分來到,所謂景點風釆樓,以前都過,樓一座無嘢睇.

跟第二個景點冬菇一條街.
跟著大隊行,

腳痛的我無偈,包尾行

10多分鐘來到所謂冬菇街,最尾一間廟,

 

行到最後的我,都無暇入來參觀,便跟著啲精明C九睇冬菇,

 

行完尾後一大堆冬菇鋪,結果人買我買下,買咗斤冬菇45蚊,合桃18蚊斤,秤咗30蚊,花豆一斤8蚊.

回程返回中途,剛才無入過去,一條冬菇小巷.

 入到來篤篤,見些團友在買冬菇,我又湊湊熱閙睇吓,間鋪仔得細半邊,一個呀婆在賣,發覺賣的好得意,個磅放到埋一埋,要秤嘢便行入去,同我哋香港唔同,個磅放到當眼地方,表示公正,佢放到入入,秤時又顧不及外便.
其實這裡有段插曲,關於買冬菇,還是不便post出.

 

離開條冬菇巷仔回程,一路來已覺好意外,何解咁多新彊人賣合桃?

,一家大細連BB車都有,相信已落籍韶關.

經過一些新彊人賣合桃,返回風釆樓5點15分.

 咁遠來到,都要風釆樓拍番幾張照.
6點15分來到這間旺景軒,食我們餐晚飯.

 

今晚餐飯同中午餐差得遠?我圍須然個個咁有實力,不竟每個菜都好夠份量,須然無乜牙的我,尚算有啖食吓,其實匯景食係OK.

飯後7點半鐘來到這間嘉華商務酒店,酒店新淨四星,廁所無甩漏,熱水夠熱,房間清潔算唔錯.

上房休息咗好一會,看埋集東坡家事9點多,老婆話要外出行吓,唉!夜嘛嘛大陸到處咪一樣?老婆叫到為有行啦.

落到街黑嘛嘛,見到對面有條橋,但要過條好闊馬路,啲車緃橫交錯,車又唔睇燈,班馬線設來都廢,同老婆步步一驚心,走吓窒吓,終於過到去.

見街燈夠猛又拍吓照,拍番張酒店夜照先.

 

上到橋又拍下夜照,按個腳架仔,兩公婆聚精會神調較部機,按制10秒後,正收機轉身,嘩!嚇C人咩?有個人推住部單車,個頭烘到埋一埋,差不多面貼面,嚇得我C,驚魂未定,問佢做乜呀?佢才說睇吓之嘛,嚇得我CC.

拍完個塔景,行到橋中央,風有點大,又無穿夠衫,都係唔行咯,便返回酒店
 

返回酒店10點多鐘,早點洗白白上床,就這樣結束今天首日行程.

明天再續.