一切良好,鼻無事,交屋租,咭年費,游水800m,沙田中心麥記,晚餐5個人食.

昨晚12點鐘瞓,一覺5點多又醒,去個所又係瞓不返,到老婆6點鐘返工,依然瞓唔著,為有又笠個耳筒,迷迷糊糊又瞓到8點鐘,賴床8點多起來,一切良乜事無.

起來老婆留下字條叫晾衫,番熱木耳漿,晾下大量衫,才洗面搞早餐,空肚食我木耳漿,上陣網才食早餐,搞掂一切辦埋個大事又10點15分.
今日1月4號又要交屋租,搞掂後又輪到每年一煩事,就係信用咭年費,又要打熱線,聽一輪防盜嘢,跟住乜事就按乜號,舊年全是錄音,按極都唔掂,幸好個女響度,才能接通服務員,今次話之你,錄音講乜我唔理,總知一味撳零字,哈!足知接通服務員,服務員幾生手吓,核對過身份後,都係嗰句,看你過以往紀錄良好,免你一年年費.
見佢幾好服務,又聊兩句,我話好煩,年年要打上來報,真係好想cut咗佢,我哋啲一把年紀,邊會時常用到,又不會先用未來錢,有無都無所謂,萬一扣咗年費,幾百個唔抵?佢話就算扣咗,都可以打電話上來,回番比你,唉!都試過啦,須然攞得番,但要碌咭用呢?佢話放回戶口都得,要辦手續,唉!300蚊年費,真的攞不返,嘛叫做最後一次,送過匯豐囉,我話間間都免年費,係你哋間咁衰,不過你打工啫,匯豐制度係咁,都無偈?唉!都係無謂咁長氣,謝謝佢服務便收線.
話咁快又一個上午,1點多還是去游水,1點37分過到池,更衣室熱身,上池1點52分下水,一條氣游佢800m,2點34分夠數起錨,更衣室搞掂一切,還有時間,上網望望個市,唉!真大鑊,恆指跌成5百幾點,真無眼睇,又3點多啲鐘,老婆放工來電,話食麥記,咁就沙田中心老麥.
過到去老麥,老婆亦剛啱到,話個女又來喎,等咗陣個女到,話有40蚊券喎,佢兩個去買嘢,回來話76蚊,用咗40蚊券36蚊喎.
 
食完坐咗好一會才買餸,先行百佳買咗隻冰鮮芝麻雞29蚊,三隻火龍果8.8蚊,然後沙田街市,泥鯭20蚊,紅衫魚20蚊,豆腐4.5蚊,豆腐干兩件4蚊,返回自街市買條白蘿蔔8蚊,韮菜2蚊.

回家6點15分,老婆處理買來的餸料,我就上網寫今日blog.
夜我來煮飯,有白蘿蔔,韮菜,豆腐,紅衫魚,冰雞半隻,蜆肉.

冬菇雲耳蒸雞

蜆肉豆腐煮韮菜.

紅衫魚煲蘿蔔



5個人食夜返留湯飯餸.

飯後果火龍果