睡來尚可,鼻無事,耳鳴差不多,整日煲劇.下午茶大乜樂,老婆街街,傑仔送我月曆,晚飯兩人食.

昨晚12點上床,遲遲才瞓著,瞓至今早近8點鐘醒,在床手機煲劇至9點鐘才起來,洗面搞早餐食,吃後量血壓,食埋今早藥又9點半鐘,就上網續煲劇,四十九日祭.

一煲整個上午差不多1點鐘,以經去到第三十五集,還有七集煞科,煲得太耐都要唞唞,恰陣眼瞓看陣電視又3點鐘,老婆放工來電,話落雨喎,有無收衫呀,乜落雨咩?好彩晨早收回入內,見落雨邊度都不用去,就樓下食大乜樂啦.

3點多鐘落到大乜樂,老婆以經在等,相量下不如要個下午茶餐,加個米粉兩份食算,吃後坐陣買餸,誰知老婆聽咗個電話,話同個女街街喎,得我同個仔新抱三個人食,三個人食都要煮,咁就街市買磚豆腐4.5蚊,白豆4蚊返歸.

回家老婆同個女街街,我就繼續煲劇,6點鐘聽到敲門聲,原來隔鄰妹妹敲門,代佢大伯傑仔,送我2016年大月曆,傑仔年年如是有我心,叫妹妹代我多謝大伯喎.
一煲去到40集,劇情發展似乎應該完結,又會重有兩集?以經7點半鐘,個仔亦放工返到,都係煮飯.

 

誰知個新抱又話唔食,兩個人食,真係唔煮好過煮,菜就處理好,為有扣起半舊豆腐.

料有白豆4蚊,梅菜半條,豆腐食半2.5蚊,些少雞肉.

 

梅菜蒸豆腐.

 

馬拉盞炒白豆.

 

兩個人食,今餐大約8.5蚊.