相當好瞓鼻無事,又撩起我把火,入場攞個爛鬼袋,大乜樂食隻狗,輸馬20蚊,晚飯4人食

昨晚未及12點以經瞓,連鼻可靈都忘記噴,凍凍哋都懶得起床噴,一覺瞓到今晨6點鐘醒,去個所老婆在返工,返回床遲遲未能瞓著,為有笠隻耳筒,聽收音機瞓,就係咁一瞓9點多鐘,賴床到10點鐘起來.
睡來相當唔錯,鼻一點事都無,入冬以來最好一次,洗個面弄早餐邊上網食.辦埋個大事又11點15分,胡亂上輪網又12點幾鐘.
星期六賽馬,又差不多開跑,早前入場網上投注,話送我型格購物袋壹個,但要另函通知來取,見今日賽馬又是星期六,應該人少,不如入場攞咗先,其實封信有埋入場券一張,有效日期至16年7月10日咁耐,無謂浪費張券.諗住跑完第4場前去,啱啱好跑完第5場,可以免費入場去取.

跑咗兩場兩點鐘未夠,個女瞓醒,問我想買萬能角鐵整個衣柜,本來我唔睬佢,是由昨晚打邊爐,其實邊爐對來講,無乜興趣,見佢哋興致勃勃,是但啦.
由於是事前緊記少說話,少參與,少討論,在淥淥吓其間,佢哋講到新鮮熱辣單大新聞,綠巴車禍C4個人咁大件事,我都不參與,一於沉默的食,食到咁上吓,我都以經離場.
到她們完場,見個女執什碗碟,食剩啲些少渣滓,我就不由自主講句,撥埋落個邊爐煱度啦,一齊倒落個塔度啦,佢老味,又係逆我意,偏偏話唔好,係都撥埋一邊,嘩!火都離埋,劑劑都係咁,我yes你梗係no,谷鬼氣省咗佢一輪,我話你哋以經標籤咗我,每逢我出聲,都係我唔啱,有無當我係你老豆?不點尊嚴都無比我?
見今日事關重要,關乎家居,豈能讓你獨斷獨行,買萬能各鐵來做衣柜,我話屋企還有板料,你個衣柜只欠一件柜則板,只要鋸塊板做則,按上去就成個柜形,內裡點簡格都得.
你買萬能角鐵又貴,要買好多,起碼要4條楝做柱,又橫又直,單靠羅絲搭好左歪又斜,又唔靚.佢話唔想你咁辛苦喎,我話你個細佬搬返來,家居改革咁多嘢都係搞掂,現在還有板料,放響度又阻地方,點解你係都要逆我意,比一次yes好唔好?
佢老味吖?大發脾氣,張啲衫響衣柜,係咁掟晒出來,搞到通床通地都係,原本我兩點半鐘才出門,搞到我即時換衫離開.
去到馬場才兩點多啲鐘,還差成粒鐘才跑第五場,若果入場又嘥咗我張券.
 
搞到我四處咁行,

結果在閘口等咗成粒鐘,跑完五場才進場,進場後便走去平台廣場,禮品處攞袋.

 

唉!好失望,攞咗個連cap帽都不如,所謂型格購物袋,

其實馬會禮品,邊有好嘢吖?諗住要信才有得攞?以為好嘢,好彩不用車費同入場費.

記然入到來,人少少,不如行去沙圈影吓相都好.

過到去啲馬續一亮相.

 影輪相走入室內睇吓,啲售票機都唔知第幾代,佢識我,我唔識佢.
 
 有枱有椅賭得幾舒服,星期六咋,唔係人多到行都行不到.
 
望吓手機諗住買番場,唉!手機資料又少?在家對住電腦都未必識賭?都係慳番,
 
離開室內,大概啲馬都出跑道,終點在前,找個靚位置,當然易找啦.

開跑LU.
 
嚴陣以待,拍出來唔多理想.

 睇埋個拉頭馬我都要走.

4點鐘離開馬場,一口氣踩回自家屋邨才18分鐘.
 老婆以經大乜樂等緊我,鬼咁肚餓,叫隻熱狗餐食22蚊.

同老婆大訴今日之苦,便街市買點菜,買有鹹皮蛋5蚊雞蛋3隻3蚊,半斤油麥菜2.7蚊返歸.

回家5點鐘還趕及第9場,試買條位置Q莫雷拉隻車神搭告東尼隻非常堅,結果係趕不及,以經響鐘開跑,非常堅嚇襯,冷門放回來緊跑第四,就算跑第三都係輸.
到尾場一於告東尼赤龍駒,初跑泥地,WP各10蚊,又輸埋.

寫輪卜成8點鐘來煮飯,有隔夜雞同冬菇,雞蛋三隻鹹皮各1隻同油麥菜.

 爆雞
 
 蠔油淥油麥菜

蒸三色蛋
 
 隔夜炆冬菇

4個人食一夜返留飯餸.

飯後出埋編卜,夜點睇波.