火鍋.

今晚乜都唔駛做,粥底打邊爐喎?佢哋搞,火鍋我麻麻,無耐性好快便離場.

 

人齊6個人食.

石仔嶺探戰友,元朗年夜飯.

昨日出埋編氣憤blog後,2點多收服心情,一於忘記牠,去個前前老闆處食年夜飯,上次一樣順路探探得個頭既戰友.

3點鐘沙田火車站內等,車站超多人,行到頭卡都係無位,但客就梳啲,同老友站著吹水,大吹家庭冤屈氣,佢還好新抱孝順,又話今年不用清潔,仔同新抱們比錢請鐘點來清潔喎,今年年夜飯不用佢煮,出外喎,真係好,傾吓傾吓又到上水站.

出閘人多到乜,太多外地人,出閘慢吞吞,外來插咭有靈有不靈,搞到出閘條龍長一長,出了閘上了大堂,一樣擠擁.

 

 幾難才行出小巴站,老友又要燒煙,停留咗陣,就搭小巴.

好快就有車,上車我就撳分段嘟咭,跟住司機同我講,唉!兩蚊就不用撳分段啦,我話係,下次啦,朋友就無撳照嘟,問我撳來做乜啫,我話點解要益佢,我係分段,政府津貼分段囉,全程津貼就多咗,你喜歡益佢嘛益佢囉,最緊知自己做緊乜事,老友才明白.

 傾吓講4點鐘來到石仔嶺老人區.

來到戰友老婆也來咗,話老細潘仔剛剛才走咗,姑娘來同戰友打點一切,坐上輪椅,姑娘話佢來推,真係好人.

安頓好戰友就開餐.

 老友好細心兼大手筆,買了半隻鴨同盒义燒,經過上次,酒就無喇?汔水就三罐.

又聊又食煙,戰友老婆不停勸住戰友,腸胃唔好不要食咁多啦?戰友發晒脾氣,哈!賭錢忌親人,竟然食嘢都忌親人,唉!老友難得見面,嘛食多幾舊囉?兩大盒嘢好彩戰友老婆幫口,一人食啲足之搞掂.

 

聊到5點半鐘,我們係時係要走.

 

離開石仔嶺過對面古洞街市搭76K去元朗.

有個apps真係好用,稍等2分才有車到,嗰然早咗幾拾秒車到,原來半小時一班,哈!送車都幾係嘢?老友話諗住搭的士喎?唉!老友駛錢同我好大分別.

成45分鐘車程才出到元朗,原來約咗另老友大麻成元朗等,佢話人多到比人撞到散喎,元朗又真係好多人,好不容易來到食飯地方,

8點45分上到來,好多客未到.

睇吓個菜牌先,都幾豐富.

咁啱舊年坐我隔離位前輩,記得介過白背木耳條方過佢,我話我剛食完條方咋,於是乎手機相比張過佢睇,哈!佢又係拿部手機拍手機?照後我問有無旅行呀?佢話最近個仔帶佢遊日本,見佢講日本,我啲廣東遊都不敢再提,咁就繼續玩手機,佢話真係唔識喱啲嘢,心諗你用得智能手機?何解不懂whatsapp?我話點解唔叫個仔教?佢話個仔忙喎?唉!帶得你去日本,何解手機無時間?我問手機誰帶你去買架?佢話自己去買咋?哈!真係一家唔知一家事?我就即時示範個whatsapp過佢睇,我話家庭整番個群組,一send個個都睇到,幾好架.唉!又同位老人家上一課.

9點鐘開席,先來個乳豬全體.

跟住碟碟精彩,好夠份量.

餸菜好大碟,不過拍照好有難度,連老友都話我,又影相?唉!都係嗰句,解釋都無謂,為有收歛啲,近就拍張,遠拉近拍張,轉到來無咗大截,為有自己碗拍張,好幾個菜都無拍到.

今次好啲無人投訴煙民,進步咗卦?食吓拍吓好快又散席.

 

 同老細講句,多謝你喱餐,最唔好就係見你一次,我又老一歲,離開酒樓10點半鐘,同老友269d返歸,回家都11點45分,

儍人與白痴,足知搞掂爆腳指,童年回憶,

心情唔好,停咗兩blog,思前想後,究竟每個為人父母是否一樣,人老咗子女大咗,佢哋有腦咗,我哋就遲鈍咗,佢哋智慧咗,我哋就白痴咗,問過好多同輩朋友,聽過好多食市街坊,個個都係咁呻?
你話佢無我們心咩?但又唔係?咁即係口不對心,把口就呼呼喝喝,諸多批評,反駁佢就家嘈屋閉,忍下去,遲早有日要公園留連,夠鐘返歸食飯瞓覺.
前日老婆放假,為咗個女個爛鬼淘寶衣柜,限時限刻即日要起貨,11點多返工的出晒門,同老婆事不而遲開工板又霉,又拆又嵌.
 
中午同老婆食即食麵.

 繼續開工掟爆腳指,



 續做到8.9點才起貨,做到腰都直,辛苦唔緊要,還要諸多批評,我都學會睬你都儍,我都唔知幾自豪.

昨晚一句話都無說,飯後整晚看youtube實在太多嘢睇,太精彩,12點零都瞓,一覺今晨7點多,瞓不返,聽陣收音機就玩手機,無聊下制作了以下條片,我的出生地灣仔,童年時留連過的地方.

相當好瞓,血壓高,游水700m,大圍拮嘢買餸,晚飯5人食.

昨晚夜咗差不多成點鐘瞓,好彩都瞓著,一覺近7點鐘醒,笠個耳筒賴床,一賴成10點鐘才起來,一切良好,無唔妥,洗面弄早餐,早餐又忘記買麵包,為有鮮奶水果麥皮加餅干食,食過早餐量血壓143/78-65又係高,谷鬼氣量多兩次,誰知越量越高,量到無電,唉!話之你,辦埋大事又11點鐘.
上輪又1點多鐘,嗱淋執嘢去游水,唉!姿整吓搞到成1點半鐘出門.
過到池1點46分,嗱淋更衣室換衫兼熱身,上池2點06分下水,一條氣游到700m,以經2點43分,時間唔夠,就此作算,更衣室搞掂一切,老婆以來電幾次,覆實大圍食嘢兼買餸.
過到大圍老婆以在拮嘢等,每人食個飯餐,原來加價,20加到21,兩人合共42蚊.

餐後買餸,行轉街市唔識買,又走入麥記食杯雪糕坐吓,食完杯雪糕繼續買餸.
行轉街市買有膠手套兩對11蚊,方包10蚊,橙8蚊,長椰菜5.9蚊,半肥瘦15蚊,豆腐3.5蚊,電芯10蚊.

買後老婆搭車我踩車回家.

回家老婆處理今晚餸.

夜我來煮飯,有昨晚蘿蔔湯,梅菜肉餅,蕃薯,豆腐同火腿.

梅菜蒸肉餅.

火腿蒸豆腐

隔夜蘿蔔湯

蕃薯飯5個人食,1夜返留飯餸.

飯後果橙.

相當好瞓,整日在家上網,大圍麥記買餸,晚飯人齊食.

昨晚12點多啲瞓,一覺6點40醒咗,老婆以番工,去個所就瞓不返,還是笠個耳筒,一瞓又9點多,睡來唔錯,賴至10點鐘起來,一切良好,無唔妥.
煲點水洗面搞早餐,沖朱古力,芝士花生醬飛碟食,餐後量血壓138/77-61,咁都好啲,上陣網辦埋個大事又11點鐘,開工寫埋編旅遊blog.
一寫又一個上午,看陣電視又3點鐘,老婆又放工,約同火車站內,齊過大圍食嘢兼買餸,買餸其間食麥記,一包一餐32蚊.

 

買完餸又火車返歸,回家又5點鐘,買來有糯米2斤半19蚊,葱3蚊,白蘿蔔3蚊斤,秤兩條9.5蚊,豬骨兩份20蚊.

老婆立即處理今晚餐菜料,兼煲落個湯,料有豬骨20蚊,白蘿蔔9.5蚊,冬菇,蝦米,火腿,瑤柱,臘腸潤腸各一條,葱3蚊.
 
蘿蔔煲豬骨
 

 

 

 
臘味糯米飯.

淥埋幾片紹菜.

人齊開飯5個人食.

河源梅州三天(3)梅州~葉劍英紀念館~四季佳禾生態園~福田.

2016年1月21日星期四

 河源梅州三天遊  第三天

昨晚好早就瞓,一覺天光6點鐘,棉被夠軟熟,相當好瞓,6點45分拍醒老婆,梳洗好便上28樓旋轉餐食我們早餐.
 

7點15分上到來,只得我們團客.

晨曦初露,好過昨日矇矓下午茶.

自助早餐款色唔錯,有中有西,補充又快.

食吓望吓景,足足食咗一粒鐘,返回房間稍休息,便執齊行理落大堂.
9點鐘人齊又出發.

9點50分來到葉劍英紀念館,上次來過都無乜好行,而且雨勢頗大,同老婆門口行吓,便走回售票處坐.

在坐其間,有個女人抱住個女,急急的跑來廁所,方便後抱住個女,急跑回出去,奇怪個女都唔細,抱住跑來跑去,又會咁急?好奇下跟出去望吓?哈!原來部公共巴士在60多米外等緊佢,來回1000多米,司機又會有咁人,成客又會等?好嘢.
張相個女人在5,60米前上了車,來到我才拍下.

無乜雨同老婆週維行吓,行吓街市,時間唔啱,街市冷清清.

回來時團友以經陸續返來,團友買柚子,檔嘢上次來過無價講,今趟一樣2.5斤無得減.

老婆係要買,秤兩隻12.5蚊,我話12蚊啦,佢又肯成交.

離開紀念館,11點半鐘來到四季佳禾生態園,食我們中午飯.

場地好大,睇個款做不同類型宴會.

菜色都唔錯,可惜今早自助餐還未落格,大食的兩公婆依咁犀利,白飯都0趙幾碗,餸不在話下,消化能力確厲害,我就冇偈,飯都無食齍食餸.

飯後正想外便行,又落起雨來,為有室內行吓,室內都好多擺設,有景有椅,好多裝飾,擺明給啲新人拍照.

坐輪影輪相,行出來門口,見有人甕中取烤雞,又埋去湊熱鬧,

職員見我影相,特登拆開隻雞給我拍,香噴噴賣105蚊隻喎?

看完甕中雞雨細得多,老婆又唔知去咗邊?我就入來這個濕地公園行吓.

雨毛毛特別靚.

參觀咗一陣,老婆才蒲頭,一同慢踱,感受吓這個濕地園

行完這個濕地公園又到集合時間1點鐘,又開始歸程.

15點20分來到通驛服務站,團友急不及待要VV殊殊.

殊殊完繼續行車,暢通無阻好順利,司機技術又好,坐得平穩未抛過,有點美中不足,就係個導遊同司機雞啄唔斷,好多嘢講,無事就萬幸,有事佢賴晒.

17點06分來到最後一個VV殊殊服務區謝崗.

車行40多分鐘惡夢就開始,塞車

18點來到布龍收費站,過咗收費站同樣係咁塞.

由唔急塞到急,19點14分來到深圳灣口岸,部份團友下車.
C忍難忍,足知19點45分才來到福回口岸,就結束我們今趟河源梅州三天之旅.

團費499+保險53+小費180*2=1464元.

 返歸21點15分,買來柚子兩隻人仔12元.