普天同慶 聖誕節,鼻感發作,睡來尚可,整日上網,午茶拮嘢,麥記雪糕,晚飯4人食.

自從

whatsapp

興起,每逢佳節祝賀說話 相片短片滿天飛,手機下載到爆,就揀段網友送給我的聖誕短片post上.

祝願各位喜歡看我的無聊事者

聖誕快樂 日日開心

其中收到條,又post比大家睇吓,好嘢嚟架.

昨晚如常12點鐘以經瞓,一覺5點零又醒,鼻塞塞鼻水又到,跟住打噴嚏,無得瞓,望住老婆返工,呻又唔清,半塞下呻極都有,好彩呻輪又瞓返,一瞓就9點鐘,相當唔錯.

起來鼻水依然,但收歛得多,煲水洗面搞早餐,餐後9點43分量血壓117/73-50又幾好啵,食埋基本藥就上網,辦埋個大事又10點半鐘.
2015年大量相積壓,要處理,一搞又一個上午,無聊望吓手機,嘩!whatsapp多到乜咁?大多數祝賀聖誕快樂短片,有啲重係重覆重覆,有啲成4,5分鐘一條,下載須時,都係求其挑啲睇吓算,搞兩搞連游水都懶去,一直上網到2點幾鐘,坐得耐對住個芒,都幾係嘢?
關機看陣電視又3點多啲鐘,咦?老婆還未來電?唔通加班?於是至電過佢,又鬼咁耐才接?原來才收工,咁就大圍買餸兼食嘢.
過到大圍老婆以經在拮嘢,每人食個飯餐共40蚊,餐後買餸,行轉街市又走入麥記食雪糕兩杯7蚊,唞陣就開始買餸,行轉買咗好多嘢,兩公婆拎餐懵,無辦法,又要同老婆分道揚鑣,佢搭車我踩車回家.
返歸都5點40分,買來有雞蛋30隻25蚊,木耳半斤19蚊,香蕉5.7蚊,蝦子麵29.9蚊,漂白水19蚊,蜜糖29.3蚊,夠期西梅汁15蚊,夠期冰鮮土雞23.6蚊,合共166.5元.

老婆處理今晚餐餸,我就寫陣卜.
夜點我來煮飯有冰鮮半隻12蚊,冬菇,雲耳,四季豆一包3.4蚊同梅菜.
 
 冬菇雲耳蒸雞
 
 梅菜炒四季豆.

 4個人食一夜返留飯餸.