睡來還可,個仔新抱過澳門,整朝上網,與老馬石仔嶺探戰友,晚飯三個人食.

昨晚好不開心,但總算講咗我底線話,講咗亦算數,總知下來緊記少說話,少參與,少主意,以後你有你忙碌,我有我瘋狂,過我自己生活.

昨晚如常12點鐘便瞓,一覺5點多便醒,去個所就瞓不返,為有又笠個耳筒,聽著歌賴著,6點鐘望住老婆返工,睇住個女成晚無瞓織冷衫,個老母起來係咁追問如何織?個老母睬你都儍,趕住返工,個女才上床瞓,8點多個仔放下家用,兩公婆就出門過澳門,我就一於少理,裝著瞓,賴到今早9點才起來,一切良好,並無唔妥.

老婆又貼下字條叫晾衫,我就煲點熱水洗個面,晾埋啲衫,搞掂就搞早餐,邊食邊上網,搞掂一切,辦埋個大事又10點半鐘.
上網到12點半鐘,約咗老馬一點鐘沙田站等,係時候出門,去到沙田站剛好1點鐘,老馬以經到咗,有兩位一於霸住,剛好老馬來到,一齊坐著到上水.跟住小巴入到石仔嶺.
入到去戰友以經坐響輪椅等,眼見戰友紅粉飛飛,飽滿咗肥咗,姑娘跟住插咀重咗成10磅呀,我們來到姑娘好雀躍,好開心有人探佢,戰友以前工作時不紐口花花,相信我們未到以經爆晒響口.
 
 戰友間房.

坐陣便推佢出外便坐,老馬帶咗好多料來,有半隻燒鴨同盒燒肉,重有雪凍支葡萄酒,連紙杯帶埋嚟,叫個唔飲酒既我開酒,搞到個塞爛晒,搞咗輪都係唔掂,為有張個塞夾硬推入樽內.

 
 唉!戰友依然重係要餵,斬料嗰條友又大大舊?要用手撕碎續舊餵,食食吓姑娘叫醫生來咗,吓?又要我擒擒青推番佢入去,不過好快就診完,於是順便揾張刀仔,但又無义,結果推回戰友出去,又走去借义,好衰唔衰成個廚房得啲即棄膠义,稍為大力都斷埋,無偈?為有繼續撕碎,用义拮佢食.
 
吃夠又煲煙,又要同佢點火揸煙.

 突然有個邨內院友坐埋嚟,傾兩句又英又中,我哋啲小學雞都未完成,識鬼咩?同佢講大佬講中文啦,佢話嗰啲名詞中文我唔識,很抱歉喎,言語其間都知佢好有料,於是問吓佢識唔識王兆旦?佢話識好熟添,又話唔係第四座就第五座住喎?我以為佢係馬場之人,佢又話唔係,聽佢講嘢係授過高教育之仕,老人邨都唔可睇少,好多潛龍伏虎,傾到4點鐘,條友話要返回自己區開飯喎.

飲飽食醉,唔飲得的我面通紅晒,頭揈揈,係時候推戰友返回宿舍.
 
返回宿舍佢老婆同個契女來咗,見我們三個人面都紅晒,C囉唔飲得酒架,大鑊做咗罪人添,連聲道歉,下次不會,其實佢老婆好開心,有人探佢老公,猛叫多啲嚟,我話搬來沙田一定一定,交番個老公過佢,就同老馬離開.



腳步浮浮的小巴,跟住火車,好在有位坐,整個人迷迷糊糊挨著玻璃瞓咗陣.
 返歸以經5點半鐘,想話開電腦寫卜,結果敵不過睡魔,爬響電腦枱瞓著.
而老婆見我撻著,佢就處理今晚餐菜料,煮落飯,我來煮餸,昨晚邊爐剩餘料,蝦同瘦肉剁碎,釀豆腐,肉丸滾啖菜湯.
 

 




三個人食.