睡來可以,整日在家睇跑馬,凍凍哋樓下大乜樂,輸馬20元,晚飯齊人食.

昨晚12點零瞓,一覺今早7點多,瞓不返笠耳筒聽收音機,舊日足跡,賴到9點鐘起來,聽著何國榮講事跡,洗面弄早餐食,好喜歡聽別人的經歷,以前有病住院時,好鍾意聽病友講故仔,有悲有喜好傳奇,由於成世人都在香港,所以特別欣賞,聽到何國榮講佢老婆,好多年前曾在威院覆診時見過,原來佢老婆心臟有事.

餐後量血壓141/79-58,辦埋個大事,洗埋啲餐具又10點半鐘,新抱亦起來梳洗準備返工.
上輪網又一個上午,1點鐘跑馬,有睇無賭到3點鐘,老婆放工,凍凍哋邊度都唔想去,回來樓下食大乜樂,同老婆每人食個下午茶餐,老婆23我27蚊,
 
坐到差不多走,個仔放工出現,大堂撳機喎?餐後齊齊上惠乜,乜都無買獨買咗啲特價生果,有柚子7蚊,同香蕉5蚊返歸.
 
 回家4點半鐘,老婆搞煲落木瓜雪耳湯,我就繼續睇跑馬,去到尾場買番20蚊位置Q玩吓,結果跑第2同4,5輸埋.

9615

21-02-2016 17:46

沙田 星期日

位置Ｑ

10 場  4 小米周 拖 2 神威敖翔 +            13 奮鬥雄心 $10

$20.00

夜我來煮飯雪柜料,有青辣椒2.5蚊,腸仔,蕃茄6.5蚊同芝士.

煮飯其間又多個人回來食,於是乎加碼兩隻雞蛋2蚊同幾片火腿,干葱數粒同南瓜1小舊.

火腿南瓜蒸水蛋.

芝士腸仔干葱焗蕃茄

腸仔炒尖青椒.

火腿雪耳南北杏木瓜湯



陸續人齊5個人食.

飯後果柚子.